حبيباتى النهاردة حبيت احكى لكم عن تجربتى مع وفاة الجنين فى رحم الام

قبل حملى بحنين كنت حامل وكان الحمل مستمر بشكل طبيعى حتى نهاية الشهر الثالث ...
وفى بداية الشهر الرابع كان زواج اختى ربى يسعدها ...
كانت هناك مشاعر حادة كثيرة مريت بيها ما بين السعادة الكبيرة بزواجها ... وحزنى العميق لسفرها بعد زواجها مباشرة ...
كل هذة المشاعر الحادة كانت ناقوس الخطر اللى دق على بابى
ابتديت احس بالتعب والدوار المستمر ... واقول عادى اكيد من الحمل
احس بالمغص اللى بيطول ... اقول مش مشكلة اكيد الجنين بيتكون

اتنهى الزفاف ورجعت لبيتى وفى الطريق تعبت جدا ... كنت احس بتقلصات شديدة اسفل البطن ومعاها وجع فى الظهر يشبة وجع البيريود ... الوجع كان بيبقى شديد بس بييجى ويروح
لغاية ما وصلت لبيتى واول ما خرجت من السيارة حسيت كأنى اعزكم الله تبولت على نفسى ...
وبعدها لما ارتحت على ظهرى فترة طويلة الوجع كلة راااااح
طبعا قلة الخبرة خلتنى اعتقد انى لما ارتحت كل حاجة رجعت لطبيعتها
وطبعا اكبر غلطة ارتكبتها وقتها انى مروحتش مباشرة للدكتورة

بعدها بشهر رحت للدكتورة فى ميعاد المتابعة العادية ....
وكانت الصاعقة ....
الجنين متوفى ... ولما سألتنى اذا كانت فية مياة نزلت جاوبتها بالايجاب بس كان الكلام دة من حوالى شهر وكانت كمية مش كتيرة
فى الوقت دة حسيت انى الدنيا كلها بتدور بيا ومكنتش مصدقة ولا متخيلة انى ابنى اللى اتنظرتة ميت بداخلى
وخفت جدا انى انزلة ... املا منى انة يكون لسا عايش .... لكن وقتها الدكتورة اكدت لى انة ميت من اول ما المياة نزلت
طبعا فى الحال اعطتنى تحاميل للطلق ودخلتنى غرفة العمليات ونزل الجنين بعد عذاااب والحمد لله


طبعا اللى اتعلمتة من التجربة دى
- انى لازم مهملش اى حاجة تحصل لى وقت الحمل ولازم استشير الدكتورة على طول

- انى اخلى بالى من الانفعالات الحادة ... زى الفرح الزائد او الحزن الزائد ....
لأن وقتها بعد ما عملت العملية الدكتورة قالتلى ان كان فية تجلطات دم سوداء على المشيمة .... ودة نتيجة الضغط العصبى

- خلى بالك لما تلاقى حرارة جسمك بترتفع فجأة ... وانتى مفيش عندك برد او اى اعراض لأى مرض ...
لأن انا فى الاخر حرارة جسمى ابتدت ترتفع من غير سبب .... الطبيبة قالت لى بعدها انها كانت بدايات التسمم

- خدى بالك جدا جدا اذا لا قدر الله نزلت منك مياة ... حتى لو كانت كمية قليلة ...
لأنى لما قلت للدكتورة دى الكمية اللى نزلت قليلة ... قالتلى لأن اصلا الجنين لسا صغير والمياة حوالية لسا قليلة

- الدكتورة كمان بعدها قالتلى ان فى الحمل الجديد ان شاء الله (حملى بحنين ) ... لازم آخد اسبرين
علشان يعمل على سيولة الدم فالغذاء يوصل كويس للطفل عن طريق المشيمة ومتحصلش مشاكل بأمر الله


طبعا انا جبيت اذكر تجربتى لعل وعسى الاخوات يستفيدوا منها

ربى ما يكتبها على حد ابدا ابدا

وكل حامل تقوم بالسلامة ويرزق كل مشتهية للحمل ان شاء الله

الحمدلله ان ربنا عوضك بحنونة حبيبتي
وان شاءالله قر عينك بحملك باالبيبي اللي جايي

وبارك الله فيكي على نقل تجربتكي ومعلوماتكي لكل حامل
وفعلا يجب ان الحامل ان لا تتهاون باس عرض ولو كان بسيط
حفاظا على صحتها وصحة الجنين
فيعني انتي لو تاخرتي شوي كمان كان صار معك تسمم
الحمدلله ربنا ستر ورحتي للمراجعة

رائع يا بنت ابي نقلك تجربتك ومشاركتنا هي للفائدة

ربي يقر عينك بنونة ويحفظها لك ويعوضك خيرا مما فقدت

الله يخليلك حنين ويبارك بجنينك
ويرزقك ولادة سهلةمنسية
بارك الله فيك على طرح تجربتك
واسئل الله ان جعله شفيع لك يوم القيامة

الله يعوضك خير واكيد الك مين يشفعلك ويدخلك الجنة
وربي يجعل حنين والبيبي الجيد قرة عين الك
شكرا لطرح تجربتك فيها فائدة ان شاء الله

كتبت بواسطة MUM

الحمدلله ان ربنا عوضك بحنونة حبيبتي
وان شاءالله قر عينك بحملك باالبيبي اللي جايي

وبارك الله فيكي على نقل تجربتكي ومعلوماتكي لكل حامل
وفعلا يجب ان الحامل ان لا تتهاون باس عرض ولو كان بسيط
حفاظا على صحتها وصحة الجنين
فيعني انتي لو تاخرتي شوي كمان كان صار معك تسمم
الحمدلله ربنا ستر ورحتي للمراجعة

حبيبتى ام ميرا تسلمى على دعواتك
فعلا الحامل يجب الا تتهاون فى اى حاجة
انا بعد الاجهاض دة لما حملت فى حنين بقيت لو حسيت بأى وجع اجرى جررررررررررررى على الدكتورة
والحمد لله انى رحت فى الوقت المناسب قبل ما تحصل مضاعفات

كتبت بواسطة ام سهيل

رائع يا بنت ابي نقلك تجربتك ومشاركتنا هي للفائدة

ربي يقر عينك بنونة ويحفظها لك ويعوضك خيرا مما فقدت

غاليتى ام سهيل
تسلمى حبيبتى انتى الاروع
حبيبتى ولك بالمثل ان شاء الله
سعدت بمرورك

كتبت بواسطة ام مرمر و ليلو

الله يخليلك حنين ويبارك بجنينك
ويرزقك ولادة سهلةمنسية
بارك الله فيك على طرح تجربتك
واسئل الله ان جعله شفيع لك يوم القيامة

ام مرمر
ربنا يخليكى حبيبتى ويخليلك مرمر وليلو
تسلمى على دعائك يا غالية

كتبت بواسطة MARWAH

الله يعوضك خير واكيد الك مين يشفعلك ويدخلك الجنة
وربي يجعل حنين والبيبي الجيد قرة عين الك
شكرا لطرح تجربتك فيها فائدة ان شاء الله

حبيبتى ام آية
جزاك الله الجنة يا غالية
يارب اللهم آمين يتقبل دعائك
تسلمى من كل شر حبيبتى