السلام عليكم ورحمة الله وبركاتة

كنت عاوزة اعرف فين محلات ملابس الحوامل فى مصر من ملابس نوم وبيت

وخروج وكل حاجة اسماء المحلات واماكنهم


ولكم جزيل الشكر

محدش رد خالص ولا واحدة تعرف؟

انا من الشرقية

واعرف واحد اسمة هيرو بيبيع لبس خروج للحوامل وفى بردو فى السلام شوبنج سنتر اللى جنب كوبرى العبور


والقاهرة اعرف محل واحد اسمة مومو اللى جنب كلية البنات


وان شاء الله باقى البنات يفيدوكى

شوفي ياقمر لو انتى في القاهره في عندك لفلي في شارع مصدق الدقي وله فرع تانى في مدينه نصر آخر مكرم عبيد تقاطع مصطفى النحاس
وفي كمان اوركيدز في شارع المساحة الدقي
وفي زيرو تو فايف شارع الفواكه خلف مسجد مصطفى محمود المهندسين وله فرع تانى في داندى مول طريق مصر اسكندريه الصحراوى
وفي لف & كير متفرع من عباس العقاد مدينه نصر
وفي واحد تانى في سيتي ستارز الادور الرابع او الخامس تقريبا وجنبه هتلاقي ماذر كير وواحد كمان مش فاكره اسمه دلوقتى
وفي لولي بوب في مصطفى النحاس مدينه نصر

اما عن الملابس الداخليه للحمل في اى محل ملابس داخليه هتلاقي طلبك يعنى بيكون زياده مقاس اواتنين عن الطبيعي بتاعك
وملابس الداخليه الخاصه بالرضاعه هتلاقيه عند جويا في اى فرع من فروعه حلوين اوى وقطن ولهم ازار للفك وفي حدود ال 30 الواحده
وفي كمان عند صيدليات سيف
وهتلاقي كمان القطن الخاص بحملات الصدر اللي بيوضع مابين الحماله والصدر حتى يمنع تسرب الحليب للملابس الخارجيه


يارب اكون افدتك ويقومنا جميعا بالسلامة

وعليكم اللام ورحمة الله

الاخت يوميزو ماقصرت معك

البنات ما قصروا معاكى ان شاء الله تكونى استفدتى منهم

جزاكم الله كل خيرر


وهل المحلات دى بتبيع ملابس للبيت ايضا ولا كلها خروج؟؟

فين محلات اللى بتبيع لبس البيت للحوامل

جزاكم الله كل خيرر

عندك محل اسمة our kidsمساحح
في مدينة نصر مصطفى النحاس و الدقي ميدان المساحة
الاسعر حلوة كتير