السلام عليكم اخواتي محتاجة دعائكم يا أخواتي انا حامل بالاسبوع العاشر وكل شي لحد الأمس كان طبيعي
بس اليوم لما قمت الصبح صلي الفجر اتفاجات بوجود دم بملابسي وعلى المنديل متل دم اول الدورة مباشرة من الخوف صليت الفجر واتصل زوجي بالإسعاف وخبرهم وقالو انو لازم روح لما رحت بدا عندي الم بضهري وبطني وجنبي المهم استقبلتني الممرضة واخدت تحليل دم وبول وبعدها اجت الدكتورة والحمد لله كانت عربية كتير ارتحت لما شفتا المهم قالتلي رح أعملك سونار وشوف مع انهم ما بيعملو سونار بالعادة بس عملتلي استثناء المهم البيبي كان بخير ورجتني القلب عم ينبض بس قالتلي هاد اسمو حمل مهدد يعني ممكن يصير اجهاض وقالت انو هون ما بيعطو مثبتات لانو ما في منها نتيجة برايهم
وانا هلق متسطحة على ضهري وعني الام ما عم توقف ومو عارفة شو اعمل غير الدعاء وقراءة آيات قران أسفة طولت عليكم
انصحوني شو اعمل ؟؟

حبيبتي صار معي نفس الشي بس الحمدلله مع المثبتات وقف الدم كيف ماله داعي

انا نزفت ٣ مرات ومرتين كان الدم فضيع جدا شلال بمعنى الكلمه وكمان نزل من موية الجنين قالوا ارتاحي واعطوني ابر وحبوب وتحاميل مثبته للحمل والحمدلله وقف واستمر الحمل

انتي عليك بالنشاء مع الحليب اشربيه مرتين او ٣ مرات على حسب قدرتك ملعقه كبيرة نشا في كاس حليب

الله يثبته لك ياقلبي من غير ماتحتاجي مثبتات

شوفي اختي لا تخافي صار معي متلك بالزيط بحملي الأول ببنتي
كان النبض موجود بس النزف كتير و ضليت انزف من فترة لفترة حتى دخلت الرابع
السبب كان مش معروف بس أنا كنت أخد مثبت نوعين واحد حبوب و التاني ابر و ضليت لأول الرابع أنام على ضهري و سبحان الله لما كنت أقوم و أشتغل اي شي بسيط كنت ألاحظ بقعة دم على ملابسي الداخلية
و الحمدلله ربنا تمم علي و ولدت سلمى و هيها عمرها سنتين و نص
انتي بس ارتاحي و نامي على ضهرك قد ما تقدري و كلي كويس

لاتخافي غاليتي انا حصلي نفس الشي
بحملي الاول اتصلت بالطبيبة وخبرتني مافي داعي اخذ مثبتات طالما الدم اشبه باول يوم الدورة
وبالفعل مااخذت وتوقف لحاله بعد يومين والحمد لله بنتي الان عمرها 4 سنوات
والثانية رحت للطبيبة وقالتلي مافي داعي للمثبت
بس اعطتني لمدة اسبوعين وانا اخذته لمدة اسبوع لانه يومين وتوقف الدم
اسئل الله ان يثبت حملك
ويفرح قلبك بطفل سليم معافى

انشالله الف سلامةعليكي ويا ربتشوفيه عايديكي
بس عندنا بالامارات وبسوريا الاطباء بيعطو مثبتات انابرايي من باب انو بيعملو كل الي عليهم بس اذا الو نصيب بيها وبلاها انشالله بيثبت حملك قولي يارب وانشالله بتعدي يا رحيم تثبت حملها وتتممو وتشوفو عايديها

شكرا الكم اخواتي امانة ادعولي كتير خايفة ونفسيتي تعبانة ومتل ما قلت انا ببريطانيا وهون ما بيعطو مثبتات ابدا بيقولو ما بتنفع اذا في شي طبيعي اعملو للتثبيت متل وصفة الحليب والنشا اذا مضمونة

اختي مروه والله ماعندي فكرة علي المثبتات
بس حبيت ادعيلك ان ربي يثبت حملك ويقر عينك بجنينك
واعتقد اهم وصفة هيا الدعااااء
فأجتهدي فيه

اسئل الله ان يثبت حملك
ويفرح قلبك بطفل سليم معافى

الله يتبت حملك و يجعل ما في رحمك من نصيبك
سبحان الله نفس الي حصلي و رحت للإسعاف و عملولي سونار و شفت النبض و اطمنت على الجنين
و كتبولي في التقرير انه حمل مهدد بالإجهاض و قلتلم يعطوني متبتات لانه سبقلي الإجهاض
فقالت لا لانهم ما بيعطو متبتات و كنت ارتاح على قد مقدر و ما اعمل شي في البيت لحد ما دخلت شهري الرابع
و الحمدلله ربي رزقنا بيارا الله يحفظها و يحميها و يتبت حملك و حمل كل حامل و يرزق كل مشتهية يارب

اسال الله العظيم رب العرش العظيم ان يثبت حملك حبيتي الزمي الراحة و اكثري من الاستغفار و ان شاء الله ما تلاقي الا الخير