::: اخبرينا كيف تؤثر التغييرات الهرمونية على نفسيتك و عقلك و تصرفاتك ::يستحق النقاش::

**سوسو1983** · 30-12-2012, 08:40 PM

السلام عليكم ورحمة الله و بركاته

حقيقة كلنا بنعرف تاثير الهرمونات على عقل المراة

من غير لف ودوران

خلونا نتشارك و نقول شو بيصير فينا وقت التغيرات هي

على سبيل نتعرف على جنان بعض و الانقلابات العقلية

ومنه بحس اني مش لحالي

لاني صراحة ..............

الهرمونات تاثيرها علي شيء غير طبيعي

سواء بسبب الدورة او الحمل او الولادة او موانع الحمل

مابعرف ليش مع اني بعرف ستات مش لهدرجة الامر مؤثر

بس بالنسبة الي يؤثر لدرجة اخر سنوات مع الولادة والحمل و الموانع و القصص هي

صرت حاسة حالي غير مستقرة نفسيا بالمرررررة و متقلبة كثيرا و احيانا بحس بدي انجن

المهم شاركونا ... وبس اشوف حد شاركني بشارككم

عشان قلت افرض ماحد عبرني اكون فضحت حالي عالملأ والكل تفرج عالفضيحة و طلع

هههههههههه

انتظر خلونا نضحك ونغير جو وبنفس الوقت نتعرف

**ام مرمر و ليلو** · 30-12-2012, 09:51 PM

وعليكم السلام ورحمة الله وبركاته
بجد ضحكت وانا اقرأ ردك

اضيفي عليهم عصبية حبوب منع الحمل والغربة وقلة الاختلاط مع الناس (مش مثل لما تكوني ببلدك )
تطلع خلطة توووووووووووحفة

انا كل شهر بقرب موعد الدو.... اشتاق لأهلي هههههههههه
واتمنى اني احضن امي وانام بحضنها
الله يحفظها لي ويجمعني باهلي

اما عصبيتي الزائدة على بناتي اصبحت لاتطاق
بصراحة احس حالي كل شهر عم تزيد

موضوعك يستحق النقاش

**سوسو1983** · 30-12-2012, 11:03 PM

ام مرمر هههههه الله يخليكي يارب
و يرجعك لاهلك سالمة يارب
انا قصصي عجيبة صراحة تنكتب روايات ههههههههههه
انا كنت بالغربة اقل عصبية من لما صرت في بلدي ههههههه مع اني مبسوطة مع ااهلي ومرتاحة وماحد مدخل فية
ولكن مابعرف ليش
بس بشكل عام ضربان المخ متواجد من زمان

الله يهدينا

شفتي كيف انت اعترفتي بقصصك وانا لسة

**MUM** · 30-12-2012, 11:17 PM

سوسو!!!
شايفتك قررتي ام مرمر وسكتي؟؟؟خخخخخخخخخ
ما رح اعترف بشي لتحكي

موضوع رااائع مهم ويستحق النقاش وفضفضة راااااائعة

**سوسو1983** · 30-12-2012, 11:38 PM

خخخخخخخخخ mum طيب بدي احكي يلاااااااااا خلي الناس تعيش
ياستي ايش اقلك
هالامر صار يبان اكتر او حسيت فيه اكتر بعد الزواج او بعد الحمل لانه تعددت الاسباب و الجنون واحد هههه
قبل كان بس دورة
بس بعدين الامر تغير
يعني لما حملت ابني وريت جوزي السبعة وزمتها مسكين صرت عصبية كتير كتير
لدرجة نكون قاعدين اقلو ليش ساكت هيك ليش بتتطلع هيك ايش بدك ايش قصدك ايش عايز
9 شهور المشكلة مااهدا فيهم مخي بنضرب غير شكل
خرفت
ولما ولدت .............. انجنيت واثرت امور كثيرة من غربة ووحدة الخ الخ

واصبت باكتئاب ولادة عجب العجاب الهرمونات ضربت مخي

ومن هديك الايام تاثرت وصرت عصبية اكتر

بعدين اخدت مانع هرموني خربلي مخي
تركته وحملت رجع مخي خرب

ولدت ومخي خرب هههههههههههههه

الرضاعة تضربلي اعصابي كمان

كل شيء هرموني يجننني بطريقة غريبة وملاحظة

بعدين اخدت حبوب منع الحمل تفجرت اعصابيي

وطبعا قبل الدورة باسبوع احس حالي شبه حالة نفسية

اليوم مثلا بسبب قرب الاخت في الله انها تيجي

فجاة احس بضغط نفسي غريب و عصبية و بكاء

وبعد لحظات انقلب للسعادة المطلقة والفكاهة والضحك
هههههههههههه

بعد شوي عملت خناقة بدون سبب
بعدين رقت و راضيت جوزي وعملت برضو فكاهة وهبل ومرح

وهكذا

اولادي مساكين ضحايا اليوم اعصب بعدين اراضيهم بعدين اعصب خلال وانا اراضي فيهم

ااااااااخ وهكذا

صرت كتير حساسة من الهرمونات بشكل مثير للتعجب

عاد صار العصبية في طبعي ومش عارفة اتخلص بشكل انا زعلانة من حالي كتير كتير

نفسي ارتاح لا حبوب ولا حمل ولا دورة خخخخخخخخ اكون وقتها وصلت سن انقطاع الدورة

برضو حضرب

مافي حل غير اصير عمري فوق ال50

بس مابضمن برضو

الله يفرجها بس الي مجربة شيء يخفف حدة التاثيرات الهرمونية تقلنا لانو الامر صاير صعب علية كتييييييييير حتى كنت اتعمد ازور اهلي وقت البيريود عشان ارتاح من عمل البيت والطبخ

بس اكون لااطاق واتخانق مع ماما واخواتي و الجميع

لدرجة ماما صارت تقلي حبيبتي الله يرضى عليكي ماتيجي بهيك وقت تعالي وانت طبيعية ههههههههههه

حتى هديك المرة بقل لاختي بدي اجي وقتها عشان ارتاح تنكدت وحكتلي الله يخليكي ماتيجي بدنا ننبسط مش نزعل بدناش تقعدي تعصبي طول الوقت ههههههههههههههههههه

شفتي

يلا خلص كشفت المستور

مبسوطة يختي Mum

:P

** الشيماء ** · 31-12-2012, 02:38 AM

منوره الركن سوسو

وموضوع مهم كثير

وراح يكشف المستور والمستخبي

بس بكره ارجع لأنه هلأ فيني نوووم

**ندى2004** · 31-12-2012, 03:53 AM

موضوع رائع ويا اختي انت لست الوحيدة اللي نفسيتها بتتاثر بالهرمونات
الظاهر انو اغلبية النساء بتعاني من هدا المشكل
شو الحل ما بعرف
بتمنى من البنات اللي عنها الحل تفيدنا
موضوع الدورة والحمل بيعصبني انا كمان و حس نفسي بدي ابكي لحالي واحس انو ما في حدا بيفهمني
حتى انا لما اروح لاهلي مع انهم بعاد عني و بشتاق لهم ....بتيجي مرات هالحالة و بعصب واتمنى ارجع لبيتي في اقرب وقت
ولما ارجع اكتئب مرة ثانية ههههه يعني شو الحل
مؤخرا كانت عندي ظروف زادت من عصبيتي وخصوصا مرضي بعد الولادة ومع مسؤولية البيت و الاولاد والمرض عانيت كثير و لله الحمد على كل حال
الان احس بتحسن بس العصبية لساتها حاضرة
والمسكينة بنتي صارت تشتكي مني و تطلب مني ان لا ارفع صوتي عليها
بعد لحضات اندم وارجع اراضيها و ابوسها
وكمان زوجي كل يوم يقول لي لا تعصبي حالك على اتفه الامور
وقول في نفسي خلااااااص راح اتحكم في حالي وما اعصب ولكن بدون فايدة
ما اقدر امسك نفسي !!!!

**ام مرمر و ليلو** · 31-12-2012, 11:10 AM

كتبت بواسطة سوسو1983

ام مرمر هههههه الله يخليكي يارب
و يرجعك لاهلك سالمة يارب
انا قصصي عجيبة صراحة تنكتب روايات ههههههههههه
انا كنت بالغربة اقل عصبية من لما صرت في بلدي ههههههه مع اني مبسوطة مع ااهلي ومرتاحة وماحد مدخل فية
ولكن مابعرف ليش
بس بشكل عام ضربان المخ متواجد من زمان

الله يهدينا

شفتي كيف انت اعترفتي بقصصك وانا لسة

هههههههههه
لاني ماصدقت حدا يفتح موضوع للفضفضة
خخخخخخ
الفيوزات طقت وانفجرت
الله يحفظ لنا عوائلنا
ويهدي انفسنا

** الشيماء ** · 31-12-2012, 11:19 AM

عـــــــــــــدنا

سوسو انت جيتي علي الجرح كل شهر
قبل الست هانم تشرف بي كم يوم وانا صير شريره
واثنائها كمان ومسكين سي السيد والله بيحكي خلاص
مو كل شهر كده يعني كل النسوان تجيها دوره خفي علي شوي
بس والله صير حساسه فوق من الازم يعني شيء تافه يعصبني
ويبكيني هيك من غير شيء احيانا بس لو نسه ومقال صباح الخير
وهااااااااااتك ياتعصيب وعياض واصير اقول ريتني ماتزوجت
كان كنت عندي مامتي هلأ مدلعتني ولخ لخ لخ
هههه
يعني احيانا طلع تعصبي علي ناموسه بتزن خخخ
والله حالات الله يعين
وايش نعمل هيك طبيعة جسمنا كلها هرمونات عكس الرجل
احنا بيحكمنا هرمونات اكثر
وعلي فكره المفروض يعذرونا لانها اثناء الدوره
بس 25 في الميه من خلايا المخ تشتغل يعني
نصير قليلات عقل كثير وهذا شيء ربي خالقه فينا
يعني المفروض الي حولينا يقدرو وربي يعين

لي عودة عشان اقولك ايش عملت عشان اخفف علي نفسي .

**ام مرمر و ليلو** · 31-12-2012, 11:42 AM

قبل فترة شفت برنامج خطوة وتكلموا عن التغيرات الهرمونية مع الاستاذ طارق الحبيب
وهذا ملخص ماقاله

والعلاج

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: ::: اخبرينا كيف تؤثر التغييرات الهرمونية على نفسيتك و عقلك و تصرفاتك ::يستحق النقاش::

أدوات الموضوع

العرض