السلام عليكم
اخواتي انا عندي تكيس مبايض ودايما عندي الدورة الشهرية مش منتظمة واصلا ما بتيجي الا بالادوية واللي بتعرف عن التكيس رح تكون عارفة انه الادوية التي تستخدم لعلاج السكر تستخدم ايضا في علاج التكيس وانا حاليا عم باخد من هاد الدواء( دواء علاج السكر).. شهر 1 اجتني دورة لمدة 15 يوم بس نقاط صغيرة.. والشهر الماضي اجتني الدورة لغاية اليوم !!!!!!!!! يعني تقريبا 22 يوم اولها كانت بس نقاط اما من اليوم العاشر لغاية اليوم دم اكتر رحت عند دكتورتين والتنيتن قالولي انو خليها تنزل وتوقف لحالها بما انو الكمية مش كتيرة بس هي مو قليلة كمان,, سالت الدكتورة اضل استنى لمتى يعني تنزل كمان شهر مثلا؟؟؟ قالتلي عادي استني من هلا ليطلعلك موعد عند اخصائية نساء وتوليد لانو عنا هون لازم تروحي طبيب عام بعدين بحولوكي على الاخصائية وطبعا مش رح يطلعلي موعد قبل شهر هاد باحسن الظروف يعني...

قالتلي الدكتورة التانية رح اعطيكي دواء اسمو cyklokapron لا تاخديه هلا لالالالا خديه ازا طولت الدورة اكتر من اسبوعين من اليوم او اما زادت كمية الدم.. انا قرات النشرة للدواء هو بيساعد على تخثر او تجلط الدم واعراضه الجانبية كتيرة ومش عارفة شو اعمل والله استنى فعلا كمان اسبوع واخده ولا ما اخده بالمرة؟؟؟
كتير خايفة انو تطول المدة اكتر من هيك عشان ما بدي يصير عندي فقر دم لا قدر الله وخايفة اخد الدواء مع انه الدكتورة بس سالتني ازا في جلطات سابقة او لا اللهم عافينا واياكم,, مين بتعرف عن هاد الدواء شي او استخدمتو من قبل؟؟؟
صرت اخاف اخد اي ادوية لانه كل مرة باخد دواء على اساس انه يساعدني تنتظم دورتي واحمل,, الي خمس سنين بستنى يارب فرجك
بعد اليوم الخامس عشر رجعت اصلي على اساس انها تعتبر استحاضة بغض النظر عن كمية الدم هيك صح او غلط يا ريت تحكولي؟؟؟
هل في مواد طبيعية ممكن تساعد الدم على انو يوقف؟؟؟ شو بتنصحوني اعمل ؟؟؟؟؟

اسفة طولت عليكم بس قلقانة وخايفة ومش عارفة شو اعمل وبالغربة لحالي لا اخت ولا صديقة وما بدي احكي لماما عشان ما تخاف.. اتحملوني ما الي غيركم بعد رب العالمين
الله يجزيكم كل خير يارب

هلا اختي
الف سلامة عليك
الدواء هذا كنت اخد مثله اسمه دافلون لما كانت الدورة تطول بسبب اللوب
اشوفه عادي ولو خطر ما كانت كتبته لك
لان استمرار الدم 22 يوم كتير جدا وخطر على صحتك
كمان اقصى مدة للحيض في الشرع 15 يوم بعدها تعتبر استحاضة وتصلى
الله يعافيك ويرزقك باللي تفيدك
ويرزقك الذرية الصالحة عاجلا ويفرح قلبك
ضروري تروحي لطبيبة نساء في اسرع وقت

لاتخافي اختي
طالما الطبيبة وصفته لك خذيه
وانتي صبرتي صبرتي
انتظري موعد الاخصائية وان شاء الله تعرف شو الخلل
وتعملك الفحوصات وتعطيك الدواء المناسب
الله يطمن قلبك ويفرحك

ياحبيبة قلبي اسال الله العظيم رب العرش العظيم ان يشفيك! ويرزقك الذرية الصالحة عاجلا! إنه ولي ذلك والقادر عليه! ماعندي معلومات كثيرة حبيبتي بس اريدك تطمئني لان الله ماراح يجيبلك إلا الخير! ماعندك شيئ خطير...الناس كن عندهم انسداد وتشوهات خلقية بالمبايض...والحمد لله جابو صبيان وبنات عقبالك يا اختي..... وخليكي متوكلة على الله واسمعي سورة البقرة واستغفري دائما (((فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا ) ) ا
لله كريم! الله كريم! الله كريم!

الله يفتحها عليك أختي كان عندها كيس وبعد 5 سنين الله رزقهم ب بنوته قمر صارت 8 شهور وبنت عمي كان زوجها يأخذ كتيار أدوية وهي كمان كان عندها مشاكل وبعد 5 سنين الله أرزاقهم ولد وهلا صار 3 سنوات ولما صار 9 شهور حمت وجابت ولد الله ييسر لك كل خير ويعطيك من فضلك يا رب

عزيزتي ام سيف جزاكي الله خير بس عفوا بدي اسالك هاد الدواء اخدتيه عشان يوقف الدورة ولا بس عشان يقلل كمية الدم؟؟ الله يسعدك حبيبتي

اختي ام مرمر امين على دعائك ولكي بالمثل ان شاء الله,, انا عارفة مشكلتي التكيس ولخبطة الهرمونات بس اللي قالقني هاي المرة كمية الدم المفقود و مضطرة استنى موعد الاخصائية,, الحمدلله على كل حال

حبيبتي حسن الظن الله يسعدك يارب ويقومك بالسلامة اللهم امين,,والله كلامك صحيح ربنا ما بيبعت الا الخير..الحمدلله دائما وابدا

حبيبتي بنت المحبة تسلمي وجزاكي كل خير يارب


حبيباتي شو هي الاطعمة اللي ممكن تقوي الدم؟؟؟؟؟؟