السلام عليكم ورحمة الله وبركاته
أخواتى قرأت كثيرا فى هذا الركن عن استخدام زيت الزيتون للشعر
بس مش لاقيه طريقه تشبه طريقتى فى الإستخدام
وطريقتى هى إنى بعد ما أغسل شعرى وانشفه بالفوطه (المنشفه)
اضع زيت الزيتون على شعرى وعلى الجذور وامشط شعرى عادى بس بلف القصه (الغره) بالبكر وبعدين اسيبه وبقالى 3 سنوات على هذا الحال وعن نفسى هذه الطريقه تناسب شعرى جدا
والسؤال هو هل ترك زيت الزيتون على الشعر بدون شطفه مضر وللا لأ
مع العلم إنى بحطه كل 5 أيام

وعليكم السلام ورحمة الله

السلبية الوحيدة اللي ممكن تحدث انه شعرك يصير دهني لانك ماتغسليه بعد ماتحطي الزيت.

عادة الزيوت يكون استخدامها قبل الحمام.. بس اذا انتِ مرتاحة على هذه الطريقة وشعرك

ماصار دهني استمري عليها

جزاكى الله خيرا أختى كيرلى
انا اتمنى من الله ان يصير شعرى دهنى لأنه جاف جدا جدا جدا
وفعلا أول لما اضع عليه الزيت يصبح طرى ولامع وعند اليوم الخامس يرجع جاف تانى
تقريبا بيكون شعرى شرب الزيت فى هذه المده
شكرا على اهتمامك

انا كمان زيك بالظبط يا اختى يارا كنت بعمل نفس الطريقه دى بالظبط

بس مع الوقت حسيت ان زيت الزيتون تقيل اوى اوى عالشعر وبيخليه يلمع بس مش طرى ولا حاجه بالعكس ناشف (مليان زيت بس مش طرى )

عشان كده نتيجه زيت الزيتون فى حمام الزيت احسن ...اقولك ليه كده كده شعرك بعد 4او5 ايام هتلاقيه نشف وعايز دهان تانى

يبقى حمام الزيت وبعدين ادهنيه كريم مرطب للشعر ولفيه هتلاقى بردو نتيجه كويسه

انا عن نفسى بعمل كده وعموما انت بردو ادرى بشعرك

حبيبتى بتوته كتكوته قوليلى إيه نوع الكريم المرطب إللى إنتى بتحطيه
لأنه أكيد هايمشى مع شعرى زيك
وقوليلى كمان بتعملى حمام الزيت إزاى

بصى يا يارا اولا بالنسبه لطريقتى فى عمل حمام زيت الزيتون لشعرى كالتالى

انا بغسل شعرى عادى بالشامبو وبعدين انشفه نص نص وبدين احط عليه زيت زيتون كتير والمفروض الفه بفوطه سخنه وبعد ساعه او اكتر اشطفه بالميه

بصراحه بيغنينى عن انى ادهن شعرى تانى بعد شطفه (فاهمانى )

وبالنسبه للكريم المرطب اللى استعمله ...انا استعملت انواع كتيره بس حاليا

استعمل كريم فاتيكا خطير مرطب ويطرى من غير ما تحسى ان شعرك مزيت عالفاضى


جربيه على فكره هو كويس وكمان انا سمعت مره ان كتر الدهان بيخلى الشعر لا يفرز الزيوت الطبيعيه

فحاولت انى اقلل تدريج الزيوت والكريم

وفى الاخر لو تلاحظى ان الشعر بعد 3 ايام بتلاقيه خلاص بدا ينشف وعايز دهان صح؟

وعلى فكره يا يارا انا جربت المايونيز خطييييييييير ان شاء الله للشعر الجاف

وزيت الحيه يمكن احلى من زيت الزيتون بيقلل جفاف الشعر كتير ويزيد كثافته ان شاء الله

يسلمو كتير عالافادة وانا بتكاسل احط اي زيت على شعري

بس انا استعملت زيت الحية كتير منيح بس من الكسل بطلت

ههههههههههه الله يصبري عليه وهو من النوع الجاف كمان لازمو زيوت

شكرا الكم

بنات للمعلوميه فقط
سمعت من فترة بسيطة ان استعمال زيت الزيتون لوحدة يسبب ظهور الشيب في الشعر
بس ممكن استعماله مع زيوت اخرى عادي
والله العالم

يسلمو ايديكي عهد عالمعلومة المهمة لانو انا اصلا شعري مليان شيب من غير شي