كتبت بواسطة
** الشيماء **
وليش مادورتي أخباري من سبع شهور
كتبت بواسطة
** الشيماء **
ولا الحمل نساك أصحابك شكله حق الحمل يسبب زهيمر معذوره
اوكي خلاص انا مش حنقولك حتى شيء غير حسب الله ونعم الوكيل وبس والله يحفظني من الزهايمر وعن كل مؤمن ومؤمنة يارب
على الأقل انا بهتم ونسأل عليك وكل من القي في فرصة ادخل على التجمع اسأل على الكل البنات صح مشاركاتي قليلة وكل البنات عارفين ليش لأني نكلم فيكم من الشغل ونادرا مرات من نحصل في وقت وفرصة اني اشارك واكتب مشاركات وكل البنات الي يعرفوني عارفين السبب هذا .
وعلى فرض يعني اني مسألتش عليك الأيام الفاتو من هو الألزم انك تسألي عليه انا الحامل والي المرض والشغل والوحم والحمدلله على كل حال ولا انت باهي يا ستي انا مش كويسة وما نسألش عليك ووووووووو من الكلام الي قلتيه باهي طلعتي انت احسن مني وقلتي باهي بلكي المراة تعبانة بلكي نفسياتها تعبانة ووو على طول انت انتقمت وعاملتيني بنفس الطريقة مع اني والله العظيم كل ماندخل نسال عليك وعلى البال الي موالفة عليهم ومش ذنبي كان معنديش نت في الحوش ومقعمزة فااااااااااااااااااااضية طول النهار .
على كل والله كان ودي اني نكتب الكلام هذا في رسالة خاصة على الأقل باش البنات التانيات مايشفوش كيف بنات بلاد واحدة قداش متحضرين وقداش اسلوبهم راقي في الكلام مع بعضهم ... على الأقل انا كنت نتصل بيك من نقال الشخصي وخصوصا في المنابسبات بس انت ماترديش عليا ابدا ممكن تقولي علاش حتى اسف في رسالة ما فيش ومع هذا عمري ما لمت عليك كلمت بهالقسوة قدام حد الواحد يشوف ظروف التاني قبل ما يتكلم وكانه من الأول مايبيش يراعي ظروف الناس من الأول مايصاحبش .
يارا اكبر مثال في التجمع بالرغم انها فاتت فترة حملها ولدت ومازالت مستمرة معانا والله كثير من الأحيان نراقب في مشاركاتها نلقى انه مش كثير الي يسألوا عليها ومش كثير الي يدوروا فيها بس هيا قداش قلبها كبير وقداش هي حنونة بالرغم انها خلاص معاش تربطها بينا علاقة انتظار الحمل زي زمان بس بتسأل وبدور بس علشانا احنا وبس مش على خاطر باش احنا نسألوا عليها ولاندورها وغيرها من البنات يعني مايا زوجة ميدو فجر ملكة الأحساس وغيييييرهم كثير كثير بس توا مش في فكري عشان معصبة .
كل البنات هنا بيدخلوا ويسألوا بس عشان الأجر والثواب وعشان نكون جنب بعضنا مش ضروري كل يوم مش ضروري كل اسبوع عادي حتى كل شهر لأن هذا حاسين واجب عليهم مايسألوش بس عشان انا وغيري يدورهم ويسأل عليهم وان كان هذا واجب بس كل وحدة عندها ظروف والله تعالى اعلم.
اسفة انتي اهتميت باخبارك اسفة اني تدخلت وشفت مشاركتك اسفة اني اهتميت بمشاركتك فوق اللزوم اسفة اني تمنيت اول من يبشر البنات بخبر حمل بنت بلادي اسفة جدا جدا جدا وهذه اخر مرة راح تشوف مشاركة ليا بخصوصك كل الي نقدر عليه اني نتمنالك الخير ونتمنالك الحمل السليم المعافى من غير زيادة ولانقصان اليوم قبل بكرا ولكل البنات الطيوبات الي عرفتهم في هالتجمع الرائع ومسقط رأسي في منتدى لك.
وتمنيت انه اسلوبك معاي حتى ولو كان عتاب كان ارقى من هكي .
لاحول ولا قوة ألا بالله
الروابط المفضلة