السلام عليكم ورحمة الله وبركاته..
كيفك جميعا ان شاء الله بألف صحة وعافية..
حكيتلكم من قبل اني شلت اللولب بشهر 10 ..
بتابع ايام التبويض وما صار حمل ..الحمد لله على كل شي..
رحت للدكتور قبل يومين
كان اليوم 11 من دورتي اللي هيا 28 يوم ..فحكالي اليوم بيكون التبويض وكشف وحكى انو فشي بويضات
كل الموجود خمس بويضات صغيره كتير
وحكالي فيه ضعف تبويض وطلب مني تحليل لهرمون التبويض اللي هو باليوم 20 من الدورة وبعديها رح يشوف وهيكتبلي منشطات ..

انا دورتي الها تلات شهور صارت تنزل خفيف وتلات ايام بس قبل كانت 6

بدي أفهم شو صاير معي بالزبط ليش دورتي قلت يعني شو سبب ضعف التبويض؟؟
وكمان شغله هل علاج هالشغله بياخد وقت وبيطول كتير؟؟
وهل فعلا الدوا بيتعب الجسم وبيهده؟؟
ممكن احمل تاني ولا مشكلتي صعبه ؟؟

ضعف التبويض ما اله أسباب يا اختي بيجي من الله والموضوع بسيط مع ألمنشطات والإبر التفجيرية بيسير تبويضك مئة بالمئة برضة كرزي على شرب الأناناس وأكل الأناناس منشط قوي للمبايض كمان مشروب مغلي القرفة والزنجبيل
والله يرزقني ويرزقك ولا يحرم احد

الاخت ندى الحرمان
ما قصرت حبيبتي
وربي ييسر امرك ويكتب لك اللي فيه الخير
بس انتي قلتي دورتك منتظمة 28 يوم
وانتي رحتي يوم 11 للدكتور بالعادة يكون التبويض يوم 14 لو دورتك 28

اطلعي هنا
http://www.lakii.com/vb/a-70/a-821253/

صحيح كلام الاخت مام التبويض بكون يوم 14 اذا الدورة 28
وما شاء الله على ندى كفت ووفت

شكرا حبيباتي ..
هو هيك حكالي الدكتور انو بيكون التبويض عندي يوم 11 يمكن قصده يبين ع الجهاز عنده ..
والله انا قلقانة كتير لأنو بفضل ربنا حملت اول ما تزوجت وبعدين حملت بابني التاني ع طول وع الاربعين رحت اركب لولب وحطيت اولادي عند قريبتي ويومها حكت لجارتها اني رايحة اركب لولب فقالت ناس تروح تمنع الحمل وناس ميتة تحمل بتقصد مرة ولدها لانو كانت حامل معي ومات اللي ببطنها..ربنا يعطيها

انا خايفه يكون حسد

بتعرفوا..الحمد لله عندي ولدين هما كل دنيتي ..وحاسة بقلق كبير نفسي أحمل وزعلت لما عرفت عندي مشكلة وطول الوقت بحكي ربنا يعطي كل مشتهي وكل محروم شعور صعب كتير ..

ادعولي حبيباتي وربنا يكتبلي الخير وييسرلي أموري..

يمكن فعلا يوم التبويض 14 بس ع الجهاز كان مفروض يبين قبل ..

الاخوات ما قصروا وفوا و كفوا

الي احب اضيفه انه لا تقلقي من شهر لشهر يكون التبيوض ضعيف

و مثل ما قالتلك مام انت المفروض تبويضك يكون يوم 14 من الدورة

و حتى لو البويضات ضعيفة في اليوم 11 يقدروا بقدرة ربنا يكبر حجمهم وتحملي عادي

انا صارلي كدا لما حملت بابني و حتى بحملي الاخير الي ما كملش

لا تقلقي حبيبتي توكلي على الله وان شاء الله امورك كويسة خاصة انك ما شاء الله حملت من قبل بدون مشاكل

انت حللي مثل ما قالك الدكتور و خلي الباقي على ربنا سبحانه وتعالى

الحبيبات ماقصروا ماشاء الله عليهم

وربي يكتب لك الخير وييسر امرك

ارقي نفسك وحصنيها واعملي بالاسباب

السلام عليكم ..

كنت حابة أحكيلكم انو عملت تحليل لهرمون التبويض باليوم ال20 من الدورة طلع 15.5

الدكتور حكالي مش سيء ولا منيح وسط وحكالي بكتبلك ع منشط خفيف بعد الدورة بس انا تركتها لربنا مابدي اخد منشط ولا بدي اروح للدكتور خلاص
مادام طمني انو منيحة خلاص الحمد لله رب العالمين ..خوفني بكلامه لما رحتله لما قالي فشي تبويض بس مبين انو كان حاسب غلط وانو التبويض متأخر عندي ..

ربنا يعطي كل مشتهي ومايحرم حد ..

بحبكم كتير