السلام عليكم حبيباتي
كيفكم ان شاء الله بخير وربنا يديم الخير على الجميع يارب
عزيزاتي
انا الحمد لله ولدت ب 26\1\2012
يعني الى تلات ايام والدة بس
قصتى مع الولادة حابة احكيها الكم
اول شي كان المفروض اولد ب19\1
لانه كان اخر معاد لولادتي
لكنى تاخرت عن موعد ولادتى اسبوع
المهم بيوم 25\1
شي من النوم صحانى فجأة كان يوم الاربعاء
روحت اعزكم الله على التواليت
فوجدت قليل من الماء مع افرازات مخاطية دموية
فأسرعت بالاتصال على امى لكنها لم تجب لانه الوقت كان بكير كتير كتير
اتصلت على زوجي بالشغل لكنه ايضا لم يجب لانه كان مشغول كتير
اخر شي .. يأست انزلت لحماتي ... ام زوجي
كانت نايمة .... صحيتها .. وحكيت الها الى صار معى فحكت الى بسرعة جهزى حالك حتى نروح على المشفى
اطلعت على شقتى فاتصلت على امى كمان مرة على الموبايل فردت علية وحكيت الها الى صار معى ونفس شي حكتلى جهزي حالك لنروح على المشفى
فأخدت شنتة البيبي وجهزت حالى وطلبت سيارة من مكتب السيارات وطبعا ما كان فيه اى اعراض للطلق معي
وطبعا جوزي اتصل علية فحكيت اله انا رايحة اولد
فما وصلت المشفى الا كان جوزي واصل وجاي من الشغل
فتت على الفحص ...
حكالى الدكتور معك وقت 24 ساعة لسة مشانك بكرية
روحي على البيت واتمشي وتعالي كمان ساعتين نشوف كيف الرحم
روحت على البيت وبدى طبعا الطلق يشتد معي فكان كل نص ساعة تيجي الطلقة بس خفيفة
مع الظهر صار الطلق بالضبط كل 6 دقائق فقط يجيني وكان شديد طبعا
مع العصر روحت على المشفى فحصتنى الدكتورة حكتلى الرحم فاتح بس 2 سنم
يا امى كل هالطلق وبس 2 سانتي
المهم ما رضيت اضل بالمشفى لانى كنت سامعة النسوان الى بيطلقوا
فروحت وكان الطلق كل ماله ما بيشتد ويزيد فصار كل 4 دقايق تيجي الطلقة
المهم على ال9 بالليل روحت على المشفى فحكولي فاتحة بس 3 سانتي
ياااااااااه طول يومي وانا بطلق وبس 3 سانتي
المهم فى المشفى حكولي بدلى ملابسك وجهزي حالك حتى نعطيكي محلول يساعد على الطلق
وطبعا ركبولي محلول فصار الطلق كل 2 يجي بس الحمد لله ربنا كان مصبرني
صحيح كنت كل ما تيجي الطلقة اخبط الجدار الى جمبي بايدي بس ما كنت اصرخ
المهم صارت الساعة وحدة بالليل اجت الدكتورة فحصتنى بردو 3 سانتي
يا امى دخيلك يارب ارحمنى بس 3 بس 3
اعطوني ابرة ليفتح الرحم ويحمى الطلق كمان مرة
المهم كل هذا وانا ما بعرف شو الى بيصير من حولية
مع الوجع صرت اهلوس
بيحكولى انى كنت ازقف باديا هههههه وانا ما بعرف شو الى كنت اعمله لحتى الان مش مستوعبة
المهم مه اذان الفجر اجت الدكتور فحصتنى كمان مرة وعملت الى توسيعات بس شووو ما بدى احكيلكم وجعه هههههه
المهم امرت الدكتورة الممرضات انى انزل على كشك الولادة
فنزلت على كشك الولادة
وبردو اعطوني ابرة تحماية الطلق واجت الدكتورة نزلت مية البيبي
وبدا ساعتها الصوات هههههه او الهلوسة بالمعنى الاصح
فطلبت يجيبولى امى وحماتى فجابوهم فمسكة بايد حماتي وامى تقرأ على بطنى وظهري قران وانا ميتة من الوجع
وطبعا الحر والعرق كله اشتغل مع بعضه
راحت الدكتورة تصلى الفجر وحكتلى بعدها بتيجي
حسيت الوقت الى راحت فيه سنة ههههه من كتر الوجع
فلما أجت فحصتنى لقت راس البيبي شوي وينزل
فبسرعة نقلتنى على غرفة الولادة
وما فيه نص ساعة كان ولي العهد الي نشف ريق مامته جاي
والحمد لله رزقنى الله بولد وسميته بلال
فادعولي ربنا يحفظه الي
رد مع الاستدلال
الروابط المفضلة