السلام عليكم ورحمه الله وبركاته

كيف الحال خواتي

استوقفني موضوع اختي سحر الغرام ومشكلتها مع شعرهااا وحطيت لها الحل وقلت خل افيد الجميع لاني من جد استفدت من خلطتي

تبين شعرج يكثف/يطول/ يمنع التساقط/يصير ناعم/فيه لمعه حريريه

عند هاجرية الحل

والله يابنات اني من النوووع اللي مايستمر على خلطات بس هالخلطه من اول ستخدام

والله العظيم مابالغ والله على كلاني شهيد

كل اللي شاف شعري سالني وعطيته الطريقه

وان شاء الله ماراح تندمون

النتيجه من اول استعمال مابالغ في هالشي

راح يطول شعرك ويكثف ويصير قوي وله لمعه تجنن

تخيلووا استخدمت الخلطه اربع مرات ومحد شافني ويوم رحت النادي وقعدت امارس الرياضه انفل شعري الكل تهبل عليه حتى المدربة الاجنبية ماتت عليه وسالتني عن الطريقه

واحلفلكم بالله جاتني بعد يومين تحبني وتقول اشكرك على الطريقه تقول عجيبه بينت معها من اول استعمال

ماراح اطول عليكم هذي هي الخلطه

تجيبين بصله متوسطه الحجم مقسمه الى اربع اقسام

2 فص ثوم مقسمين الي نصفين

3 ملاعق كبيره سدر مطحون

زيت خروع

زيت زيتون

كمية من الماء

الطريقه

جيبي البصل والثوم وحطيهم في الماي وانتي حددي كمية الماي اللي تناسب شعرج وخلي البصل والثوم يغلي في الماي لين يصير لون الماي اصفر

بعدها صفي الماي من الثوم والبصل

وجيبي باقي المقادير (سدر،زيت خروع،زيت زيتون) واخلطيهم في الماي واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي

وبعدين حطيها في شعرج بالمساااء وبالصبح اغسليه

جزاك الله خير اختي انت جربتيها شخصيا والا الموضوع منقول لانه عند كم سوال.الخلطه ماتاثر على الشعر المصبوغ_ممكن تقولي لنا نوعية شعرك وقد ايش طويل وفي كم _والسدر مطحون_مايخشن ويغير اللون مثل الحنه_ردي علي لاني ابغى اجربها ولو نفعت معاي ادعيلك ليل ونهار.

ابي اسال
الخلطه تستخدم كل يوم ولا مره بالاسبوع

هااااااااااي..شكلها خلطتك حلوة..بس حتى انا ابي اعرف جواب نفس اسئلة خواتي وابغى اعرف كم كمية زيت الزيتون والخروع بلييييييييييييييييييييييييز..

شكرا على الموضوع

بس عذريني من اشوف في الوصفه ( بصل.. ثوم .... حلبة )

ابعد عنها ههه حلوه ابعد عنها

عا العموم الله يعطيك العافية

اختي صحيح كل الأشياء اللي قلتيها معروفه انها مفيده للشعر
وحتى مع الحناء يستخدم له بدل المويه مويه الثوم والبصل..
ربي يعافيك على الموضوع ياقمر..

شكرا على مروركم
ويديكم العافية

و الله يا بنات أنا كنت لقيت هذه الوصفة في أحد المنتديات و جربتها مرتين وحسيت بالفرق و ان شاء الله راح أمشي عليها لأن شعري يتساقط و قصير

فعلا السدر شي خيال للشعر
مشكوره يقلبي