السلام عليكم
بس حابه استفسر منكم عن محلات الاقي فيها ملابس حوامل خاصه للسهره...لأني رايحه زياره للأهل وبكون ماشاء الله بالكروشه...وطبعا هنا زي مانتم عارفين مافيه الا ملابس ناااااعمه أو بنطلونات أو قصير أو كت ...وكل هذي ما تتوفر فيها شروطي
ويعني صارلي الحين ثلاث سنين مانزلت اسواق الرياض وإن نزلت ما دورت على الحوامل...فاللي تعرف محلات حلوه تنقذني فيها...عشان أوصي أهلي يشترون لي قبل ما اروحلهم ...لأن مافيه من دار من اول ما اوصل...
والمشكله زواج ا ختي ينتظرني يعني...ما يمديني ادور على أقمشه ولا افصل
وجزاكم الله خير

اختي ...حياك الله وانشاء الله تردون بالسلامة...
شوفي اختي ..العروبة لمحت وانا اتسوق فيها ..محلات لملابس الحوامل واعتقد فيها ملابس سهره ..ومركز النمر ...كمان خليهم يمرونه يمكن يلاقون فيه شي...بالتوفيق
انا اسكن خارج الرياض ,لكن الاخوات ماقصروا وصفو..لي هذاالمركز..العروبه
الله يوفق اختك في زواجها....ويجمع بينهم على الخير....امييييييين

الله يعينك اختي و يسهل عليك,,
انا انتظرت اي وحده تعلمك عن محلات الحوامل في الرياض بس مافيه احد رد !!!
على العموم فيه محل لملابس الحوامل في كندا,, اذا كنت في مدينة فانكوفر فيه محلات (thyme) على شارع روبسن وأيضا في Richmond Center
ولها فروع كثيره في مدن كثيره مثل Calgary, Qeubec,Ottawa,Edmenton
صحيح مافيها شئ يصلح للزواجات, لكن فيها تيورات كامله انيقه وساتره.. تنفع للعزايم
بالتوفيق,,

وهناك أيضاً
Maternity
Motherhood

جزاكم الله خير
تسلمين اختي شماليه غربيه (دوختيني راح راسي شمال ويمين..من الأسم بس ) (:
إن شاء الله اخبر الأهل عنها
ويعطيك العافيه أخت بدور...وماشاء الله عليك عندك خبره في كندا...أنا من سكان مونتريال ...ولا أدري عن هذا المحل اللي تقولينه ....(شرهتك على اللي تطالع في الأسماء وهي تتسوق ) أنا أمشي في السوق المحل اللي يعجبني من برا أدخله ...مافيه إلا كم محل احفظ أسمائهم يعني مع كثرة تردادي لها ...أما الحوامل امر من جنبها مرور الكرام ولا افكر اطالع في اسمائها ...بس أذكر مره دخلت محل مع جارتي...كان كله بجايم وملابس قطنيه ...وفيه تايورات بس زي ماقلتلك مشكلتها بناطيل....اما الشوالات مافيه الا شكل واحد اسود ...وكثر الله خيرهم
ناس عمليين مو زينا نبي لكل طلعه شكل....وخاصه طلعاتي هنا كثييييييره ...والحمل ممل من غير شي ..بعد املل عمري بالملابس هذا اللي ناقص

تسلمين أختي ايمان ...الظاهر ارسلتي الرد وانا اكتب ردي الاول...وخلاص ولا يهمكم الحين بامشي في الاسواق وابقق عيوني بس الله يعين رقبتي يبيلي اسوي رياضه لها عشان تتعود الين يوم نزلتي (:

السلام عليكم

فيه محل لواء في طريق الملك عبد الله يمكن تلاقين فيه شي حلو

فيه مذركير في النمر بس مافيه سهره