بسم الله الرحمن الرحيم
سلام الله عليكم اخواتي اعضاء منتدى لكي الكرام
اولا احب اشكركم على موضوعاتكم ومعلوماتكم الشيقة والمفيده أثابكم الله خيرا وجعله في ميزان حسناتكم وانا سعيدة بوجودي معاكم وان شاء الله تكون موضوعاتي عند حسن ظنكم وتفيد الجميع
ثانيا عندي سؤال بسيط واتمنى منكم يابنات اللي تعرف تجاوبني عليه ياريت تجاوب باسرع وقت ممكن
اختى حصلها حادث وفقدت نص شعر حاجبها الايمن وعملنا له وشم بمستشفى سلمى بالقاهرة بس للاسف طلع مش حلو ومش باين خالص
عملنا له زرع شعر بالحاجب طلع برده مش مظبوط .. بعد كده سمعنا ان مستشفى سلمى مش كويسه وان الدكاترة فيها مش متخصصين
وبقالنا اكتر من 5 سنوات بنبحث عن حد متخصص في وشم الحواجب ومش لاقيين وطبعا هيه بتكمل رسم الحاجب بالكحل وبسبب كده شعر حواجبها خف خالص وبيقع كتير
وده عامل لها اثر نفسي وأنا نفسي اساعدها وببحث على النت على قد مااقدر
ياريت يابنات اللي تقدر تساعدني ترد عليا بسرعه لان اختى على وشك الزواج وده مسبب لها قلق وحرج كبير
جزاكم الله خيرا
الروابط المفضلة