الى الاخوات المصريات العزيزات ، كل سنة و أنتم جميعا طيبين.
أنا من الاسكندرية و أتمنى لو حد من الاخوات يقدر يقوللى منين أجيب مكواة الشعر السيراميك و اللى جربتها منكم تقوللى رأيها فيها و الماركة اللى أستعملتها و بكام .
معلش على كثرة الاسئلة بس أنا سمعت عنها كتير و نفسى أشترى واحدة و عايزة رأيكم.
فى انتظار ردودكم للاهمية.

لي عودة مرة اخرى
عشان اقولك هتلاقيها فين بالتفصيل في اسكندرية
بس مؤقتا هتلاقيها فى محلات تجهيزات الكوافيرات
او ممكن فى محلات الاجهزة الكهربائية
بس الاول اكيد

شكرا لكى Yomizo

ممكن اعرف هى مفيدة للشعر ازاى معلش جاوبونى

أنا سمعت أنها بتفرد الشعر زى الفير بس من غير ما تحرق الشعر لانها مش معدن و لكن من مادة السيراميك

ايه الحكاية يا جماعة انتوا عمركم ما سمعتوا عن مكواة السيراميك و لا فى حد منكم جربها
شكرا و ماكنش العشم

انا كمان من اسكندرية وياريت لو حد يقولنا نجبها منين

ايه الحكاية يا جماعة انتوا عمركم ما سمعتوا عن مكواة السيراميك و لا فى حد منكم جربها
شكرا و ماكنش العشم

بالراحه!!!!!!!!!!!
ده موسم اعياد وكل واحد احتمال يكون مش فى بيته ومبيدخلش عالنت!!!
بصى ياستى المكواه السيراميك انا جبتها من شارع عبد العزيز عشان انا من القاهره هى حلوه اوى بس مش عايزه شعر خشن عايزه شعر طرى الى حد ما
تانى حاجه الاصليه من براون ب298 جنيه لكن انا جبت الصينى ب25 جنيه بس وهى كويسه والحمد لله شغاله فمتضيعيش فلوسك عالفاضى
حاجه كمان: المكواه تعملى شعرك بيها بعد ماينشف ودى ميزتها لان طبعا الشعر المبلول ضعيف فانتى تستنى لحد ماشعرك ينشف
اخر حاجه اقولهالك بما ان انتى من اسكندريه وانا معرفش فيها كتير انتى هتلاقيها عند محلات بيع الاجهزه الكهربائيه يعنى شوفى عندكو شارع فى اسكندريه كده زى عبد العزيز هنا
ومتجيبيهاش من عند الكوافير لانهم بيستعبطوا فى تمن الحاجه

اه نسيت اقولك انها مبتعملش دوشه خالص لانها ملهاش صووت
وكمان بتفرد الشعر بطريقه حلوه جدا ومبيلزقش زى السشوار
انصحك تجيبيها لانها حلوه جدا

ana kaman 3ayza wahda 9aloli inaha hilwa awii