السلام عليكم
أخواتي عزيزاتي
من جربت دواء milk thistle لزيادة إدرار الحليب؟؟
وما رأيك بنتائجه؟؟
وكم المدة اللازمة ﻷخذه لتظهر النتائج؟؟

أنا بشرب 3 حبات باليوم من مدة 4 أيام وما حسيت بفرق. للأسف..

أنا والدة من شهر وعم برضع ابني بس رضاعته صعبة جدا طول اليوم عليه عوارض جوع وبيبكي كتير. مشكلته يرضع دقيقتين بس وبينام وقدما أحاول أصحيه ما بيصحى إلا بعدما أحطه بسريره وبيرجع يطلب رضاعة وبرضعه وهيك بضلني على طول 5 ساعات أحيانا.. والمشكلة إنه ما بيلحق جسمي يجمع رضعة كاملة..

وعشان هيك حاولت أجرب كل مدرات الحليب.. حلبة حليب بقر حلاوة كراوية سمسم يانسون حبة البركة... حتى جبت شفاط الحليب حتى أشفط بعدما يخلص الطفل رضاعة وهاد لتحفيز الإدرار..
وحمدلله تحسن الحليب عندي ولو إنه بيختلف من يوم ليوم لكن ابني ما تحسنت رضاعته... وقررت أستمر بإرضاعه كلما يطلب حتى يزيد أكتر.. وشربت هاد الدواء كمان.
كتير ناس بيقولوا إنه كل طفل إله مزاجه وطريقته بالرضاعة وهاد اللي صبرني وخلاني أحاول معه ﻷني أبدا ما بحبذ أعطيه صناعي وهاد الإشي خلاه كمان يتعلق بحضني كتير ويتعود عالحمل.. طبعا شيء مرررهق جدا وعم بقصر بكل واجباتي التانية خاصة إني عندي بنتين كمان الله يحفظهم، أنا مستعدة أقعد شهور على هالحالة في سبيل أرضعه طبيعي فقط ... بس بالله عليكم وحدة تطمني إزا مر عليها هيك حالة وهل طبيعي هالأمر؟ وهل صحته رح تكون منيحة وهو بيرضع بالتقسيط؟ مع العلم إنه على عمر الأسبوعين كان زيادته بالوزن منيحة حمدلله بس بعدها مابعرف ومو معقول أضل أوزنه كل يومين..

بالله عليكم يا أخواتي وصديقاتي أنا طمعانة بردودكم وطمأنتكم إلي...

رجاء رجاء اللي بتعرف عن الدواء اللي ذكرته تفيدني واللي عندها كلمة تفيدني ما تبخل علي ولو مشغولة ومستعجلة ترد علي وتعتبرها كلمة طيبة تؤجر عليها إن شاء الله.
مع الشكر الجزيل مسبقا لكن جميعا.

حمدًا لله ؏ سلامتك ومبروك ماجبتي يتربى في عزك ان شاء اللَّـہ

اللَّـہ يكون في عونك ويساعدك يارب

انا هذي اول حمله ليا يعني بكريه فماعندي الخبره الكافيه
بس من
تجارب اختي ومرة خالي اللي شفتهم ولدو وكنت معاهم في نفاسهم انهم يحطو مع البيض شبت يقولو مدر للحليب
وكمان
بيشربو حليب دافي تذوبي فيه حلاوة طحينية السمره كمان مدره للحليب

وان شاء اللَّـہ اللي عنده خبره يفيدك كمان

حياك يا حلوة

http://www.lakii.com/vb/a-70/a-823965/

شوفي هذا الموضوع

وكمان في الركن فيه موضوعات للكتورة شروق عن الرضاعة تحتاجي تقرأيها وتفهميها وتطبقيها
لحظة اجيب لك روابط لموضوعاتها .

http://www.lakii.com/vb/a-70/a-558796/

http://www.lakii.com/vb/a-70/a-646305/

http://www.lakii.com/vb/a-70/a-690192/

http://www.lakii.com/vb/a-70/a-515488/


وهناك الكثير من موضوعاتها بامكانك دخول ملفها وقراءتها

السلام عليكم
حسب ما فهمت من الموضوع
وارجو توضحيلي اذا كنت غلطانة
ان المشكلة ان ابنك ما بشبع مش ان ادرارك للحليب قليل
اختي اعتقد ابنك بيعاني من مشاكل بالغازات
وفي احتمال ان المسالة مسالة برد
بس البرد صعب لان الدنيا صيف
وفي احتمال ثالث انها مشكلة بلاعيم
و احد هذه الاسباب هي الي تخلي ابنك ما يرضع
ولكن احساسو بالجوع بجبرو يرجع يرضع
بس ما يستمر اكثر من 5 دقائق لان احساسو بالالم بمنعو
اختي اول نصيحة انصحك بيها شوفي نظامك الغذائي اذا كان ملائم للرضاعة الطبيعية
لان احنا ومع الاسف طبيخنا العربي ملئ بالاكلات الي فيها غازات
مثلا عندك الرز والبصل فيهم غازات
بامكانك تسهلي نفسك وتمتنعي عن كل شي فيه غازات
واذا ابنك رضع طبيعي باليوم الي بعدو اعرفي انها مسالة غازات
من جهة ثانية اذا كانت مشكلة ابنك البلاعيم علاجها سهل باذن الله
ادهني منطقة البلاعيم بزيت الزيتون الدافئ يوميا واستمري عليها الى ان تشوفي ابنك تحسن
وفي احتمال ان البرد دخل جسمك وهاي تخلي حليبك بارد وبالعادة انت ما بحسي بالبرد
وحله ان تضعي تحت رجلك قربة الماء الساخن اقلها مدة عشر دقائق قبل النوم
او تضعي رجلك بماء ساخن مدة عشر دقائق وبعدها تلبسي جوربين
وفي شغلة اخيرة في احتمال انو ابنك عطشان عشان هيك بمتنع عن شرب الحليب
حاولي دائما تشربيه كمية من الماء المعقم قبل عشر دقائق من الرضعة لتفادي العطش وراعي ان لا يكون بارد لتفادي المرض
والله يكون بعونك

حبيبتي يمكن ابنك فقط تعود عالحضن يعني بدو يظل بحضنك فقط
حاولي لما ترضعيه يكون مو نعسان يعني لما يكون نايم ويصحى لا ترضعيه على طول
لعبيه وفرفشيه شوية مشان يصحصح وبعدين رضعيه وخلي في صوت دوشة جنبك وقت الرضاعة شغلي التلفزيون
واحكي معه وخليه منتبه لا ينام
الطفل يحتاج اقل شي من 15-20 دقيقة من الرضاعة
وعادة يجوع بعد ساعتين لان حليب الام سهل الهظم

ثاني شي اقولك الماااااء الماء هو اهم مدرات الحليب
كانت القابلة تقولي لما تجي ترضعي ابنك حطي جنبك كاسة كبير ماء واشربي
ايضا لا تخلي شي يقطع الرضاعة
التليفون يرن تقومي تجيبيه احد الاطفال يطلب اي شي وتقومي
لا حاولي تخلي كل شي تحتاجيه جنبك واطفالك الثانيين ادري صعب ولكن حاولي تشوفي كل طلباتهم قبل ان تجلسي ترضعي صغيرك

وموفقة ان شاءالله
انصحك بالابتعاد عن الداوء اختي