السلام عليكم ورحمة الله وبركاته

خواتي الغاليات بالنسبه لهذي الخلطني تشجعت اسويها لي ولبنتي لان شعرنا حيل خفيف ونصحوني فيها
وجربت الطريقه بحذافيرها ولاكن زت ليهم زيت زيتون وباراشوت وثوم والريحه الله لايوريكم تبط الراس بط بس تحملت بس من ثاني يوم وانا شعري بدا يتساقط بس ياليت تنصحوني اللي جربتها صارلها مثل الي صارلي ولا لأأ ياليت تساعدوني.


تحياتي

السلام عليكم
اختي انا استخدمت زيت عافية وحلبة بس بدون اي اضافات وما صار معاي مثلك بالعكس شعري تحسن بس للأسف ما استمريت عليه لاني شوي كسولة

الله يعطج العافيه اختي ام فارس بس بعد كم يوم بينت النتيجه؟؟؟؟
وتسلمين على الرد.

وياليت تساعدوني خواتي

وينكم يابنات تكفون اللي جربتها تنصحني

أختي مجربة الحلبة المطحونة مع زيت ذرة مثل عافيه وبالعكس تمدحه وماخرب شعرها

يمكن الإضافات اللي زدتيها هي اللي لخبطت الموضوع


انتبهي لشعرك ياسمو الأميرة وهذه الشغلات يبغالها وقت عشان تبان النتيجة


أرجو اني افدتك؛؛؛؛؛

انا استخد زيت العافية مع الحلبة بطحن مقدار فنجان قهوه من الحلبة ووضعها في قارورة مع الحلبة المطحونه
واتركها عشر ايام تتخمر خذي نعومه وتكثيف شعر بس صراحة ماطوله لي لان انا بطبيعه شعرى مايطول بسهوله

انا جربت الوصفة صحيح شعري ما صار طويل بعدو مثل عادتو بس كمان ما صار يتساقط اعمل الوصفة من دون اضافات و ربنا يوفقك

و عليكم السلام ورحمة الله و بركاته
أخيتى سمو الاميرة .. لا تخافى من تساقط شعرك فى البدايه..
ستجدى الشعر التالف و الخفيف هو الذى يسقط فى البدايه ثم يبدأ ليحل محله الشعر المغذَّى على الوصفه التى تضعيها له .. على حسب قوتها و تأثيرها .. و ستجدى انه ينبت شعيرات صغيرة جديدة .. و لتنبت تلك الشعيرات ؛يجب إخلاء المكان من الشعر التالف الموجود أصلا .
كثييييير جدا من الاخوات حدث لهم ذلك و مع وصفات مختلفه
و طبعا الحلبه و زيت الذرة او الثوم او زيت الزيتون لا يخفى أهميتهم و فاعليتهم القصوى
فى تغذية و علاج الشعر
بالتوفيق ان شاء الله ..
بإذن الله تنالى ما تتمنين

هلا اختي سمو الأميره

حبيبتي تري الثوم مع اي خلطة زيت سيبب في تساقط هائل لشعر

ومن راح يتحمل الشعر اغلبيته راح وانتظر متى تنبت شعيرات جديده .. وعلى بال ماتصير طول الشعر اللي طاح

كم سنه تنتظر؟؟!

اقول نصيحه ارميها بلا ثوم بلا تساقط

استعملي خلطة الزيت بدون ثوم .. والله يعينك حبيبتي

تحيااتي لكِ

خواتي الغاليات ..........

الله لايحرمني منكم ومن ردودكم ومساعدتكم اللي تود عليها .......... ويالربي اني استفيد.

والله يجازيكم الف خير

واللي حصلها مثلي ترد على .

تحياتي للجميع