السلام عليكم ورحمة الله ... كيفكم خواتي إن شاء الله تكونو بخير ...
أنا اليوم دخلت الأسبوع ال17 وحسيت بحركة الجنين ثلاث مرات أول مرة نهاية الأسبوع ال14 وثاني مرة في الأسبوع ال15 وآخر مرة في الأسبوع ال16 .. ثالث العيد آخر حركة كانت واضحة ومحسوسة ...
من أمس بحس بألم أسفل بطني من اليمين مع ألم أسفل ظهري كمان من جهة اليمين ... وماعاد حسيت بحركة البيبي زي ماقلتلكم من ثالث العيد ... وكمان من أمس أحس جزء من بطني متحجر جهة اليمين هوا هدا البيبي ولا إيش ...
أبغاكم تقولولي هذي الأعراض طبيعية ولا في منها خوف وأحتاج مراجعة الدكتورة لأن أول مرة أحس بذي الآلام ...
الله يخليكم ردو بسرعة ولا تتأخرو علي ... أنا في انتظاركم ...

وعليكم السلام

الله يطمن قلبك

حركة الجنين في البداية تكون جدا قليلة

لكن تحجر البطن يحتاج لزيارة الطبيبة

الافضل لك تروحي تكشفي حتى تتطمني وتطمنينا معاك

وربي يكتب لك الخير

Sent from my GT-I9100 using منتديات لكي mobile app

تسلمي عالرد الله يسعدك طيب بالنسبة لألم البطن والظهر إيش سببه

احيانا يشخص بانه طلق مبكر

خاصة انه عندك تحجر قي البطن
الله يرضى عليك تابعي طبيبتك وخبريها بكل ماتشعري به من تطورات وآلام
وربي يتمم حملك على خير


سؤال انت تحبي تلبسي وانت بكرامة جزم كعب ?

لانه احيانا هذه تؤثر ع الظهر وتصير الام في الحمل وبعد الولادة

Sent from my GT-I9100 using منتديات لكي mobile app

لا أنا من يومي ما ألبس غير فلات ما ألبس كعب إلا نادرا في المناسبات ...

حبيبتي لازم تراجعين الطبيبه وخصوصا انتي بكريه خلي تشوف بالسونار حركة البيبي والمشيمة وتشيك على كل أشي والأفضل تريحي حالك لاتعبيها

حابة أطمنكم رحت المستشفى وكل شي تمام بس الالام موجودة بمجرد الوقوف والشغل أتألم على طول وأروح أنسدح ... بس اللي سوالي الأشعة دكتور أشعة مو دكتورة نساء والدكتور كان في الطواريء عام ماجابولي دكتورة نساء وقالو عادي مافي شي بس لمى شفت البيبي ماقاعد يتحرك زي المرة اللي راحت في السونار كان يتحرك كتير ماشاء الله ... وأساسا ليا أسبوع ماعاد حسيت بحركته زي أول .. وموعدي بعد أسبوع مع دكتورتي .. وأشوف إن شاء الله خير وإن شاء الله أطمنكم ...

الحمدلله على سلامتك أختي سما .. أهم شي ماتتعبي نفسك وخلي يكون شغلك على خفيف
والله يتمم حملك على خير

كتبت بواسطة أيرس

الحمدلله على سلامتك أختي سما .. أهم شي ماتتعبي نفسك وخلي يكون شغلك على خفيف
والله يتمم حملك على خير

الله يسلمك أختي ... إن شاء الله أحاول ما أتعب نفسي .. آمين يارب يتمم حملي وكل حامل ويرزق كل محرومة يارب ...

احتمال يكون عندك هبوط في الرحم

او دوالي لا سمح الله

لانه كل هذه كانت تصير معي لاني كان عندي هبوط في الرحم

ودوالي تحت بطني


ربي يحميك ويطمن قلبك يارب ويتمم حملك على خير .