جزاك الله خيرا
تجربة قيمةو رائعة

مش عارفه اشكرك ازاي
استفدت كثير من كلامك
بس ممكن توضحيلي اه يعني غسول خارجي زي يعني ديتول مخفف بالطريقة المكتوبه على العلبة
ولا ايه

ولو سمحتي انا بتعب جامد من الدورة ونفسيتي بتكون سيئة وبغيب عن كل المحاضرات باليوم التاني والثالث
بتنزل منيالدورة مش دم عادي ،مش عارفه اوصفلك وخجلانه منك واسفه لو قرفتك
بتكون زي القطع الدم وكمان مابتمتصهاش الحفاض واحس بأرف واحيانا بتجيني نوبات استفراغ
رحت لدكتورة فحصت دمي وقالت لي كل كويس وطبيعتي كده وانا نفسي ألاقي حل لمشكلتي دي

اهلين غاليتي

غسول خارجي انت ممكن تروحي للصيدليه وتطلبي منهم غسول خاص
للمنطقه عادي متوفر

انا مره الدكتوره وصفتي غسول خاص وهو بيحافظ علي درجة قلوية المنطقه الحساسه


اما بخصوص الدم

حاولي تدفي نفسك بقدر الامكان وتشربي مشروبات دافيه ووتبتعدي عن الشروبات
البارده تمام
ونزول الدم قطع هذا عباره عن بطانة الرحم لانه في كل شهر الرحم بيستعد
ويتهيأ عشان لو حصل حمل يكون جاجز لاستقبال البويضه الملقحه وتنغرس فيه
بس اذا ماصار حمل لازم البطانه دي تنزل وبيحدث سيلان دم او بتكون قطع
انا كنت بعاني زيك كده بس بحاول قد مااقدر اشرب اي شي دافي برتاح
وبدفي رجليه يعني حاولي ماتمشي حافية القدمين

نجي للنفسه دي شيء عادي كلنا بنعاني منها لانه الهرمونات بتكون طالعه نازله
انا عن نفسي بحاول ازبطها بقطعة شوكلاطه <<<ماتقولي وزن ههه
بصفه عامه السكريات بتعمل علي تحسين المزاج
كمان مغلي الينسون منيح منها مشروب دافي منها بيعدل المزاج
او حسيتي انك مضغوطه وعلي وشك البكاء او الانفجار
خودي دوش دافي وطولي فيه عشان ترتاحي


نوبة استفراغ كنت بعاني منها قبل الزواج بس بعد الزواج الحمد الله
هي عاديه وماااعرف لها حل

هل عندك الم اسفل ظهرك شديد ولا لأ؟

سين سؤال انت متزوجه ؟؟

السلام عليكم ... جزاك الله خيرا الشيماء على ردك على الاخت ليمار ... واحب استوضح شئ منك :

القطع اللى بتشوفيها فى الفوطة ،،،، اذا هى زى الدم المتجمد او قطع الكبدة الصغيرة دى غالبا بتكون لو عندك زيادة فى النزف اثناء الدورة . وعشان كدة الدكتورة نصحتك انك تهتمى باكلك وخاصة الغذاء اللى غنى بالحديد ( اللحم الاحمر والعسل الاسود والتمر والزبيب والخضار الملون والسبانخ ،،، ) و حتى قد تحتاجى الى اقراص الحديد وخاصة اثناء الدورة .

اما بالنسبة للغسول ،،، اذا انتى انسة ،،، فالغسول بيكون تشطيف من الخارج فقط وبيكون باى غسول نسائى بحيث لا يغير ال pH فى المهبل حتى لا تكونى عرضة للالتهابات والاصابات الفطرية ،،، وده حتلاقيه فى الصيدلية بماركات مختلفة ،،،
وزى ما ذكرت لك الشيماء ،،، ان الحاة النفسية السيئة بتكون شئ طبيعي اثناء الدورة وكمان ممكن تبدا قبل الدورة بسبب التغيرات الهرمونية اللى بتحصل فى الفترة دى ،،، وتقدرى تتغلبى عليها باى شئ حلو او شوكولاتة ( والغامقة احسن من الشوكولاتة بالحليب ) لانها بتساعد على افراز هرمون السعادة اللى بيحسن النفسية جدا .

بالاضافة لشرب سوائل دافئة تساعد على نزول الدورة وسهولة خروج الدم زى القرفة والزنجبيل ( بس خلى بالك لو ضغطك بيرتفع لان المشروبات دى بترفع الضغط)
كمان تقدري تاخدى بعض الادوية اللى بتخفف اعراض صعوبة الطمث . زى بعض مضادات الالتهاب مثل ( بروفين ٤٠٠ مجم ) او فولتارين ٥٠ مجم ) وتكونى اكلة اى حاجة قبل ما تاخديها ،،، حتخفف معاك كتير الاعراض وخاصة المغص والام الظهر .

ارجو اكون افدتك اختنا ليمار ،،، وجزيل الشكر لشيماء على ردها الشافى الوافى ،، وانها نبهتنى لاستفساراتك

بارك الله فيكي غاليتي مسلمه
انا كمان استفدت من ردك
بس انا لسى بستنى رد الاخت اذا كانت متزوجه أو لا؟





مسلمه لاتحرمينا من ظلتك في الركن ياالغلا

^_^

ربنا يخليكم يارب وماتحرمشي منكم ابدا
انا انسه وعمري 20 سنة
استفدت كتير من كلامكم
وحنزل على الصيدلية فيها وحده ست واطلبها منها
شكرا ليكم

بس انا نفسي اعرف ليه الدورة بتيجي عند قطع متكتله وبتنرفزني جامد
بس كل صحباتي مافيش ولا وحده منهم بتقولي فيه قطع والدورة كلها دم سائل
وشكرا ليكم وعلى افاتدكم الجميلة

غاليتي اهلين بيكي في اي وقت
اما بخصوص الدوره متخافيش منها
المهم انها بتجي منتظمه في موعدها دي اهم حاجه
ام الدم المتكثل اعملي بنصيحتنا وان شاء الله تتحسني
وعقبال ماتدخلي الركن تخبيرنا عن حملك يارب
الله يرزقك الزوج الصالح

كلام مظبوط جزاكى الله عنه كل خير

كتبت بواسطة lemar1982

ربنا يخليكم يارب وماتحرمشي منكم ابدا
انا انسه وعمري 20 سنة
استفدت كتير من كلامكم
وحنزل على الصيدلية فيها وحده ست واطلبها منها
شكرا ليكم

بس انا نفسي اعرف ليه الدورة بتيجي عند قطع متكتله وبتنرفزني جامد
بس كل صحباتي مافيش ولا وحده منهم بتقولي فيه قطع والدورة كلها دم سائل
وشكرا ليكم وعلى افاتدكم الجميلة

بصى حبيبتى ..دى بتكون اختلاف طبيعى ..فى بنات بتجيها الدورة بالم ونزف زيادة عن بنات تانية ...وليها برضه عامل وراثى ..لو سالت مامتك او خالتك ممكن تلاقيها عندها نفس الاعراض ...كمان القطع المتكتلة زى ما قلت لك بتكون بسبب كثرة النزف اللى بينزل مع الدورة وبالتالى المادة الطبيعية اللى بتكون بدم الدورة مابتكونش كافية لاسالة الدم اللى خارج منك ..كمان الاعراض بتكون مع حالات الانيميا ..كل ماكان عندك نقص بمكونات الدم كل ما حيزيد النزف اثناء الدورة ..عشان كده مهم جدا تاخدى حديد اقراص + حمض فوليك اقراص ..ويستحسن تاخديهم يوميا ولمدة 3 شهور متتالية عشان تحسن صورة الدم عندك ..كمان اهتمى بغذائك كويس وخاصة الاشياء اللى بتزيد من عنصر الحديد بالدم ( اللى سبق وذكرتها لك ) .

بالنسبة للالم ..انا عارفة انه الم سخيف وقد يعوق البنت عن انها تمارس حياتها بصورة طبيعية وقد تغيب عن الدراسة او العمل وخاصة فى اول يومين من الدورة ..لكن الحاجة الكويسة فى الموضوع ..ان الدورة اللى بها الم هى دورة بها تبويض واللتى بدون الم غالبا بدون تبويض ..كمان الخبر التانى الكويس ان الالم والتعب الشديد ده بيقل كتييير بعد الزواج ويقل اكتر بعد انجاب اول بيبي.
.والحل زى ما قلت لك تاخدى مسكن ومضاد التهاب ايام الدورة ...وتشربى سوائل دافئة او ساخنة ..اتدفى كويس وخاصة منطقة البطن ...كمان الكمادات الدافئة او قربة الماء الساخن على اسفل البطن والظهر لها تاثير ساحر