السلام عليكم ورحمه الله وبركاته
اليكم اخواتى مشكلتى بدون مقدمات .....انا متزوجه من عامان ونصف وليس لدى اولاد والحمد لله على كل حال ...عمرى 28 سنه.....حملت بفضل الله بعد عام من زواجى واجهضت لسبب يعلمه الله فى الشهر الثالث ....لى الان عام ونصف ولم احمل بعد قمت انا وزوجى بجميع الفحوصات وكانت جيده والحمد لله ولا يوجد مانع على قول اكثر من 5 دكاتره يعيق الحمل سوى اراده الله....لكن منذ شهر قمت ببعض التحاليل الهرمونيه وكانت هذه نتيجتها
fsh 10.3 ref rance 2.5-10.2
dhea-s 383 refrance 35 - 430
Lh 3.7 refrance 1.9-12.5
prolactin 6.5 refrancr 2.8-29.2
testosterone .76 refrance .9-1.30-

فوجدت ان هرمون الfsh عالى والدكتور قالى هذا الهرمون المؤثر على التبويض ....فاخبرته كبف وانا تبويضى الحمد لله ممتاز بشهاده دكاتره السونار من حيث الحجم وتنفجر الحمد لله وحدها....اخبرنى ان هذا لا يظهر فى السونار مهما كان حديث وان هذه البويضات قد تكون جيده حقا ...او قد تكون منظر على الفاضى واعطانى هذه الادويه... الداكتون ....هوستاكورتين......اوفستين 3 مرات فى الشهر فقط..... لقد دخلت على النت امس فوجدت ان هناك بنات تتحدث ان هرمونها فقط 6او 4 بصراحه قلقت من ان يكون هذا الهرمون عالى بدرجه قد تؤثر على الانجاب ...سؤالى لكم اخواتى
1* هل هو عالى لدرجه انه يؤثر على الانجاب
2* هل فى طريقه لتخفيضه
3* هل علاجى له علاقه بهذا الهرمون لان فى نشره العلاج لايتكلم عنه

اخيرا....كل من يعرف اى معلومه او علاج اوسمع عنه اى شىء من قريب او بعيد يفيدنى الله يكرمكم جميعا احبائى فى الله

يعنى 7 شافو الموضوع ولا واحده تدعيلى حتى

بصي ياقمر هو عندك مش عالي اوي يعنى ممكن الحاله النفسيه او التوقيت هو اللي السبب في انه عالي شويه

بس اللي انا اعرفه ان المفروض هرمون ال FSHوال LH يكون قريببين من بعض او متساويين وطبعا يكونو في نفس الوقت في الرينج بتاعهم

لوعايز تطمنى اكتر في تحليل تاني بيبين مخزون البويضات في المبيض AMH وده ادق كتير من FSH وبيتعمل في اي وقت من البريود بس هو مكلف شويه او شويتين يعنى حوالي 350 جنيه بس نتايجه مضمونه
ده كل اللي اعرفه وربنا يطمنا عليكي
ويرزقنا واياكم الذريه الصالحه

الموقع ده في دكتورة نسا سجلي فيه وحطي اي سؤال وهي ان شاء الله هتجاوب عليكي اجابه متخصصه هي دكتورة شاطرة وبتجاوب بالتفصيل



http://www.arabw-pearl.com/vb/forumdisplay.php?f=71

واي خدمه يا قمر

شكرا يا نيفى حبيبتى الف شكر على ردك واهتمامك..الله يجعله فى ميزان حسناتك

ماعندي اي معلومه عن موضوعك بس حبيت ادعيلك ربي يهون عليكي يارب ويرزقك الذريه الصالحه بالقريب العاجل يارب

حبيببتي انت تابعي علاجك مع الدكتور وان شاء الله تكون البويضات كويسة وتحملي يااااااااااارب
كلي سمسم يوميا واناناس كتير منشط للمبايض و كمان كلي عسل مع طلع النخيل حطي 10 غ منه في 250 غ عسل طبيعي و كل يوميا ملعقة انا قريت انه كتير كويس للبويضات و مجرب وجاب نتيجة
وربنا يرزقك الحمل السليم عااااااااجلا غير اااااااااجل ياااااارب و يرزقني انا كمان وكل منتظرة

الله يرزقك يارب قريبا عاجلا غير آجلا يارب العالمين

والله ما عندي معلومة حبيبتي بس حبيت ادعيلك الله يرزقك الذرية الصالحة الطيبة عن قريب وتبشرينا بحملك ياااااااااا رب .

السلام عليكم يا يمنى

انا حاسه بيكى يا حبيبتى لانى اول مره حللت كان هرمون fsh عالى كدا بردو وقعدت فتره متضايقه ومخضوضه

بس فى كذا نقطه...اولا الهرمون دا معناه مخزون المبيض من البويضات...كل ما يكون عالى معناه ان مخزون البويضات أقل....يعنى المفروض انه بيعلى كل ما سن المرأه يتقدم و بيعلى جدا فى فترة توقف النشاط الانجابى

ثانيا لازم تشوفى النسبه الطبيعيه للهرمون عندك فى ورقة التحليل كام
لان النسبه الطبيعيه احيانا بتختلف من معمل للتانى وبالتالى ممكن يكون الرقم عالى لكن بالنسبه للنتايج الطبيعيه هو كويس
يعنى مش على الاطلاق لازم الهرمون يكون اقل من 10

وزى ما قلتلك انا حللت وطلع عندى اول مره يمكن 16 او حاجه كدا بس كان النورمال رينج لحد 20 مش لحد 12

بعدها بفتره عيدت التحليل تانى فى معمل المختبر وطلعت النتيجه 8 و كان النورمال رينج لحد 12 يعنى كان طبيعى الحمد لله...صحيح مش قليل اوى بردو لكن معقول
ومع ذلك انا عملت مرتين حقن مجهرى و فى المرتين الحمد لله كانت الاستجابه للتنشيط كويسه و عدد البويضات اللى بتنتج وجودتها كويس بالنسبه لجرعة التنشيط
يعنى مأثرش على موضوع التبويض الحمد لله

وربنا ييسرلك الحال....وافضل انك تعيدى التحليل تانى فى معمل ثقه وان شاء الله تطمنى اكتر وانا معاكى لو حبيتى تسألى عن حاجه