.
.
السلام عليكم ورحمة الله وبركاته
اللهم صلي وسلم وبارك على محمد
" ولقد أخذناهم بالعذاب فما استكانوا لربهم ومايتضرعون " المؤمنون
قال رسول الله صلى الله عليه وسلم " من فُتح له منكم باب الدعاء فُتحت له أبواب الرحمة "
اللهم اهدنا إلى أفضل الدعاء .. وأفضل الثناء عليك .. ولا تحرمنا لذة مناجاتك
صباحكم ورد وفل يا قمرات ويارب يومكم كله خير
أخباركم ايه يا حلوين يارب تكونو في أحسن حال دايما
أنا أخباري .. الحمد لله خدت تحويل من المستوصف على المستشفى
ومعادي بكرة مع الدكتور الزيارة الأولى وربنا كريم
سبحان الله يابنات عايزة أقولكم حاجة هي بسيطة بس يارب تكون خير ..
أنا كان معادي في المستوصف مع دكتورة هندية بس مش كويسة أبدا وعلى طول مكشرة ومش بتتكلم ..
ولما رحت اديت الورقة للسكرتيرة عشان أدخل ..
راحت خدتها ولغت اسم الدكتورة مع انها عادي موجودة ..
قلت في سري يارب اكتبلي الخير ..
وكتبت دكتورة تانية ..
لما دخلت عندها ارتحت جدا وحلتلي مشكلة كانت عندي وراحت اديتني تحويل للمستشفى باسم دكتور محدد قالتلي ده أشطر دكتور في المستشفى ..
مع ان التحويل أصلا بيبقى بدون أسامي الدكاترة ..
يعني لو كنت دخلت عند الهندية كانت ادتني تحويل على المستشفى بدون اسم الدكتور وممكن يجي حظي مع دكتور مش شاطر
قلت الحمد لله يارب تكون فاتحة خير
طبعا الشفاء بإيد ربنا مش بشطارة الدكتور بس الواحد لازم ياخد بأفضل الأسباب
والحمد لله تأشيرة العمرة طلعت بس فاضل تصريح السيارة
ويارب وفقنا لأداء العمرة كما تحب وترضى
وحددنا معاد السفر - لو التصريح طلع - على يوم الخميس ان شاء الله
.
.
.
الروابط المفضلة