كاكاو فليك تسأل .. ياليت اتجاوبون ياحلوات

**كاكاو فليك** · 23-09-2002, 11:42 PM

يابنات ... شامبو دوف المرطب ....... حلو حق الشعر ولا نهييييييي ... ضروري بنات

وياليت أي وحده شعرها جاف ..... تقول أي شامبو تستعمل عشان نستفيد

**بريتي** · 24-09-2002, 06:26 AM

انا دخلت kmقلت على بالي بتوزعين فليك
يالله بالنسبه لسؤالك للاسف ماعندي اجابه وانشاء الله البنات يفيدوك sid sid وباي

**بارعه** · 24-09-2002, 07:13 AM

شوفي يافليك صراحه انا مااحب كاكاو فليك بس احبك انتي خوذي نصيحتي وطيعي شوري ماراح تندمين استعملي شامبو (دابر فاتيكا)بالحناءوالليمون صراحه يجنننن تحسين بشعرك وانتي تغسلينه كإن فيه بلسم وبعد الغسل يصير ناعم ويتنثر تنثر جربي وراح تدعيلي وانا كنت ابنزل موضوع عن الشامبو الله يعينك على تدويره اذا كنتي من الرياض تلقينه عند العزيزيه بنده كان عند العثيم لاكن دايم القاه مخلص والزيت حقه يجننننن اسمه (دابرفاتيكا) وتقبلي تحياتي بارعـــه

**بنت بلدها** · 24-09-2002, 07:47 AM

مااااعندي

خبر

تسلمممممممممممممممين

**كاكاو فليك** · 24-09-2002, 08:22 AM

شطوووورات حبيبات قلبي ....... جواب سريييييييييع ........ والله خرعتيني باعه يوم قلتي ماحب كاكاو فليك ....... عبالي تقصديني قلت آنا شسويت ؟...... بس الحمدلله ريحتيني

والله خفت sid

وأنتي يابريتي شتبين بتوزيع الكاكاو ....... هذي اللي بتسوي ريجيم

ومشكوووووره يا بنت بلدها على مرورج السمح على المشاركه ......... أنتي حبوبه

**كاكاو فليك** · 24-09-2002, 08:27 AM

وووووووووو ............... آآآسفه على الخطأ المطبعي ....... بدال بارعه ....... باعه ...... ماتستاهلين والله ........ أقول بارعه أنتي تقولين اذا كنتي من الرياض الله يهداج بس شوفي دولتي شنهي ........ الظاهر انج كتبتي بسرعه وماانتبهتي ...... منتي قوية ملاحظه

........ وعلى العموم آنا بدعيلج من غير ماأجرب .. وأدعي لأبو بنت بلدها .......... الله يرحمه ويثبته يوم الحساب ويوم الصراط المستقيم ......... آآآآآآآآآمييييييييييييييييييييين

**sweetbaby** · 24-09-2002, 10:59 AM

عزيزتي انا شعري جاف بطبيعته ومثلك محتارة ولكن مع الصبغ يزيد جفافه فأستخدم شامبومع بسلم وبعدين احط بلسم بروحه .... الشامبو بانتين الجديد واختاري النوع اللي يعجبك بس اهم شيء البسلم وهو هربل اسيسستانس وتلاقين عدة انواع اخذي الشعر الجاف واذا ما لقيتي اخذي الشعر العادي .....

عزيزتي البلسم يقولون يطيح الشعر وانصحك بحطه على الاطراف اكثر انا والله استخدمه عادي وشعري يطيح ولكن متأكدة ان الشعر على حسب التغذية والهرمونات مالت المرأة ....

او يمكن الاستغناء عن البلسم واستخدام حمام الزيت كبلسم .....

عوموا يمكن وضع حمام زيت مرة بالاسبوع ويفضل النوع المنزلي وهو زيت عشبي للشعر ولفه بفوطة ساخنة لمدة ربع الى نص ساعة ثم غسله جيدا ....

اهتمي بوضع مرطب للشعر بعد الحمام وخصوصا للأطراف الجافة وهناك انواع حلوة وريحتها بعد زينة مثل براشوت او صنصيلك او اختاري انتي النوع اللي يعجبك ....

**كاكاو فليك** · 25-09-2002, 12:31 AM

مشكووووووووووره حبيبتي ......... معلومات قيمه وممتاازه ........ عسى الله يوفقج دنيا وآخره ياااااااااااااارب

آنا أفضل استخدام حمام زيت أكثر من البلسم ...... بس مادري ليش حاسه ان شامبو دوف حلو وودي أستخدمه ........

**Rawan** · 25-09-2002, 10:00 AM

royal blue

عزيزتى انا شعرى اسود طويل و كنت بستخدم بانتين الجديد اللى لون ورقته بنفسجى الخاص بالشعر الجاف لانى ما بحب اغسل شعرى على جزئين مره بالشامبو و مره للبلسم بس كان رائع و ريحته جميلة حتى جربت شامبو صن سيلك للشعر الاسود بعباد الشمس مش عارفه اقولك ايه يجنن و لا بستعمل حمامات زيت و لا كريم ولا حاجه خالص بس يعنى عشان الحفاظ على لمعان شعرى بعمل حمام كريم كل شهرين و الحمد لله ناعم و حلو و بيلمع و اتمنى انى اكون افدتك بس ا للامانه سمعت كتير انه دابر فاتيكا شامبو حلو اوى بس ما جربته بفكر اجربه و لو جربتيه قبل منى قولى لى ايش سوى معاكى

تحياتى لك و حظ سعيد

**ملاك الحب** · 25-09-2002, 10:27 AM

حبيبتي يا لذيذة كاكاو فليك بصراحة أنا كنت أستخدم شامبو بانتين لكن الحين بديت أستخدم دوف واذا تبين الصراحة مرطب جدا ويخلي الشعر يلمع مثل الحرير صدقيني ...

شوفي اذا انتي ناوية تستخدمين شيء وانتي واثقة صدقيني ما راح تندمين ... يا لذيذة ...

الله يوفقج ...

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: كاكاو فليك تسأل .. ياليت اتجاوبون ياحلوات

أدوات الموضوع

العرض