قصة ولادتي
السلام عليكم صبايا
انا اول مرة اشارك بكتابة موضوع بالمنتدي وحبيت اشاركن تجربتي الخاصة بالولادة حتي تستفيدو منها باذن الله
اتممت الشهر التاسع كامل وما اجتني الام الولادة وعطوني اسبوعين زيادة وبعدها حددولي طلق صناعي عن طريق التحاميل المهبلية رحت المستشفي ودخلوني وكل ست ساعات كانو يعطوني تحميلة بس ما اثرت فيي وانا كان عندي توسع 2 سم طول الشهر التاسع من كتر ما مشيت بس مافي طلق بعدين اجا طبيبي وفحصني وعملي حث وهون انا انجنيت ما عاد فيي قلتلو هلا ركبولي ابرة الضهر (انا كنت مقررة اخدها من قبل ) وبس طلع الطبيب صار عندي طلق قوي والله حسيت القيامة قامت يعني طلقت تقريبا ساعة بعدين اجا طبيب التخدير مصري ربنا يوفقه طلبت يزودلي الجرعة لاني خايفة كتيير وما قصر وبعد ما شك الابرة بضهري علي طول الوجع صار يخف والابرة مو مؤلمة ابدا ومش خطيرة متل ما يشاع عنها بالعكس انا بعتبرها رحمة للنساء من عذاب الطلق وبعدها الممرضة ضلت قاعدة عندي تسجل الضغط والحرارة والخ
والله يا صبايا ما عاد حسيت بشي ودخلت امي عندي وزوجي وحكينا ونكتنا كمان ههههههه ، كنت احس بطني يحجر ويشد لتحت من الطلق الصناعي الي ركبولي اياه بعد ابرة الضهر بس مش حاسه باي الم والحمد لله ضليت ادعي ربي واستغفر وبعدها اجا طبيبي يفحصني ويروح لانه خلص دوامه والمفاجاة كانت انه التوسع كامل والراس نازل كمان علطول جهزوني للولادة وكنت احس بطني لما يحجر ادفع لتحت بكل قوتي مع اني مش حاسه باي الم وبعدين يروح الطلق استريح ولما يحجر بطني ارجع ادفع لحد ما حسيت انه في شي كبير طلع مني حمدت ربي كتيير وحطو ابني بحضني والله ماصدقت لما شفته شي صغير وبريء وبجننن وبعدها خيطني الدكتور ونقلوني علي غرفة مابعد الولادة واخده البيبي علي غرفة الاطفال بس ما كنت حاسه برجلي منيح وبعد 3 ساعات خف التخدير وقدرت امشي رحت علي غرفة الاطفال وشفت ابني وحاولت ارضعه ، والله ما كنت مصدقة اني ولدت بدون الم بس الحمد لله الي هونها علي ، وانا هلا صرلي والدة 6 شهور وماصار عندي اي اعراض منها وان شالله باخدها كل حمل ، دعواتي لكل مسلمة حامل بتهوين ولادتها واسفة عالاطالة
رد مع الاستدلال
الروابط المفضلة