السلام عليكم ورحمة الله وبركاته

حبيباتي

انا عندي 3 اطفال واول مرة استخدم مانع للحمل

بالاول كنت متشجعة كتير لانه ناوية اخد راااااااااااااااحة كم سنة

زوجي حاليا مسافر وراح يجي تقريبا شهر ويرجع .. ولقيت انه مافي داعي للولب اذا هو غايب من غير شر

قررت انا واياه استخدم حبوب منع الحمل لهاد الشهر بس

للعلم بنتي عمرها شهرين وانا بدي ارضعها ان شاء الله طبيعي

واشتريت حبوب ميكرولوت .. واليوم اخدت اول حبة وكنت ميتة خوف (( حسيت حالي حنتحر ههههههه))

اليوم خامس يوم للدورة

انا قرأت شو اعراض الحبوب وزادتني خوف حسيت حالي مشتتهة اخدها او لأ ...!!!!!!

بس توكلت على الله واخدت حبة

بدي منكم يا اخاوتي اي وحدة مجرباها تقولي شو بتعمل لاني عنجد خايفة منها

هلأ انا مابعرف هدول الحبوب
بس بما انو زوجك قليل ليجي
استخدمي تحاميل منع حمل

بتحطي تحميلة وحدة قبل الجماع بنص ساعة أسهل واسرع
وقالتلي الدكتورة انو بقدر حط تحميلتين مشان ما يكون عندي خوف ابدا من الحمل
وما بتضر بالرضاعة ابدا

تحاميل ؟؟؟ اول مرة اسمع انه في تحاميل

طيب شو اعمل هلا انا اخدت حبة

هههههههههه انتي بدل ما تطمنيني جيتي حيرتيني بزيادة الله يسامحك ههههههههههههههههه

الله يطمن قلبك
طالما قررتي تاخذيها لشهر واحد لتخافي
انا استخدم حبوب منع الحمل من سنة ونص تقريباً نوع الماني غير مخصص للرضاعة
لاتخافي مافيها شي اهم شي تنظمي وقت اخذها يعني شغلي المنبه كل يوم بنفس الساعة يرن
حتى ماتنس اخذها
واسئل الله ان يوصل زوجك ويريح بالك

اختى انا اخدها وهذا النوع هو افضل نوع للرضاعه لان الهرمون بتاعه بسيط مش كتير
اهم حاجه فيها انك تاخديها فى ميعادها بالضبط فى مده لا تزيد عن 3 ساعات وان نسيتى واحده تاخديها اول ما تفتكرى وتاخدى التانيه فى ميعادها عادى
ربنا يعطيكى الخير

انا استخدمتها وخربطتلي الدورة ما ادري ليش؟؟؟؟
بس ميكروفال كانوا كويسين
مع انهم فيهم نفس النسبة من الهرمون بس فرق شركات غلاتي

هلا اختي انا ايضا اشوف طالما شهر واحد ما تاخدي حبوب
لان تاثيرها معروف بلخبطة الهرمونات
الوسائل الموضعية مناسبة لك اكثر
الواقي والعزل
الحلقة المطاطية
التحاميل التي ذكرتها الاخت ام ماهر
وعادي لو اخدتي قرص ووقفتيها مافي مشكل
اختاري الوسيلة المناسبة ولو ما ناسبك منها شئ استعملي الحبوب
الله يوفقك

الحبيبات ماقصروا

كنت لسة حاقول لك على الحلقة المطاطية اذا موجودة في بلدك
لانه هي مش مثل الحبوب لادخل لها بالهرمونات
انا استخدمتها شهر مانع موضعي لا ضرر منه

وجربت ميكرولوت مرتين بعد ولادتين وما تعبت منها
استخدمتها سنة وما ضرتني وحسب جسمك ياغالية .

حبيباتي
الله يطمن بالكم وقلبكم

طيب هيي للي استخدموها ما عملتلهم نزيف ؟؟؟

وشو هي الحلقة المطاطية .. وبتتاخد وقت الجماع او كيف

يا ريت تجاوبوني كمان ساعتين معاد الحبة التانية وخااااااااااايفة اخدها

الحلقة المطاطية قرأت هلأ عنها ما بعرف اذا متوفرة عنا بالبلد او لأ
بس ما راح ينفع استخدمها لانه اليوم سادس يوم للدورة