الله يبارك لك ...
حلو الوحده لما تستفيد من وصفة تخبر غيرها عشان تعم الفائده ......

ماشاء الله تبارك الله ، اللهم صلى وسلم على نبينا محمد

والله ياعزيزتي ليت كل البنات مثلك كان والله تعم الفائده والكل يستفيد والله سبحانه يزيد الي نفعت غيرها خير وتوفيق وسعاده سبحانه

انا مثلك كل شي تقريبا ممكن ينحل ماعدا تساقط الشعر ناويه اروح على طبيبة جلديه تشوف السبب

احيانا اقول عسى مو من الزيوت الي اسخنها واحطها على شعري واحيانا اقول عسى مو الثوم حار عليه

الله يعين ويوفقك ويسعدك ياعسل

تحياتي

السلام عليكم ورحمة الله وبركاته
انا رديت على الجميع بس مدري ليه مانزل ردي.و الان راح ارد عليكم مرة ثانية .
رينارد:الله يجزاك خير ومشكورة اختي على الرد الطيب .
فرووحة :تسلمين والله وماقصرتي ردك بحد ذاته يشرفني .
دانية :العفو حبيبتي والشكر لله ثم للاخوات العضوات لان انا استفدت من وصفاتهم.وجزاك الله الجنة .وودي والله افيدكم اكثر واكثر .
الشعاع :تسلمين تسلمين اختي والله يزقك بشعر اجمل من شعري .االطريقة الي سألتي عنها اقولك تمشطين شعرك كله للامام وبعدين تعملينه على شكل كورة وتثبتينه ببنس وحنا في السعودية نسميها كعكة وعادة تكون في الخلف وهي تسريحة شعر قديمة مرة لكن بدال ماتكون للخلف تكون بالضبط في مقدمة الراس مدري قدرة اوصل لك الطريقة اذا مااستوعبتي الطريقة مش مشكلة قولي لي وانا اكتبها مرة ثانية ولايهمك .اما فائدتها لما تفتحين شعرك في الصباح ماشاء الله تلاقينه ناعم مرة ومثل الحرير كذلك التمشيط يوزع الدورة الدموية على جميع فروة الراس
وهذا يساعد على نموه . وشد الشعر للخلف بقوة يسبب تساقطه.

كراميل :الله يحييك ويبقيك واشكرك على ردك
جدولي كان كالأتي
الشهر الاول ينقسم 3 اقسام
الاسبوع الاول والثاني الزيت يوميا لمدة لاتقل عن 3 ساعات ويوم الجمعة راحة
الاسبوع الثالث الزيت يوم بعد يوم .والاسبوع الرابع 3 مرات في الاسبوع
الشهر الثاني بديت استخدم الزيت مرتين في الاسبوع
الحنا والسدر مرة في الاسبوع وتوضع على الشعر 3 ساعات تكفي
والكثيراء مرة في الاسبوع لمدة ساعتين
وحمام الزيت الطبيعي (ملعقة عسل +صفار بيضة +ملعقتين زبادي +ملعقتين مايونيز +ملعقة زبدة +بالاضافة الى القليل من الزيوت المستخدمة ويكتفي بواحد يعني اختياري مرة في الاسبوع)مرة في الاسبوع يترك على الشعر مدة ساعتين.
لكن بعد استخدام الحنا والسدر في اليوم الي بعده زيت وكذلك الحال مع الكثيراء
فمثلا السبت حنا +سدر ,الاحد زيت
الثلاثاء حمام الزيت
الاربعاء كثيراء ,الخميس زيت
يومين راحة في الاسبوع
وتقدرين تخلينه العكس السبت كثيراء والا ربعاء حنا على راحتك
ومازلت امشي على نفس الجدول.
واي استفسار اختك تحت امرك ولايردك الاكيبوردك
ام بدر :هلا بك اكثر انا اخباري طيبة ابشرك.وين لقيت اغراضي جبتها معي لما نزلت في الصيف واحيانا اوصي عليها ويرسلونها لنا .شوفي انا ركزت على طريقة البقدونس مع الزيت بالاضافة الى خلط الزيوت مع بعض وبعد كذا يجي دور الحنا وزيت الحمام وانا كتبت بالتفصيل في ردي على اختي كراميل جدولي .واتمنى انك والله قريبة مني كان مايغلى عليك شي وانا والله احب اشرك احد معي في كل خلطاتي واقول لاخواتي ارسلوا لي شعوركم اهتم فيهامع شعري
اما قصة حياتي اذا شفتك قلت لك عليها .
ايمان علي:الله يخليك ويبارك فيك يامشرفتنا الغالية وتسلمين ياعزيزتي.
عليا الشمالي :الله يعافيك ويسعدك ويخليك ,بس ماودي شعري يسحب ابيه يرجع يغطي ظهري بس انا مش طماعة.

مبروووووووووووووووووووك

وانشاء الله تستفيدي اكثر واكثر


باااااااي

شمعة نجد:الله يرضى عليك ويجزيك كل خير.
ام غانم:حياك الله يامشرفتنا العزيزة ويبارك لك في ماينفعك .
نواعس دامعة :الله يوفقك انتي بعد ويسعدك ويرضى عليك يااللي احلى من العسل والشيرة والشهد .
اما مسألة التساقط زي ماقلت ترجع غالبا للحالة النفسية ولاظنيت احد مرتاح او مايفكر وافضل طريقة انك تنسين التساقط وهذا افضل حل لعلاجه بس مايمنع انك تروحين لاخصائية
عاد تصدقين اانا اكسل اروح اسخن الزيوت نادر والله ما احميها .اما الثوم ينبت الشعر الا اذا اسرفتي في استخدامه وان شاء الله تشوفين شعرك واصل ركبتك اسعدني ردك يااحلى نواعس .

واو جدولج متعب وانا كسوله
بس يبى لى اسويه العيد قرب

تانكيوو يا ابسط الحلول انت

اختي ابسط الحلول الله ايطول شعرك
ويصير يسحب قولي امين
وسؤالي هو الخلطه استعملها مره وحده وارمي الباقي في الزباله
ولا احفضه في علبه واستعمله متى مابغيت يعني هل هو طويل المد
ياليت تردين علي بسرعه***
اختك **اصـــايل نجــد**

الله يسعدك يا اختي ابسط الحلول ويوفقك علئ الرد انا كنت انتضر ردك وقربت ايئس واتريك صار لك نفس الي دايم يصر لي ودي اعرف السبب لان الوحده ما تصدق تخلص ومن بكره تنصدم ان الرد ما طلع بصراحه لما يصير لي كذا اتعقد وخلاص ما اكتب مره ثانيه وانا فهمت عليك اختي ومشكوره

كراميل شدي حيلك مافيه شي يجي بالهين ولافيه حلاوة من غير نار.
اصايل نجد :مافهمت اي خلطة تقصدين اذا كنتي تقصدين الزيت والبقدونس فهي تحفظ في علبة وكل مرة تاخذين الي يكفيك وراح تجلس بك تقريبا شهر .اما خلطة صفار البيض والزبادي...الخ
الي هي زيت الحمام فالكمية لمرة وحدة .وتقدرين تزيدينه على حسب طول شعرك.ومشكورة حبيبتي .وصدقيني كلها نتايجها رائعة مع المداومة .
الشعاع :والله جلست ساعة اكتب في الرد واتفاجأت انه غير موجود وهذا ثالث مرة تصير لي.