بنات ده اول موضوع ليا في المنتدي وحبيت يكون من تجربتي الشخصيه
انا شعري مجعد وخشن جدا ومقصف جدا وكان مضايقني اوي ورحت لدكتور جلديه واداني علاج لشعري اخدته وزودت عليه كمان حاجه وكانت النتيجه وقف التساقط في حدود اسبوع وبدا شعري يطول في حدود 3 اسابيع وبقا نايم كده بعد ما كان منكوش علطول ونعم
مش هطول عليكم هنبدا بسم الله بالعلاج الي اداهولي الدكتور
شامبو كلين تار clean tar ده عشان كان عندي قشره فظيعه وراحت من اول اسبوع
حمام كريم كاريتيهkaretes
خلطه زيوت من عند العطار زيت حبه البركه وخروع وزيتون وجوزهند وبرافين وسمسم ولوز حلو
وفيتامينات اسمها هيرتونhair tone
هتغسلي شعرك 3 مرات في الاسبوع بالشامبو وبعدين تعملي حمام الكريم لمده نصف ساعه وتحطي فوطه سخنه علي شعرك وبعدين تشطفيه وتعملي حمام زيت اي نوع زيت تفضليه بس طبعا اللوز والزيتون احسن حاجه عن تجربه وحمام الزيت لمده ربع ساعه تغطي راسك بفوطه سخنه ولايشطف بعدها وتاني يوم بليل تحطي معلقه صغيره من خلطه الزيوت علي فروه الراس وتمشطي شعرك بمشط اسنانه واسعه عشان توزعي الزيت في كل الراس وبعدين تلفي شعرك وتغطيه بايشارب قبل ماتنامي عشان يتغذي الشعر بالخلطه طول الليل وطبعا هتاخدي كبسولتين يوميا بعد الاكل
ثانيا وده الاهم وده الي جاب معايا تاثير مش عادي كبسولات الزنك وكبسولات الحديد باخد كبسولتين منهم بعد كل وجبه يعني لمده اول شهر وبعدين تخففيهم وحده وحده لغايت ماتاخدي كبسوله واحده كل يومين انا جربت نظام الدكتور من غيرهم ماجابشي نتيجه لكن كبسولات الزنك خصوصا كان لها تاثير مش عادي علي شعري وطول بسرعه ومبقاش يتساقط خالص وحتي نعم شويه عن الاول لسه مستمره علي النظام ولما يديني الدكتور حاجه جديده هرجع واقولكم عليها

سلام عليكم
بارك الله فيكى وجزاكى كل الخير على افادتك وان شاء الله تنعمى بشعر صحى امين .
انا من مصر من القاهرة منين الدكتور اللى روحتيله اسمه ايه

مشكوره ياقمر
وده شيئ رائع ويارب يارب شعورنا كلها ربنا يحميها

شكرا يا indomy على معلوماتك الجميله وانا هجربها اول ما تنام نونا ويارب تجيب نتيجه معايا

يجب عليك معرفة نوع الشعر دهني - جاف - عادي
لان كل نوع من الشعر له خلطة معينة
خلطة حنا ء للشعرك:
حنة مقادر 3 ملاعق طعام -2 ملعقة روب -بيضه واحدة- خل تفاح ملعقة -ملعقة عسل و يخلط مع بعض
ويتخمر من 30-الى 45 دقيقة
ويوضع على الشعر .
1- يجب استخدام سبع انواع من الزيوت :زيت الزيتون -زيت اللوز- زيت النارجيل- - زيت خروع -زيت خردل - زيت دابر-زيت السمسم
2- استخدامي الحناء اولا يعيطيك لون طبيعي ومزيل للقشرة والتقصف وللحساسية في الشعر .[]
3- لا تترك الحناء على شعرك لمدة طويلة 4-6 ساعات على الاقل مع مراعاة ووضع كيس على شعرك ولفية بمنديل
4-عند غسل شعرك من الحناء لا تغسلين شعرك بالشامبو اغسليه بالماء فقط
5-و مشطيه وضعي الزيت على شعرك الى اليوم الثاني حتي يكتسب الرونق
6-يجب عليك ووضع كيس نايلون على شعرك حتى لايتعرض للتقصف
وشكراااا جزيلا على معلوماتك

يسلمووووووووووووو

شكرا لك عزيزتي على مشاركتنا تجربتك.
وبالفعل الحديد يلعب دور كبير في صحة وجمال الشعر.

شكرا لكل البنوتات القمرات الي ردوا عليا نشوي ونورا وهدي جمعه ومها الربيع وme25mo وكيرلي انتو فرحتوني اوي بردودكم ديا وبالنسبه للكتكوته نشوي انا مش من القاهره يعني في محافظه بعيييييييييييييده اوي عنك بس بردو احب افيدك انا رحت من كم سنه القاهره لمستشفي تجميل اسمها مستشفي سلمي هي في العجوزه او الدقي حاجه كده لو عايزه عنوانها وتليفونها هجيبهوملك اقولك بقا عن تجربتي عندهم هم عملولي تحليل لبصيله شعري وعملولي جلسه تغذيه لشعري كانت حلوه موت وادوني لوسيون من عندهم وكريم لشعري اسمو سوفت هير وكبسولات للشعر اسمها بيتاكير وشامبو من عندهم وقالولي اني لسه ليا 5جلسات كمان كل اسبوعين واحده بس انا مروحتش تاني لانهم اخدو مني فلوس كتير يعني الجلسه كانت ب150جنيه والحاجات الي ادوهالي ب150بردو +الكبسولات والكريم كانو ب50 فبصراحه كسلت اروح تاني لكن شعري كان طول حوالي 6سنتيمتر في الاسبوعين دولا ونعم وكان خرافه بجد وعملتلو فرد بعدها برماننت وكان حلو جدا
الكتكوته مها الربيع ميرسي اوي اوي علي معلوماتك انتي ياقمرايه وبجد كنت محتاجه خلطه حنه لشعري بس لو تعرفي خلطه تخلي شعري بني فاتحححححححح اوي ابقي قوليلي عليها وميرسي علي مرورك

شكرا على المعلومات الحلوة

تسلمين عالمعلومة..