ماشاء الله ردود قيمه
نستنه تجارب الأخوات التانيات

كتبت بواسطة . تيوليب***

ماشاء الله موضوع روعة مام
بارك الله فيك حبيبتي وفي كل من سوف تفيدنا بتجربتها
الله ييسر وأقدر أشارك بتجربتي
الله يفرح كل النساء بالحمل السليم المعافى والذرية الصالحة

يلا يلا تعي بسرعة ولا تنسي
عم بسناكي

كتبت بواسطة أم ماهر و ليندا

هلأ انا أثناء الحمل بصراحة ما انتبهت انو شعري بيتساقط عادي كان ولا انتبهت على كلف بالوجه

بس بشكل عام جسمي كلو صار غامق وكأنه مخنق
يعني انا بيشاء كتير بس بالحمل ولبعد الولادة كنت غامقة مو حنطية لالالالالا صار لوني كانو على ازرق ورمادي هههههههه
جبت علبة الالوان ويالله خخخخخ


هلأ انا كان حملي توام ووزني مازاد من السمنة بس من كبر بطني زدت 18 كيلو وجسمي ضليت نحيفة عادي آكل المفيد وبسسس وعلى طول جوعانة هههههههه

كان كبر بطني مخيف لدرجة صرت ما اقدر اطلع من البيت بالشهر التامن والتاسع لأنو مالاقي تياب بكل الاسواق
فكانت التشققات قوية كتير مع اني ادهن على طول بزيت الزيتون
حتى كل شهر روح على الدكتورة فتقلي بسم الله شبو بطنك هههههههههههه ليش كبران ؟؟؟
كنت إذا قعدت بالتاسع بطني يوصل لقبل الركب بـ 10 سانتيمتر تقريبا



المهم هاد الكبر كلو عضلات وجلد ترهل بعد الولادة
بس نفع معي اني طوال الوقت وقف او اقعد او اشتغل وأجلي واطبخ وانا على طول ساحبي بطني لجوا
أكيد كلكن بتعرفوها وقت منكون بزيارة ومناخد نفس مشان يصغر بطننا ههههههههههه

هاي شدتلي عضلات البطن بدون رياضة

وشوي شوي رجعت بيضا الحمد لله
والتشققات تقريبا راحت كلها
بس الخط البني بالمنتصف بالبطن لسا موجود خفيييييف


والحمد لله إجو بنوتاتي وزنهن منيح
بس تعو إحكيلكن شغلة انا بالحمل كانت ماسة قاعدة تقريبا بمنتصف بطني ونور قاعدة على الجنب الايسر من بطني
فكان بطني يكبر على جنب ههههههه
وحتى الآن بطني مترهل من اليسار أكتر من اليمين
هههههههه
حتى بطني حمصي هههههههه

تسلمي يا حلوة هههههههههههه عجبوني حكياتك بيجننوا
امممممممممم عجبتني طرقة سحب بطنك جوه وهلا عم اكتبل وبعملها ورح اعملها دائما ان شاءالله
وراها وراها لبطني هههههههههههه
بس سؤال شلون عرفتي انو ماسة هي اللي كانت بالنص مو نور؟؟؟خخخخخخخخخخخ

كتبت بواسطة MUM

تسلمي يا حلوة هههههههههههه عجبوني حكياتك بيجننوا
امممممممممم عجبتني طرقة سحب بطنك جوه وهلا عم اكتبل وبعملها ورح اعملها دائما ان شاءالله
وراها وراها لبطني هههههههههههه
بس سؤال شلون عرفتي انو ماسة هي اللي كانت بالنص مو نور؟؟؟خخخخخخخخخخخ

وقت صور إيكو كانت ماسة أكبر بالحجم من نور
فرق 200 غرام

وضل هالشي حتى الآن وهلأ زاد الفرق
وقت ولدو ماسة 3 كيلو ونور 2700 غرام

هلأ يمكن الفرق 2 كيلو
ماسة اطول واعرض وصحتها افضل وكلسها

شكرا لردك الحلو

كتبت بواسطة أم ماهر و ليندا

وقت صور إيكو كانت ماسة أكبر بالحجم من نور
فرق 200 غرام

وضل هالشي حتى الآن وهلأ زاد الفرق
وقت ولدو ماسة 3 كيلو ونور 2700 غرام

هلأ يمكن الفرق 2 كيلو
ماسة اطول واعرض وصحتها افضل وكلسها

شكرا لردك الحلو

حلو حبيبتي ربي يخليهم لكي
يعني ما بيصعب عليكي التفريق بينهم
حلوة حياة الوائم خاصة لما يكبروا ويصيروا يعملولك مقالب ههههههههه

انا الحمد لله بفترات حملي ما بيتساقط شعري ولا بيطلعلي كلف
بالعكس شعري بيصير حلو ولامع وكثيف ما شالله
ممكن يصير عندي حول السرة وحلمات الثدي غامقة بس والتشققات
استعملت كريم زبدة الكاكاو بحملي الاول بس طلعت التشققات وبعدين الدكتور خبرني انو لو العضلات مو مرنة والجلد غير قابل للتمدد رح يتشقق بس تحملي اما لو كنتي متعودة على الرياضة فترة طويلة فالتشقق بيجي قليل جدا او ما بيتشقق
المهم بحملي انا ما بهمل حالي على الآخير اول ما بصحى بغير بيجامتي لفستان عادي او بنطلون وقميص المهم ما حس حالي مملة
بعد الولادة ببنتي الاولى سجلت رياضة وبالفعل الرياضة نفعتني كتير بشد البطن والمساعدة على اختفاء الشقوق
بس للاسف حملت بعد تسع شهور مباشرة بس وزني ما زاد كتير لاني ما خسرته كامل

بعد ولادتي بفترة رجعت للرياضة وبالذات الايروبيك ساعدني دوب الشحووم والسيلوليت اختفى والتشققات اختفت نسبة كبيرة منها
شرب المي كمان افادني بالمحافظة على نضارة بشرتي
رحت الطبيب مباشرة بعد الولادة وعملت تحليل كامل للدم وبين عندي فقر دم فاستمريت على حب الحديد يلي وصفه

وهلق برضه بعد ولادتي بابني حطيت مشد لبطني خلال فترة الاربعين وبعد ست اسابيع من الولادة سجلت بنادي الرياضة وعم اشرب مي كتير وعلى فكرة حتى انا بشفط بطني متل ما حكت ام ماهر وبالفعل بيجيب نتيجة كبيرة
وبالنسبة لمنطقة السرة والاماكن يلي اغمق لونها اشتريت مقشر للبشرة وبستعمله خلال الحمام وعم يجيب نتيجة
بس كبعا لازم الصبر لانه الهرمونات بدها تاخد وقت لترجع


نصيحة الفازلين مفيد جدا لتشققات البطن بعد الولادة بيساعد على التخفيف منها


طولت عليكم بس حبيت انقللكم تجربتي
دمتم بود

ماشاء الله مام موضوع رائع ومفيد ان شاء الله يفيد كل الحوامل والامهات

بالنسبة لحملى كنت حريصة على الاكل الصحى اكثر شىء وكانت نصيحة الطبيبة لى ان اكل على فترات يعنى خمس وجبات صغيرة فى اليوم
حتى لااشعر بالامتلاء
وكنت فى بداية حملى لااستطيع شرب اللبن او اكل الزبادى فكنت استعيض عن ذلك بتناول البيض وخصوصا المسلوق وايضا اتناول الجبن
وتناول الماء بكثرة من الاشياء المفيدة فى الحمل فهو يفيدالشعرو البشرة والجلد كله بصفة عامة
نصيحة هامه فعلا وهى محاولة المشى فى الشهور الاخيرة من الحمل فالمشى شىء رائع يحسن من الحالة النفسية ويعمل على تنشيد الدورة الدموية فيصل الدم بشكل سليم للجنين وايضا يسهل من عملية الولادة جدا
ولا ننسى تمارين البطن بعد الولادة فهى تمنع من الترهل وايضا شفط البطن تمرين سهل ولا يحتاج لمجهود
يارب يتم لكل الحوامل حملهن ان شاء الله ويرزقهن الله بابناء اصحاء وصالحين بارين ان شاء الله

شكرا على الموضوع المفيد
احكي لكم عن تجربتي في اول حملي
الوزن الحمد لله انا حدث معايا العكس نزلت كثير في الحمل بسبب الوحام ما كنت اكل يعني اذا تحبي وزنك ما يزيد كثير ديري بالك على نوعية اﻻكل و الكمية كمان الحركة مفيدة انا كنت احب امشي كثير.
الشعر من بداية حملي و هو يتساقط. كمل مع الرضاعة :-( لﻻمانة لم اكن اهتم بيه و بتغذيته بعد الوﻻدة صرت استخدم زيت الحمد لله حسيته رجع احسن من اﻻول
التشققات امي نصحتني ﻻ احك اذا حسيت بحكة ﻻنها تترك اثر بﻻضافة اني كنت استخدم مرطب لمنطقة البطن و اﻻرداف و الحمد لله ما فيه خطوط و ﻻ شيئ
اها نسيت اارضاعة الطبيعية مفيدة جدا لرجوع الرحم لحجمه الطبيعي و للوزن فادتني كثير باﻻضافة انك تستمتعي بطفلك
الله ﻻ يحرم اي مسلمة من هذا اﻻحساس

نسيت كمان اﻻهتمام باﻻسنان في فترة الحمل ﻻنه اللثة تكون ضعيفة فﻻزم التنظيف الجيد و زيارة طبيب اﻻسنان

موضوع فعلا رائع و يستحق التقدير، بس أنا آسفة... لم أعد حاملا، أجهضت السبوع لي فات، و عملت عملية كورتاج مع تخدير، ما أعرف شو بتسموها إنتوا. الله يعوض علي و علي المنتظرات بالخير.
و مع ذالك قد أساهم ببعض النصائح من تجربتي السابقة.

و شكرا كثير.