انا بكتب عن تجربه والله العظيم

اولا انا كتبت في المنتدا قبل كده اني محتاجه مساعده لان جاتلي عقده من شعري لانه خففففففففففف جامد وقاصيته بقالي سنه ونص ولحد دلوقتي ماطولش غير 5 سم وعلي فكره انا حزنت لما محدش رد ولا اهتم كأن البنات ماقرتش الموضوع اساسا

بس انا هاعامل ربنا وهاقول علي الشئ اللي جربته بنفسىىىىىىىى علشان اللي محتاجه ان شعرها يتقل

المهم ياجميلات هو عباره عن تونيك واسمه (سورسيه) وحقيقى تقل شعري بشكل كبير وملحوظ ولله يخليكم لمصلحتكم اعتنوا بالموضوع لانه عن تجربه ويارب تستفيدوا وعلى فكره سعره 150جنيه وموجود بالصيداليا

بس طلبي الوحيد اللي عندها وصفه او زيت او اعشاب مفيدة لاطالة وكثافة الشعر ماتبخلش بيها عليه

يابنات المره دي انا بجد هازعل ومش هشارك تاني معاكم لو محدش اهتم حققلي طلبي

معلش ياريت الوصفات تكون متوفره فى مصر

شكرا على اهتمامك وبعدين متزعليش ياستى ادينى انت ال150 جنى وانا اول واحدة هتجرب مبسوطه بقى

حبيبتي متزعليش لو محدش رد عليكي ده خطأ غير مقصود على العموم انا شعري خفيف وخاصة من الجبهة وحاولت معاه بكل الطرق رحت لدكتور بمصر وتخيلي الكشف بتاعه بكام ( 150 ) جنيه مش مهم المهم ربنا يجعل على ايديه الشفا وكتبلي علاج ب ( 150 ) جنيه لكن ملاحظتيش غير تغير بسيط وبعدين رجع تاني ذي ماهوه
المهم مش ها طول عليكي الوصفة دي انا شفتها في المنتدي ده وجربتها مرة واحدة ولاحظت الفرق وهي كالتالي
2 حزمة جرير
الطريقة
نغسل حزمة الجرير كويس ونضربها في الخلاط كلها ومنرميش اي حاجة من الجرجير حتى يصبح كالعجينة ثم ضعي الجرير في المناطق الخفيفة الموجودة في فروة الرأس والبسي كيس واتركيها 3 ساعات ثم اغسيلي شعرك بطريقتك العادية ولاحظي الفرق
انا ان شاء الله هعمل الطريقة دي تاني النهاردة وربنا يجعل فيها الشفا ـ أمين .

عيوني ليكي ياأيمي ولو اني عارفه انهم مش هايفدوكي زي ال150ج ههههههههههههههههههه

وشكرا جدااااا لفوفه على الوصفه السهله واكيد هاجربها بس عندي سؤال هل الجرجير ماينشفش الشعر وعلي فكره ربنا معاكى وتشوفي شعرك احلي شعر زي روحك واخلاقك الطيبه

حبيبتي متزعليش

الوصفة دي انا شفتها في المنتدي ده
كوب زيت عافيه +فصوص ثوم تقريبا خمسه او ست تطحنينهم بالخلاط وتحطينه عندك بعلبه قبل ماتستخدمينه حطي ملعقه مايونيز مع الزيت في صحن عندك واخلطيهم بعدين حطيه على شعرك يعني لاتخلطين المايونيز مع العلبه اللي فيها الزيت عشان مايخرب وبس

مشكورررررررررررة اختي ان شاء الله اجربها

يسلموووووو

شكرا ليكي ياساره ياقمر علي الوصفه وان شاء الله اكيد هاجربها