بنات احس انه مافي امل يتعدل شعري ولايطول

ايام الدراسه كلها كان ماشاء الله علي يهبل الين دخلت الكليه صار اللهم لك الحمد وبع د الزواج والخلفه صار ادهى وامر

صرت مره محرجه من زوجي اذا قلت ابغى زيوت وخلطات رد عليه وقال تكفين يازينب العسكري انا من اول فاقد الأمل في شعرك


سويت خلطات واشتريت كل الزيوت اللي تخطر ببالك ورحت لأفضل اطباء وعيادات التجميل بمكه وجده لكن الشكوى لله


انا اتعقدت ماأدري هو بس أنا حظي شين وإلا فيه وحده عانت مثلي ونفسي اعرف المشكله والحل

الله يعينك يادانة انا مريت بنفس التجربة بس السبب كان دريمات الفرد كان شعري اكثر شعر في عائلتي وبعد الفرد صار يطيح بدرجة مخوفة ومااخفيك اني فقد الامل من رجوعة حتى جربت الثوم كنت اهرسه واصفية بشاش حتى تطلع الخلاصة واصبة في جذورالشعر والالياف حقت الثوم كنت افرك فيه الفروة طبعا بتحسي بحرارة بسيطة بس اعرفي انة قاعد ينظف مسامات الشعر واذا معاد حسيتية يعني تقريبا ربع ساعة حطي الخلطة هذي بمقدار ملعقة خروع /لوز حلو/بابونج/وقطرات صغيرة من القرفة لانها حارة وبتحسي بحرارة وبيحمر وجهك لان القرفة بتساعد على تنشيط الدورة الدموية في الرأس واتركية في شعرك لمدة ساعة واغسلية وكرري العملية مرة في الاسبوع واذا كنت تغسلين شعرك مرتين في الاسبوع خلي الغسلة الثاني وشعرك فية زيت زيتون بس مايكون اصلي لان الاصلي قوي على الشعر يعني خذي ساسو حق الفول .
ملاحــــــــــظـــــــــة///////
1:والله ياختي هذة الوصفة فادتني وان شاء الله تفيدك انتي كمان .
2: انتي بأذن الله افضل من زينب العسكري الفاجرة العارية الماجنة عند الله .
3: لازم تستمري على اللوصفة وماتملي .
والله يعجل بشفائك والله الموفق

شوفي في تونك للشعر اسمه( كارويانز) مره ممتاز يوقف التساقط ويحافظ على طراوة الشعر ولمعانه بس غالي شوي ب175 ريال سعودي وهو عند الصيدليات الكبيره تراه مره ممتاز عن تجربه والله أنا جربت كثير من الزيوت أحس مافي زيه والله يشفيكي وبعدين اكتشفت إن كثرة الزيوت ممكن ماتنفع الشعر عارفه فروت راسك مثل الأرض إذا كثرتي عليها الماء تختنق ويموت الزرع فاهمه قصدي يعني لا تسرفي في تزييت شعرك ولو حطيتي زيت لا تكثري مدته على شعرك
والله الموفق