مرحبا بأحلى أخوات وزاءرات وعضوات ومشرفات في هذا النتدى المتميز دائما...
بغيت أسألكم هل تجعيد الشعر بالجل يؤدي إلى تقصف الشعر ؟
وأيش أفضل أنواع الجل إلي ما يعدم الشعر ؟

اختي الغاليه ابتسامه امل والله من تجربتي في الجل والله هو مويقصف الشعر وبس الا يعدمه اتذكر من زمان كنت استخدم الجل وكنت الف شعري على شكل سبعه<===الله يذكر ذيك الايام بالخير..

المهم بعد فتره الصيف وبعد كل ذاك التلفيف شعري كان طوله واحد لو تشوفين وشلون صار صار على شكل سبعه ومتقصف واشهب من اطرافه وكله من الجل انا كنت استخدم ايامها جل استيديو لاين..
بعدها صرت مااستخدم الجل وبدلته بالبيره والحمدلله تحسن شعري..اذا تبين نصيحتي لاتستخدمين الجل استعيضي عنه باي شئ طبيعي..تحياتي

هلا أختي أشكرك على ردك لي ....

بس بغيت أسألك إذا عندك خلطات طبيعيه لتجعيد الشعر أكون شاكره لك
لأني بصراحة أنا أحب أغير بشكل شعري ....
وبااااااااااااي

شوفي يالغاليه انا اجعد شعري بالبيره لما اتحمم اخليه لحد مايكون شبه مبلول وبعدها اجيب البيرة الي تنشرب وابلله فيها وابرم الخصله يكون عرضها اصبع من اعلى الشعر لحد مايبقى من الشعر ثلاث اصابع بعدها اجيب مناديل الكلينكس واصفطها على شكل مثلث زي الغترة حقت الرجال وبعد لما تصير مثلثه ابرمها واجيب خصله الشعر والفها واخليها لمده اربع ساعات او ثلاث وبعدها شوفي التجعيد على كيفك وكمان اليره تمسكه علشان يضل مجعد يعني تعمل عمل السبريه على خفيف يعني ماتوقف الشعر ...تحياتي