السلام عليكم ورحمة الله وبركاتة

اخواتى حبيباتى

كل سنة وانتو بالف خير ورمضان مبارك عالجميع

انا بجد بكتبلكم وانا فى قمة الخوف والقلق

هقولكم حكايتى من الاول مع انها طويلة

انا متجوزة من 3سنين وفاول الجواز نزل دم غريب عليا روحت لدكتورة طلبت سونار عملتو قالتلى انى محتاجة عملية علشان اقدر احمل وروحت لدكتور تانى فاجانى وقالى ان نتيجة السونار ان فى ورم عالمبيض لازم نعرف مصدرة وطلب منى اشعة ب450 ج وعملتها والحمد لله طلع انو كيس ودكتور السونار شخصو غلط

المهم رجعت للدكتور التانى وقالى اختار يااما اخد علاج 6شهور علشان الكيس يخف وهو برشام منع حمل او اخد منشطات لمدة 4شهور وفعلا بدات وخدت المنشطات والحمد لله حملت فى تانى شهر علاج وربنا رزقنى بولد زى القمر ربنا يحمية بولادة قيصرى لانى كنت هشيل الكيس جراحة لانو كبير وللاسف ان الكي كان مفرقع قبل الولادة بيومين

ابنى دلوقتى عندو سنة و7شهور وانا موقفة برشام منع الحمل بقالى 10شهور ومفيش حمل وفطمت ابنى ومحصلش حمل
المهم عملت سونار فى شهر 10 فى كيس صغير على كل مبيض وكان البويضة 17
والدكتورة قالتلى طالما الكيس اقل من 5 مفيش مانع
روحت بعدها لدكتورتين علشان محصلش حمل
واحدة ادتنى فيتامينات وقالتلى اشرب حلبة واكل بليلة
والتانية فاجاتنى وقالتلى انا خايفة يكون فى انسداد انابيب
نتيجة فرقعة الكيس
سالت الدكتورة الاولى اللى ولدت معاها قالتلى لا دة احتمال وارد لكل من ولدت قيصرى وقليل الحدوث وخليكى طبيعية
الدكتورة التانية قالتلى على علاج لمدة 3شهور
ويعتبر خدتو شهرين لكن فى اول شهر كان علاج غلط لان ناقص منو علاج هرمون الحليب
وانا دلوقتى محتارة
اكرر العلاج
ولا ادى نفسى فرصة احمل طبيعى
ولا اروح لدكتور تالت

محتارة جدااااااااااااااااااااا

عارفة انى طولت عليكم بس غصب عنى والله

اهلا كنزي انتي خلي امورك ع ربك و ادعيه كثييير اتوكلي عليه
و كثري استغفار وربي ما يخيب ظنك
و بعدك با قي ولدك صغير لا تستسلمين للهم عندك ولد غيرك يتمني ريحته بس
الله يرزقك قلبي

تسلمى حبيبتى على دعواتك

طبعا انا الحمد لله والشكر لله وراضية بقضاء ربنا لكن باخد بالاسباب

اختي لا تستعجلي ابنك لساته صغير خلي الامور على الله لا تكثري ادوية والروحات للدكاترة ادعي واستغفري
يارب يرزقك الحمل السليم المعافى عاجلا

وانا رأيي من رأي البنات
خلي كل شي طبيعي مافي احسن من الطبيعي
انت المهم هلأ انتبهي لنفسك
هلأ رمضان اغتنمي الفرصة وصلي وادعي واستغفري
الله يرزقك ويرزقني ويرزق كل محرومة يااارب

جزاكم الله خيرا حبيباتى

يارب يرزقك الحمل السليم المعافى عاجلا

ربنا يكرمك حبيبتى

كنزى حبيبتى
الله يعطيكى الخير ويرزقك من غير لا تحتسبى
قريت فى كلامك لو كنت فهمت صح انك قلتى ان دوا هرمون الحليب كان ناقص
واعرف حالاات كتيره جدا بعد الولاده الاولى بسبب هرمون الحليب العالى بعد الفطام وانه مش بيرجع لاصله بياخر الحمل
من راى تشوفى الاول الهرمونات وبعدها تبحثى فى الانابيب وحتى لو لا قدر الله كان فى انسداد فده بيتسلك بالاشعه اللى بالصبغه او بالمنظار على حد علمى

وطبعا بالاول والاخر اغتنمى فرصه رمضان وادعى كتييييييييييييييييييييييييييير وربنا يخليلك بودى ويحميه يارب