السلام عليكم ورحمه الله وبركااته


أولا كل بنت فتحت هذي الصفحة جزاها الله خير لانها اكيد مافتحت الموضوع إلا وهيا ناوية تساعدني والله يدي كل وحدة على قد نيتها

يابنات اختي ملكتها بعد اربعة شهور وهيا اكبر وحدة واول وحدة حتتزوج من البيت


ومحنا عارفين وين نفصل لها فستان الملكة او حتى من وين نشتريه؟

وبصراحة مانبغى الفستان سعرة نار يعني اكثر شي في حدود 5000 او 6000


فياريت كل وحدة ساكنة بجدة تقول فين افضل مكان يفصل فساتين ملكة باسعار معقولة وياريت ياريت ياريت ماتبخلو علي بالاجابة

امانة يابنات جدة ابغى فزعتكم وكمان ياريت اي وحدة تعرف محل مشغل ممتاز للفساتين تكتب رقمة اذا ماكان في مانع

وشكرااااااااااا استنى ردودكم بفارغ الصبر

وعليكم السلام ورحمة الله وبركاته،،
اهلا بك اختي نن، كان ودي مساعدتك ولكني للأسف ليس من سكان جدة
ان شاء الله البنات مايقصروا معك ويفيدوكِ

حبيتي أسف وحتى انا مو من سكان جدة بس أحنا عندنا في الكويت ملابس وايد حلوة
أذا تبين عطني خبر بس جدة لا والله ما أعرف بس لزم جدة ........
أختج ............عسولة

تسلمي اخت كيرلي واخت عسولة وماقصرتوا

واستنى ردود البقية

اولا مبروك لاختك الله يوفقها وعقبالك يا قمر
والله كان ودي اساعدك بس انا من الرياض بس لا تشيلين هم باسألك
اعرف ناس شيك في جدة00

الله يبارك فيكي مس اشوريا وتسلمي ياقلبي واستنى ردك انشاءالله

عزيزتي ننن مبروك لاختك ويسرني المساعده شوفي اولا اذا كنتي تبقي السعر االمعقول روحي لمركز اليمامه سوق معروف فيه فساتين شبكه وزفاف وكل مستلزمات الزفاف وكمان يمكن اجار الفستان بمبلغ رمزي وعندهم جميع الموديلات والمقاسات وثانيا عندك مركز جده مول فيه فساتين زفاف ولكن اسعارها غاليه وثالثا فيه مركز الحفني فيه مصميمين وفساتين رائعه ورابعا مركز المساعديه وخامسا مركز التحليه مول وسادسا مركز لمسات فيه ايضأفساتين سهره وشبكه حلوه واى استفسار بسني المساعده

تسلمي يانورجدة بس ايش افضل مكان فيهم يعني اللي فساتينة على اكشخ
وجزاكي الله خير وماقصرتي

تبغين خياطة ممتازة روحي لمشغل واو في فندق المريديان ( في نفس الفندق ) بوابة المشغل من عند سوف جدة الدولى ،صراحة انا ما جربتهم بس كل قريباتي مخيطين عندهم فساتين سهرة و العرايس كمان مسوين فساتين زواجهم فية بس والله روعة مررررة عاجبني خياطهم ، و كان فساتين زواجاتهم بحدود 6000 الآف ريال و السهرة بحدود 2000 ريال و القماش عليك ن وتراهم دايم زحمة يعني اذا بتروحين لهم لازم من بدري ، و بعض زميلاتي يخيطون عند المصمم غسان .
وسلامتك اتمني اكون افدتك

تسلمي فاتن نجد وماقصرتي

بس حابة استفسر عن مصورات لالبوم الملكة يعني ابغى مصورة تطلع الصور خيالية وياريت تكون اسعارها حلوة واماااااااااااااااااااااااااااانة اللي عندها رقم مصورة ممتازة ياريت تكتبه اوكي

وكمان مصورة للزفة والله من جد مااعرف شي امانة يابنات اوقفوا معاي وساعدوني