انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 24

عاااااااجل جدا بنات الإمارات الحبوبات

(الأزياء والأناقة - منتديات لكِ النسائية - الأرشيف)
...
  1. #1
    امولتي غير متواجد عضو نشيط
    تاريخ التسجيل
    Jun 2002
    الموقع
    سلطنة عمان
    الردود
    97
    الجنس

    عاااااااجل جدا بنات الإمارات الحبوبات

    السلام عليكم ورحمة الله وبركاته
    يا بنات الإمارات الحلوات الطيوبات (( اسمحوا لي البنات اللي من دول ثانية لاني هذه المرة بالفعل محتاجة لمساعدة بنات الإمارات ))
    انا ان شاء الله عروس بعد العيد بأسبوع وطبعا قاعده الحين اتجهز للعرس

    بغيت منكم طلب واتمنى انكم ما تخجلوني بصراحة اريد التالي :
    ** محل لتأجير فساتين الزفاف مع الإكسسوارت الأخرى
    ** محلات تفصيل للجلابيات اللي فيها كريستال (( اللي نلبسها ايام الأعياد ))
    ** محلات بيع الملابس الداخلية الحلوة وما يهم السعر
    **جلابيات للبيت (( اعتقد عرفتوا اي نوعية اقصد )) الجلابيات اللي تنلبس في البيت وما تكون مزركشة كثير
    **جلابيات مثل الجلابيات اللي نشوفها في برنامج لمسات او جلابيات اليشمك

    ارجو اني ما اكون ثقلت عليكم
    آه كنت انسى ياليت لو المحلات تكون مثلا في دبي او الشارقة او عجمان ما يهم



    واعذروني اذا ثقلت عليكم

  2. #2
    بـنت الأمارات غير متواجد عضو نشيط
    تاريخ التسجيل
    Nov 2002
    الموقع
    الامارات
    الردود
    241
    الجنس
    هلا عزيزتي امولتي ....ومبروك مقدماااا

    شوفي عزيزتي بالنسبة لطلباتج...

    في عندج لفستان العرس وهو الأهم شارع الرقة ما اعرف اذا تعرفينه المهم سيري هناك كله

    محلات تأجير فساتين اعراس والأسعار متفاوتة وفيه عندهم مع الطرحة والأكسسورارات..

    وعندج محل الرحمانيات ...

    وفي محل في الملابلازا الطابق الثاني لتأجير الفساتين مع الأكسسوارات والمسكة .....الخ

    بالنسبة للمخاوير عندج في امتداد سوق الذهب محلات مخاوير ......

    الملابس الداخلية عندج في مركز المنال اكثر من محل عندهم اشياء حلوة وفي مركز الغرير

    الطابق الثاني المحل اسمه لوجين عنده اشياء حلوة.....وفي مركز حمرعين في محل بالطابق

    الثاني وعندها قطنيات حلوة.....

    الجلابيات عندج مينا بازار يبيع الجلابيات الهندية والفساتين الهندية ...وعندج في مركز التعاون

    في الشارجة محل اليشمك ...وفي محل اسمه راجو في سوق مرشد يبيع جلابيات هندية للبيت

    وسوق عكاظ بعد مري عليه جنب سوق الذهب عندهم جلابيات حلوة للبيت .......

    اتــمــنــى اكـــون افـــدتـــج واي اســتفســار انا حـــاضــرة..

  3. #3
    حناين's صورة
    حناين غير متواجد النجم الفضي
    تاريخ التسجيل
    Nov 2002
    الموقع
    الامارات الحبيبة
    الردود
    2,183
    الجنس
    أنثى
    طبعا بنت الامارات ما قصرت .. ما شاء الله عليها .. جزاها الله خير ..
    بس حبيت اضيف اكسسوارات العرس سويها تفصيل عند محل تيجان في شارع الوحدة ..
    عندهم شغلات وايد حلوة .. ومميزة

  4. #4
    اماراتية's صورة
    اماراتية غير متواجد عضو نشيط
    تاريخ التسجيل
    Apr 2002
    الموقع
    اماراتي الحبيبة
    الردود
    453
    الجنس
    امرأة
    مبروك مقدما

    المحلات اللي اعرفهن لتأجير فساتين الاعراس في دبي خلف دوار الساعه في دبي
    محلات الجلاليب في سوق عكاظ في دبي جميع انواع الجلاليب من جميع النوعيات حفلات و للبيت
    وفي محل في الشارقه اسمه بيناس وانصحك باليشمك تراه وايد حلو

    الملابس الداخليه في صناعيه عجمان اسم المحل حبيبه والله صدق رووووووووووووووووعه انصحج فيه
    هممممممممممممم والله لو سويتي بحث في المنتدى بتلقين وايد مواضيع تخص التجهيز للعروس في الامارات

  5. #5
    ماء القمر غير متواجد النجم البرونزي
    تاريخ التسجيل
    Oct 2002
    الموقع
    *........*
    الردود
    829
    الجنس
    اعتقد البنات ماقصروا


    ومبروك مقدما



    باي

  6. #6
    امولتي غير متواجد عضو نشيط
    تاريخ التسجيل
    Jun 2002
    الموقع
    سلطنة عمان
    الردود
    97
    الجنس
    السلام عليكم
    مشكوووووووووورين حبيباتي ::
    بنت الإمارات
    حناين
    إماراتية
    ماء القمر
    على مشاركتكم الطيبة بالفعل نفعتوني كثير كثير
    علشان ما اوصل دبي واضيع اكون عارفة الاماكن وعارفة ايش اريد بالضبط علشان وقتي مما يضيع
    والله اشكركم من كل قلبي وادعيلكم ان الله يسهل دروبكم في كل مكان مثل ما سهلتوا لي دربي والله يوفقكم ويرزقكم الزوج الصالح والذرية الصالحة بإذن الله

    واذا تذكرتوا شيء بعد رجاء لا تبخلوا علي

    وعندي سؤال ثاني
    ادري بتقولوا صرت طماعة
    لكن والله اني اتعشم فيكم الخير خاصة وان المعروف عنكم طيبة الأصل والشهامة
    سؤالي ::::::
    انا ما ادري اذا كنتوا انتوا متزوجات او لا
    لكن اكيد سبق وجهزتوا عروس
    اريد تقولون لي ايش اهم الأشياء اللي تركز عليها العروس في الإستعداد للزواج غير اللي ذكرتها انا من ملابس ؟؟؟؟؟

    انا جد والله آسفة اني ورطتكم معاي
    لكن والله احسكم كأنكم خواتي لأن انا اول وحدة تتزوج من خواتي وما عندنا خبرة في هالمجال

  7. #7
    اماراتية's صورة
    اماراتية غير متواجد عضو نشيط
    تاريخ التسجيل
    Apr 2002
    الموقع
    اماراتي الحبيبة
    الردود
    453
    الجنس
    امرأة
    اهلين اختي امولتي

    مشكوره على الدعوه بس انا متزوجه ^_^ يا الله ادعيلنا دعوه ثانيه هههههههه انا الطماعه الحين المهم بقولج عن خبرتي في التجهيز وبقولج شو الاشياء اللي استفدت انا منها

    اولا اكتبي كل شىء في ورقه ها الشىء بيخليج منظمه وما تنسين شىء وبعدين اكتبي عند كل شغله كم المبلغ اللي حاطتنه له عشان ما تتورطين في النهايه اتكون خلصت الفلوس وباقي عندج اشياء ما خلصتيها

    ملابس الخروج
    ملابس البيت
    ملابس النوم
    ملابس العزايم
    ملابس السهرة والحفلات
    --------------------------
    طبعاً ملابس الخروج احسن طريقه اللي بتستفيدين منها انج اتفصلين تنانير جميع الالوان والدرجات ها الشء بينفعج مده لان كل ما تاخذين قميص والا بودي بتلقين له تنوره تناسبه طبعا ها الملابس للايام العاديه ... وخلي لج كمن بدله ثقيله اقصد شويه راقيه داخله فيها شيفونات او ما شابه ذلك يعني بيفيدنج لعزايم الظهر .... ولا تنسين بعض البناطلين تنانير الجنز للتنويع عشان ما يصير الستايل مالج واحد ......... وفصلي التنانير على شكل ايه لاين ( A-line) انتي قولي للخياط وهو بيعرف ترى وايد راقيات للبس

    لا تنسين المخاوير طبعا تحتاجين مخاوير خفيفه وثقيله ......... وبعض المغربيات الخفيفه وحوالي 2 شويه فيهن شغل
    --------------------------------------------
    ملابس البيت طبعاً لو كنت في بيت لوحدج يعني لج الحريه في اختيار الملابس طبعا انتي وشطارتج دخلي البنطلونات والاشياء القصيره حلوه
    اما اذا كنتي ستسكنين في بيت اهل زوجك طبعا ما عندج غير الجلاليب الخفيفه وطبعا لا تنسين شيل البيت اخذي جميع الالوان عشان اطقمين
    اخذي جلاليب شويه ثقيله لو عزمتو احد
    ----------------------------------------------------

  8. #8
    اماراتية's صورة
    اماراتية غير متواجد عضو نشيط
    تاريخ التسجيل
    Apr 2002
    الموقع
    اماراتي الحبيبة
    الردود
    453
    الجنس
    امرأة
    ملابس النوم
    بدون توضيح انتي عارفه شو يحبون الريايل حاولي اتنوعين بالموديلات والاشكال والقماش مثلا مره دانتيل مره شيفون مره حرير
    --------------------------------

    ملابس العزايم - ها الشء بتحتاجينه حتماً
    كمن مغربيه ثقيله - فساتين هاديه بالوان حلوه او تنانير اللي فيهن ذيل وعلى شكل حراير
    ------------------------------------

    ملابس السهره والحفلات
    طبعا لو صارت حفله او عزيمه خليج جاهزه فستانين 3 لاول الايام

  9. #9
    اماراتية's صورة
    اماراتية غير متواجد عضو نشيط
    تاريخ التسجيل
    Apr 2002
    الموقع
    اماراتي الحبيبة
    الردود
    453
    الجنس
    امرأة
    بعدين

    لا تنسين العبي والشيل سوي لج طقم للعزايم وعلى حسب امكانينج 2 عباه والا 3 بس حاولي اتنوعين في الشيل لانها الظاهره اكثر
    ------------------------------
    الحقايب- الاحذيه-اكسسوارات بسيطه
    -----------------------------
    اوه نسيت الذهب خذي لج الذهب الابيض والاحمر حلو وايد
    -----------------------------------

    المكياج بصراحه لا اتكثرين منه خذي عليه تشمل كل الالوان وجميع انواع الارواج
    ولا تنسين اكسسوارات ومشابك الشعر ( اخذي لج مشط مب اتروحين بيت ريلج بدونه )
    -----------------------------------

  10. #10
    اماراتية's صورة
    اماراتية غير متواجد عضو نشيط
    تاريخ التسجيل
    Apr 2002
    الموقع
    اماراتي الحبيبة
    الردود
    453
    الجنس
    امرأة
    ها الاشياء لا تنسينهم
    سجادة صلاه خذي 2 او ثلاث - سشوار للشعر- مقص الاظافر وملحقاته - سبريه- جل -مزيل المكياج - قطن - ارواب الحمام طقم لك انتي وزوجك
    --------------
    العطورات ( طبعاً عطور رجاليه ونسائيه ) بخور ( دخون وعود) دهن عووووووووووووووود اهم شيء لا تنسينه وللشيل والعبي مخلطات وعطر للفرش
    -------------------
    ساعات يد
    ------------------

مواضيع مشابهه

  1. يارب اجمع شملنا <<<تجمع بنات اليمن الحبوبات >>>>
    بواسطة انسكابة أمل في ركن الألعاب والترفيه
    الردود: 411
    اخر موضوع: 14-11-2011, 01:20 AM
  2. عاااااااجل الى بنات المدينه
    بواسطة متوكله على الله في الحمل والولادة و الرضاعة
    الردود: 3
    اخر موضوع: 08-05-2010, 12:59 AM
  3. بنات فرنسا الجميلات الحبوبات يدخلوا ابيهم بسالفة
    بواسطة مجد7 في العناية بالجسم والبشرة والمكياج والعطورات
    الردود: 6
    اخر موضوع: 11-07-2005, 05:30 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96