عرسي قرب يعني ما بقى غير شهر وشوية ياليت يا بنات لو أحد فيكم يعرف سامرية حلوة ممكن أحطحها يوم العرس. و أنا في خاطري وحدة دايما يحطونها في عروض الأزياء حق فساتين الأعراس واخر مرة سمعتها في عرض كان في قناة البحرين حق مصممة بحرينية وعجبتني وايد .. ياليت لو تقدرون تساعدوني

شو يعنى سامريه؟؟؟؟؟

وضحيلنا..

قصدك اللي يشغلونها وقت زفة العروس...( حنا نسميها الزفة الكويتيه..)
اذا قصدك هذي ....فيه مطربة شعبية كويتيه ,تستخدم الدف تلاقينها عند التسجيلات (اسمها ام فيصل ..)هي منزلة اشرطة كثير من النوع هذا لكن فيه واحد منهم روعه دورت عليه عند تسجيلات كثير لما لقيته .شغلته في الزفة حقتي ,وعجب كل الحضور .....يعني فيه نوع من التغيير ,خاصة الحين منتشرة الزفة اللي يشغلون بها الموسيقى الاجنبي وطبعا كلها محرمة موسيقى عربي ولا اجنبي..

مشكورات أخواتي وايد وجزاكم اللع خير ان اقصد مثل هالأشرطة ولو تسمحين أختي شمالية غربية تقوليلي اي اصدار من أشرطة أم فيصل لأنه عندها كذا شريط..

ومشكورين

مرحبا شماليه
وضحي لنا اكثر عن الشريط

حياكم الله ..
انا مااذكر بالضبط اي اصدار لان وحده من اللي حضروا اخذته من اختي ومارجعته,لكن اسألوا في المحل عن (الزفة الكويتيه حق ام فيصل )حتى الزفة في الشريط هذا تجي مدتها طويلة وممكن انتي تسجلينها في شريط لوحدها مرتين ورى بعض علشان تكفيك لين توصلين المكان اللي تبينه في الصالة ,وكمان علشان تكون جاهزة تضمني ان الشريط مايكون به اي شئ ثاني..