مرحبا بنات كيفكم

ممممم بدي اححكي بموضوع يعني ... اجا عبالي

ليش هيك بلاحظ بس تولد الوحدة و ييجي الناس الي بباركو او يطمنو عالام

اغلب هداياهم بتكون للبيبي ... مع انو المفعوص مش داري عن حاله

بجامات ... ملابس حلوة ... طقوم جونسون مثلا ... كرسي بيبي

طبعا بيجو ناس احيانا جايبين هدايا مالهاش علاقة بحاجة وهادول الناس الي جايين رفع عتب وماعندهم فعلا صلة عميقة

بلاش ازكر النوعية لاني لما اتزكرها باصاب بتشنج نفسي ههههه

انا ولدت مرتين في الغربة والحمدلله الواحد بولد لحالو و قليل لما يجي حد

اول ولادة اصحابنا جابولنا ملابس للبيبي

جارتي جابتلي طقم لوشن و عطر و شور جل الي صراحة فشت خلقي

صاحب زوجي جبلنا لبس للبيبي برضو

تاني ولادة وصلني ملابس لبنتي و ... بس ماحد اجا غير الجيران ههههه احسن اكتشفت انو احسن واريح

المهم انا كمان شهرين حولد ان شاءالله

وهالمرة مش بالغربة ومتشوقة اشوف

بس انا بحكي من ولادات البنات الي حوالية

والله انا بحزن عالوالدة كتير كتير هريان 9 شهور كوم وهريان الولادة كوم

بالاخر الكل بهجم بجيب للبيبي اغراض وحجات

طيب المسكينة هي والله هي اولى برفع المعنويات خاصة الوالدة حالتها النفسية شيء عجيب

وبالمناسبة اصلا اهل البيبي شارين كل مستلزماته مش معتمدين عالهدايا يعني

فما حد يقلي جايين يوفرو علينا

بحس مفروض الناس يجيبو هدايا للست الي ولدت

بجاما حلوة ... عطر ... قميص نوم مثلا

مفروض يحزرو انو الها تقريبا 9 شهور مش طايقة حالها و بطنها مانعها من اي شيء

فهيك هدايا خاصة بيها بتنعشها ... و بتزكرها انو الها اهمية

مممم مابعرف ان عبرت او لا

بس بحس الناس بدون قصد بهملو الوالدة و بلزقو في البيبي مع انها مسكينة والله ياحرام بتقطع القلب ههههههههههه


والله جاي عبالي انشر خبر بين اهلي و معارفي الي عايز يجيب هدية يجبلي انا البيبي احنا حنشتري اله مش منتظرين كرمكم


هادا شعوري صراحة بحزن كتير عاي وحدة ولدت جديد ...

نسيت اقول الناس لما يهتمو في الوالدة بروحو يحشوها و يغذوها ... عشان مااكونش كزابة هههههههه

بس انو شي خاص فيها مابحس هيك ثقافة موجودة

شو رايكم انتم وشو تجاربكم ... انا خايفة اطلع الوحيدة الي بحس هيك واطلع الام الشريرة الطماعة

بصراحة انا معاكي
المفروض الهدايا تكون للأم المسكينة

ههههههه يا سوسو موتيني ضحك خخخخ
تعرفي انا ولدت بغربة وحالي نفس حالك هم اثنين اللي زاروني وبس

اما في بلدي فاغلب الزوار بيجيبوا هدية للبيبي وفلوس كهدية للام او الفلوس فقط "فلوس يعني مصاري "

وفي هالحالة نحن نسميه زلوف
وهي حرة تسوي اللي بدها اياه فيهم

ومني انا هديتي الك بس تقومي بالسلامة هحجزلك في جيم مع عناية بالبشرة والشعر
احس هذي افضل هدية صح؟
Sent from my ST25i using منتديات لكي mobile app

اختي مغتربة شكرا لك ولمسانتك

مام اااااااه شكرا هديتك حلوة
اه احنا برضو عنا هدية فلوس نسميها نقوط ... برضو بترد الروح والقلب
بس انا والله معي حق البيبي هادا مفعوص ولا داري عن حاله
وملابس واغراض احنا شاريين يعني ماحد يعمل حالو بخفف عنا مصاريف... هههههه
تسلمي حبيبتي

فعلا والله كلامك صح مية بالمية

المفروض انهم يهتموا بالام وهي الي يجبولها الهدايا

بس اظن انه هاي الثقافة مو موجودة عند الجميع

احنا كمان فيه الي يجيبوا هدايا للبيبي من لبس و لوازم وفيه الي يهدوا نقود

انا اغلب الهدايا كانت نقود و صراحة استفدت منها و اشتريت منها حاجيات ليا هههههههههههههههه

لانه ابني كنت مجهزة ليه كل اللوازم الا السرير و اشتريته بعد الولادة

المفروض نعمل حملة تحسيسية ونقلهم يااااااااااااناس لما المراة تولد اهتموابيها هي مو بالبيبي لانها هي الي تعبانة و مرضانة و نفسيتها في الحضيض

هههههههههه اسعدني موضوك كتير حبيبتي

انا أأأيد البيان المذكور اعلاه

فعلا الام مسكينه ماحدا يعبرها ليه ليه


الله يكون في العون

الام بس يحكو لها تغدي منيح عشان ترضعي منيح


ولخ ...


ربي يعين بس يمكن مثل ماقلتي هيك الثقافه المنتشره انه الهدايا للبيبي

مش للأم يمكن لازمنا اعادة برمجه عشان الناس تهدي الام فعلا ^_^


ربي يقومك بالسلامه يارب .

وعلي فكره انا استفدت من موضوع وهيك بعرف انه النافس نفسها الناس

يهدوها واخد في بالي لو زرت وحده نافس اخد لها هديه مش للبيبي ^_*

معك حق ....

و الحقيقة هناك ناس يعملوها لكن قليلون جدااااااااااا


...

و طبعا أن الزوج يقدم لزوجته هدية هذه ليست جاية على فكر بشرر أبداااااا


...

بس مليح أن كل وحدة هي تبدأ بالفكرة لما تلد أخت تروح تقدم لها هدية تخصها هي

و آخر مرة عملت هيك مع احداهن ...قجمت لها و هي بالمستشفى هدية لها راح تفرحها و تدخل السرور بقلبها بعد تعب و وآلام و الي انتوا و انا عارفين

نسأل الله أن يكون بميزان حسناتنا و أن تكون الجنة فعلاا تحت أقدامنا ()


جزاك الله خيرااا

بس مليح أن كل وحدة هي تبدأ بالفكرة لما تلد أخت تروح تقدم لها هدية تخصها هي

و آخر مرة عملت هيك مع احداهن ...قجمت لها و هي بالمستشفى هدية لها راح تفرحها و تدخل السرور بقلبها بعد تعب و وآلام و الي انتوا و انا عارفين

نسأل الله أن يكون بميزان حسناتنا و أن تكون الجنة فعلاا تحت أقدامنا ()

ااامين يارب


فعلا لو كل وحده منا تعمل كده اغلب الناس حتتغير

واهو اكيد نكسب ثواب في الست النافس


يله من هلأ حتي احمل واولد لازم الناس تتغير عشان اشبع هدايا ^_^

و طبعا أن الزوج يقدم لزوجته هدية هذه ليست جاية على فكر بشرر أبداااااا

انا كنت حسأل هو الزوج يهدي لزوجته منتشره عنا في الوطن العربي ولا شو

بعض الي اعرفهم لما تلد زوجها يهديها ذهب علي اساس انها تعبت وتحملت ربي يجزيكم خيرا جميعا .




وعلي سيرة الهدايا بما اني في مجتمع غير عربي بلاحظ اغلب الهدايا للبيبي كمان

مش للأم يعني هالنوعية من الهدايا في كل مكان .


يله احنا نركز علي تغير الناس المحطيه بينا ونبدأ من انفسنا وتغير نوع الهدايا للأم

بعدين الناس حتتغير .


ربي يعين الجميع



بصو انا عاوزه هدايا ليه ولي البيبي طماعه ^_^

بس اهم حاجه شدو حيلكم وادعولي في هالايام المباركه .

اعجبني تفاعلكم يابنات

يعني طلعت مش غريبة والكل بأيدني ...

عن نفسي اهدي حسب ظروفي ... يعني بس على اقل تقدير اقدم نقوط لانو هاي عادة اجتماعية زي العيدية ماحد بقدر يتهرب منها خخخخخخ الا لو جاب هدية مثلا
في ناس ماينقطو والله ... بس انا عن نفسي لازم انقط

فلو ماعندي امكانية الا للنقوط اعمل اكل زاكي للوالدة و خلص لانو مابكون مثلا حاسبة حساب هدية

بس انا اعتقد النقوط كتير حلو ومفيد للوالدة تنبسط فيهم وتشتري الي ناقصها ... يعني على اقل تقدير النقوط هدية كويسة برضو

انا بحب اهدي اصلا وبحب الهدايا بحسها مثيرة

انا لازم اجيب سيرة قدام الناس انو الواحد يجيب هدية للام وهيك
عشان قربت اولد يمكن الاقي هدية تفرح القلب خخخخخخخخ


شكرا لكم وجعله الله في ميزان حسناتنا

بالنسبة لهدية الزوج شو مكانت تكون بتضل حلوة المهم هدية

واعتقد اهتمامه بزوجته ونفسيتها وعانيته بها و قربه منها و دعمه الها يعتبر اكبر هدية تحتاجها الوالدة
صح؟