السلام عليكم ورحمة الله وبركاته

هلافيكم خواتى جميعا

شلونك عساكم طيبين

خواتى بنات الكويت ياريت توصفون لى ارقى محلات البدل والجنط والصنادل باى محلات واى مجمعات

وباكون شاكره لكن على المساعده

هلاخواتى تكفووووووووووووووووووووووووووووووون لاتفشلونى ردوعلي

والله اختي اطلبج تلقينه في محلات

المجمعات الكبيرة وانتي اتعرفينها

سوق شرق المرينا مول المهلب

الفنار..................... والخ

ابصراحة بالتحديد المحلات الي

تبينها ما اقدر اعطيج محل واحد

يعني انا ضامنته واذا حصلت

اعطيج خبر ان شاء الله ما راح

انقصر معاج

هلاوالله اختى عاشقة الجنان بارك الله فيج وعساج من اهل الجنه

ومشكوره ياالغاليه على مرورج العطروعلى المساعده

ما طلبت شيء يالغالية

تستاهل بنت الكويت

و عليكم السلام
اختي ام ناصر وحنين
بالنسبة للمحلات اذا تبين ماركات غالية وكشخة حيل عندج مجمع الصالحية كلة ماركات عالمية وعلى فكرة غالي وعندج بعد فيلا مودا والاسطورة هذيلا حدهم حلوين وشيك...
واذا تبين محلات عادية وحلوة يعني ماركات معقولة عندج المارينا مول بالسالمية ع البحر هذا انا حدي
احبة واستانس علية وعندج بعد سوق شرق والفنار والمهلب وليلى غاليري
وبعد في مجمع يديد بحولي اسمه البحر سنتر ...

هذا الي اذكرة اذا تبين اي شي احنا حاضرين
واذا تبين بعد ادليج من عيوني بس عطيني خبر
تحياتي زين الكويت....

والله انج زين الكويت وتاج الكويت

تسلمين ياالغاليه ماتقصرين كفيتى ووفيتى جزاج الله الف خيروبارك الله فى عمرج

لكن ياريت اختى الكريمه تدلينى على المحلات الى بالمارينااكيدغيرزاراونكست وهالشغلات

والى بفيلامودا،،وبجم اسعرهم

وانافريت الكوت وسوق شرق والبحرسنتروالمهلب حتى الجهراءوالله فريت اسواقها

لاكن المارينارحت لكن مافتريت فيه وفيلامودااسمع عنهالكن ماعمرى دشيت

اسفه طولت عليج ،،وتسلمين على المساعده بيض الله ويهج

اختج ام ناصر

عندج محل بازار للشنط والأحذيه محلهم بالفروانيه وعندهم محل بعد بأجيال الفحاحيل...

هلااختى جورى اناعرف اجيال حيل اروح له لكن اختى محل بازارشنوماركة جنطه بارك الله فيج

وتسلمى ياغاليه على الافاده

هلا اختي ام ناصر حياج ياعمري والعفو...

بالنسبة للمارينا عندج محلات غريبة وحلوة بعد مثل جاد فاشن محل صغير ومو واضح بس حدة حلو واسعارة معقولة اقل من 100 دينار..
وعندج بعد محل تواقيع هذا وايد حلو عندة قطع عجيبة تحصلين اشياء غريبة واسعارة تقريبا نفس جاد فاشن ..

وفي محل بالزاويه اسمة راين دراي وايد وايد حلو واسعارة حيل حيل معقولة وطبيعية ...

واذا تبين لانجري عندج محل اسمة اوش oush هذا حلو حيييييل انتي روحي وحكمي بنفسج....

كل هذيلا بالمارينا ..

وفيلا مودا اسعارة هاي بس اذا انتي ناويه نشترين روحيلة حدة كووول وحلو وعندة جناط ماركات وعزك الله جواتي شيك ...

بالنسبة لبازار ترا حلو ورخيص بس عندة ماركات تقليد انا لاحظت بس تحصلين اشياء حلوة ...

سلامي ..