السلام عليكم ورحمة الله وبركاته
في هذا الموضوع اتمنى منكم يا حلوات تقولون لنا عن احسن
نوعية وماركة سشوار استخدمتوه وما هي اسوأ نوعيه،،وشو الكريمات اللازمة
تدرون الحين صيف وموسم حفلات وعزايم،،يعني لازم نكون باحسن حال
طبعا بتقولون لي بدل عوار الراس روحي الصالون واستشوريه،،،


كلامكم صح،،

بس يعني مو كل حد ممكن يقدر يروح الصالون،،والمتزوجات منكم (اكيد فاهمين الوضع ،،لازم يكون الشعر ناعم ومرتب××صح ولا لا)
------------------------------
بس حطو هذا الكلام في بالكم السشوار للمناسبات بس،،،فاهمين
ولا ترى بيتقطع شعركم،،،،
------------------------
ان شاء الله بعد ما تكتبون شو احسن شي بحاول اعطيكم طرق لعمل سشوار في البيت



يلا همتكم

شوق دليني لعمل سشوار في البيت
لان بصراحه شعري طويل .. وحتى اذا اسوويه في البيت يتعبني وايد وفي النهايه بعد ما يكون
اوكي

لان يوم اروح الصالون يسون بالاستشوار الاحمر القوي .. ويعجبني
فقلت مب كل مره اروح الصالون لان بصراحه انا ما احب اروح وايد الصالون اتعايز .. فشتريت هذا الاستشوار مالهم الاحمر .
ويوم يت اسوويه في البيت حسيت تعب تعب وما رمت اسووويه لان لازم امسك الاستشوار والمشط الرول في نفس الوقت .. وبما ان شعري طوووويل تعبت وايد
فخليته يووولي ومن يومها ما استعملته ههههههه ..

تحياتي ..

مرحبا اختي زمرد،،
هيه والله احسن شي هالسشوار الاحمر مال الصالون،،وانا مثلج حاولت وايد معاه
ترى هذا السشوار للاختصاصيين فقط،،يعني لازم وحدة غيرج تسويه،،
0000000000000
انا عندي نوع من ماركه براون لون السشوار اسود وقوته 1000 وات
ويعطي نتايج مثل السشوار الاحمر،،
000000000000
لكنه المشط ماله يتركب عليه،، ومشطه مثل هذا إلي يستخدمونه الصالون لكن شوي اصغر
وهو حلوو واييد انا شريته من السوق المركزي
0000000بس المشكلة مو منه ،،المشكلة من شعري إلي بعد ربع ساعة تقريبا ينفش
هههههه شو نسوي




ان شاء الله بكمل لكم بعديننن

بااااااااااااااااي

هلا حبيبتي شوق ....
بالنسبه للسشوار انا استخدمت انواع كثيره وما لقيت احسن من سشوار لونه اسود ماركة براون
بصراحه ممتاز جدا وطريقة استخدامه سهله مرررره يعني نفس كلامك
بس تكفين قولي بسرعه عن طريقتك لاني مشكلتي نفس مشكلة بريق الزمرد ولا احب اروح للصالون الا في المناسبات وتعرفين الوحده لازم تطلع بأحلى شكل قدام زوجها

شوق الامارات و دانا2 تسلمون والله على هذه النصيحه

حالياً استعمل Hair Styler من National
وبمشي على نصيحتكم مع براون بما ان انتو مجربينه
بس مافيني عقب ينفش شعري (( يويلكم مني )) ترى نفس الحاله شووق هههههههههههه

انا بصراحه جربت ماركة تسكوم يابانيه هو حلو مره ونفس الطريقه الفرشاه في نفس السيشوار بس عيبه اذا سخن يفصل وبراون الابيض يفصل بعد لكن الاسود ماجلربته
لكن قالو لي على ناشيونال ماادري ايش رايكم فيه ياريت اللي جربته تقولي رايها
وشكككككككرا على الموضوع الرائع ياشوق

مرحبا حبيبتي دانا،،ان شاء الله مرتاحة
،،،،،،،،،،،
بالنسبة لطريقتي المتواضعة،،ان شاء الله ترتاحين معاها،واذا في وحدة عندها الاحسن رجاء ما تبخل علينا،،،
---------------------
1-ضعي على شعرك كمية بسيطة من الموس(ممكن تجربين من ماركة ويلا)
2-خذي الغرة وثبتيها بمشبك صغير(المهم تبعدينها عن باقي الشعر)
3-بالنسبة لباقي الشعر اقسميه لنصفين متساويين(فوق وتحت)
4-ابعدي القسم العلوي من الشعر وثبتيه بمشبك،،
5-قسمي القسم السفلي إلى قسمين
6-ابداي استشوري القسم الاول من القسم السفلي========>عورت راسكم ههههه
7-اذا كنتي تستخدمين الفرشاة المدورة،،لفي الشعر عليها لعدة ثواني
هذا سوف يعطيكي كثافة للشعر
8- بالنسبة للقسم العلوي نفس الشي
9- قسميه نصفين واستشوري كل قسم على حده
10- وآخر شي الغرة ،،استشوريها على حسب القصة،،
-----------------------
ان شاء الله ادور لكم على طرق لعمل الغرة بشكل حلو اذا تبون،،وكنتو متمللين من شكلها الحالي
خصوصا اذا كانت طويله وما تبون تقصونها




ملاحظة:بالنسبة للموس استخدميه فقط وقت المناسبات لانه كثرة استخدامه مو زينه
ملاحظة 2:عند تمرير الفرشاة على الشعر مرريها ببطء للحصول على نتايج افضل

حبيبتي بريق الزمرد ياريت تقولين لي عن ناشيونال ايش رايك فيه بالضبط وكم وات بسرعه تكفين

مشكوووره عزيزتي شوق على المعلوومه الحلوه .. بس بنسبه لي احسها تعب وايد
لان شعري طويل لو عندج طريقة ثانيه يكون افضل لي

وهج .. بخصوص National والله انا صارلي فتره طويله الحين استعمله
واشووفه بنسه لي حلوو ومافي اي مشكله .. بس بعد اذا زادة حرارته يفصل ويوم يبرد
شويه يرد يشتغل
ولاني ما استعمله الا في الغره .. فسالفة الفصل هذه ماعندي فيها مشكله لان ما اخذ وقت طويل في الاستشوار

بس بشكل عام ترى National ترى زين وايد

تحياتي لج اخت وهج

أنا ما خليت استشوار الا وجربته.. والأغلبيه حرقو شعري.. كلهم تقليد ههههههههه ميد ان تايوان هههههه.. بس هذا ينفع..
أحسن واحد ظهر:
Hair Styler من National
الي لونه وردي..
أعتقد هم كم من لون..
البنفسجي مب شي.. هذا للشعر الناعم مره والسايح..
الابيض هذا يعني اوكيه للشعر المجعد أظني..
الوردي اوكيه للشعر المموج..
الازرق الغامج للشعر العادي على ما اظن..
ترى لكل لون قوه وحراره.. صح والا؟!
والله هذا النوع لا تعب و فوق هذا اتخلصين بسرعه..

بس أخواتي ممكن سؤالين؟
شو هي الغره؟؟؟؟؟؟؟؟؟
وشو هو الموس؟؟؟؟؟؟؟؟؟
ممكن الجواب؟؟ تراني هنديه ما افهم بسرعه هههههه..