اخباركم يابنات ,,
الحمدالله على كل حال كنت حابه افرحكم والله بس للأسف الدوره نزلت يوم الاربعاء المغرب تقريبا ,, يعني قبل موعدها بيومين ,, الحمدالله على كل حال ,, كان ودي الصراحه اعمل المنظار هذا الشهر بس امي من خوفها علي ما تبيني اعمله تقولي انتظر على الاقل شهرين ارتاح ,, ولأن اختي حلمانه عني اني حامل ,, والله امي معوره قلبي احسها حاطه امل كبير استغفر الله اللهم لا اعتراض ,, البارح كانت عندنا عزيمه كبيره وانهد حيلي ما خلصت شغل الا على الساعه 12 ونص نص الليل وكفايه تعب الدوره يهد الحيل ,, وفوق هذا كله تخيلوا زوجة اخي كانت بتساعدنا الله يجزاها كل خير ,, وكنا بنشطف الارض وكان في على جنب ارض محفوره عشان الكهرب ,, انا كنت بسكب الماي وهي بتشطف ولما وصلنا لهالمكان قالت عطيني النعال (( وانتوا بكرامه )) "انا عندي ولدين ماني بايعه عمري" ,, كلامها جرحني بصراحه مو أول مره تعمل هالحركات ما ادري اذا عن قصد او لا بس من جد تنرفزني ,, و من اسبوع تقريبا عزمتنا عندها في الشقه وكان اخي موجود وكلامها عن العيال وانو "ان شاء الله اجيب بنتين توأم بما انو امي كانت مسقطه بتوأم وانا حلمت بفانيلتين وان شاء الله اجيب توأم" ومن هالكلام والله اني تندمت اني صعدت عندها ,, دائما كلامها ينرفز ,, يعني جنبك وحده ماعندها عيال ليش ما تحس ,, وهي كانت في نفس موقفي في يوم من االايام لما تأخرت بحملها بأربع سنين بعد ما جابت بكرها ,, ومن قبل اول ما ولدت زوجة اخي الثانيه ودرت انها ولدت قالت "عقبال زينب وعقبالي" وهي تضحك مع انو لسى ولدها صغير دائما هالحركات عليها ,, مره وحده من اهلي قالت عقبال ما نجي ناكل مخلطة زينب قالت "وانا واياها ان شاء الله" ,, يعني كيف تحط نفسها في مكاني مع انها ما ذاقت الحرمان اللي انا شفته .. والله حركات تنرفز ,, عشان هالشي ما احب اختلط معها مع انها طيبه بس كلامها ما تحسب له حساب ,, وهي لو تسمع كلمه ما تعجبها او تجرحها تسوي من الحبه قبه على قولتهم ,, والله تعبت من هالعيشه ودي اروح مكان بعييييييييييييييد ارتاح فيه لوحدي ,, بدون اي تعكرات مزاجيه ,,
آسفه اذا ضايقتكم معي بس والله اشياء تحز في الخاطر ,, اخليكم الحين بس حبيت اطمن عليكم وكنت متضايقه من البارح وودي افضفض عندكم لأنكم الوحيدين اللي بتحسوا فيني واستلقيت الوقت بما انو زوجي نايم ودخلت ارتاح عندكم ,, سلام ,,
الروابط المفضلة