بعد السلام عليكم ..
.وحشتووووووووووووني بجد بقالي كتير مدخلتش المنتدي بس كنت بقول مش هدخل غير ومعايا أخبار حللوه ...

من سنتين بالظبط وفي نفس التاريخ تقريبا كتبت موضوع حزين أوي عن أصعب ظروف مريت بيها في حياتي ربنا يارب ما يكتبها علي حد أبدا ...هونها عليا ثقتي في ربنا إنه أكيد هيعوضني وهيرضيني زي ما صبرني علي الإبتلاء ..ومقدرش أنسي وقفتكم جنبي ودعواتكم اللي خففت عني كتير ...وقبل ما أفتكر نفسي وأقول اللي جيت أحكيه إنهارده عاوزاكم تدعوا لكل منتظره ولكل بنات ملف الحقن اللي أبدا مكنتش بنساهم من دعائي ومتأكده إنهم كانوا برضه بيدعولي ....
وليا بقي عاوزه منكم دعوه ربنا يبارك لي في ولادي لأن أنا الحمد لله ربنا رزقني من واسع فضله وأكرمني برحمته وبعتلي مالك وتالين وعمرهم 15 يوم ....مش قادره أقول غير الحمد لله قدر قدرته ورحمته إنه عوضني بيهم وتقريبا في نفس التاريخ بفارق أيام عن ولادتي الأولي ..أنا هاجي تاني علشان أكتب بالتفصيل كل حاجه بس حبيت أفرحكم معايا ...عاوزه أشكر كل اللي إتواصلوا معايا وكل اللي دعولي ربنا يجازيكم كل خير يارب
لكن ليا شكر خاص لإنسانه ليها مكانه خاصه في قلبي فعلا وهي أكتر واحده لقيت لساني بيدعيلها وأنا علي سرير العمليات وتقريبا غايبه عن الوعي وهي يقيني بالله يقيني أو رورو زوجه ماهر سابقا ..مش هقول لها غير جزاك الله كل الخير يارب ومن قلبي بسأل ربنا يخلف عليكي والله هتبقي فرحتي زي فرحتي لنفسي ...
كمان هقول شكرا لعصفورايه لو لسه فاكرينها وأحب أقولكم هي كمان ماشاء الله ربنا رزقها بريماس عندها دلوقتي سنه وشهر ..
بجد مش نسياكم ومش ناسيه ذكرياتنا وأيامنا في الملف عييطنا وفرحتنا.. صبرنا وإنتظارنا.. لحظات الإحباط والأمل اللي مرينا بيها سوا وإحنا قلبنا علي بعض ..حقيقي غيرتوا فيا حاجات وكنتم خير صحبه هونت عليا6 سنين إنتظار ...جزاكم الله كل الخير عاجله وأجله وجعلنا الله ممن يتحابون في الله ....حبيت أشكركم وأبشركم وأقول لكل واحده منتظره أنا زيك بالظبط كنت حساه يوم بعييييييييييييد لكن إن شاء الله الفرج قريب والفرحه هتنسيكي كل الصعب اللي مر عليكي ..ربنا يفرح قلبكم يارب ويبشركم بالخير ..أستودعكم الله ...

الف الف مبروك يا اختي فرحتلك من كل قلبي
الحمدلله الي عوضك عن توامك وفرح قلبك
ويارب يكرم بقية البنات يارب

بسم الله ما سا الله ربي يخليهم ليكي
وانتي واحشاني كتير كتير كتير

وقوليلي شو تفاصيل حملك وسو تفاصيل ولادتك يا عمري


بجد كنت متوقعه خبر حلو هو حملك بس الحمدلله أنو ربي من عليكي واطعمك من فصله ربي يجعلهم من مواليد السعاده ومن حفظه كتاب الله أن شاء الله يإرب

كتبت بواسطة randoda2002

الف الف مبروك يا اختي فرحتلك من كل قلبي
الحمدلله الي عوضك عن توامك وفرح قلبك
ويارب يكرم بقية البنات يارب

الله يبارك فيكي يارب ويفرح قلبك دايما وعقبال فرحتنا بباقي البنات يارب..

كتبت بواسطة maya2009

بسم الله ما سا الله ربي يخليهم ليكي
وانتي واحشاني كتير كتير كتير

وقوليلي شو تفاصيل حملك وسو تفاصيل ولادتك يا عمري


بجد كنت متوقعه خبر حلو هو حملك بس الحمدلله أنو ربي من عليكي واطعمك من فصله ربي يجعلهم من مواليد السعاده ومن حفظه كتاب الله أن شاء الله يإرب

ربنا يخليكي يا مايا إنتي كمان وحشتيني كتير والبنات وحشوني يارب تكونوا كلكم كويسين وأسمع عنكم كل خير يارب ...التفاصيل إن شاء الله هدخل الملف وأحكيلكم بالتفصيل بس مبدأيا أنا توكلت علي الله وكررت المحاوله والحمد لله ربنا وفقني وكان الحمل مستقر بشكل أفضل من المره اللي فاتت وكملت لنص الشهر التاسع ونزلت يوم متابعه عند الدكتور إتفاجئت إنه قاللي أستني بالمستشفي تحت الملاحظه لحد الولاده وبعد يومين صحوني قبل الفجر بساعه حضروني وعلي ألفجر كنت في العمليات وكانت ولاده قيصري دخلوا بعدها البيبهات الحضانه وأول ما إتحسنت روحت ع البيت ..ولو حابه تسأليني عن أي حاجه أنا موجوده لحد ما أحكي معاكم

ماشاء الله تبارك الله ولاحول ولا قوة الا بالله
الله بيار لك فيهم يارب ويجميهم من كل شر ويجعلهم قرة عين لكي ولو الدهم اللهم امييييين
الف مليييييون مبرووووك ياعمري
الله يعوض علينا جميعا ويطعمنا ولا يحرمنا ياارحيم يا الله

ما شاء الله
الف مبروك اختي الله يحفظلك اولادك
ويرزق المحرومين يارب

الف مبروك يا جميل وربنا يحفظهم من كل شر ان شاء الله , وتبقى ادخلى احكيلنا بالتفاصيل كلنا مستنينك يا جميل

ف الف الف مليون مبروك يا حبيبتى الحمد للة ان ربنا كرمك و من عليكى ربنا يخليهمللك ويحميهم من اى سوء بجد فرحتللك معانى موش عارفاكى بس واللة فرحتللك عقبال كل المحرومين يارب ربنا يرزقهم من كرمو ورحمتو واسامى اولادك مشاء اللة جميلا مستنيين نعرف تفاصيل الحمل والولادة

ماشاء الله لا قوة الا بالله
مباااااااااااااااااااارك لك غاليتي ربي يبارك لك باولادك ويفرحك بهم ويجعلهم من الصالحين
اسعدتينا بهذا الخبر الاكثر من رائع
وربي يرزق كل مشتاقة يارب