بسم الله ارحمن الرحيم
السلام عليكم ورحمة الله وبركاته
مش هطول عليكم
أنا حكتلكم مشكلتى قبل كده
المهم انا الشهر ده بعم متابعة تبويض
وعملت تحليلات هرمونات كلها كويسة واللى كانت عالية بقت مظبوطة بالعلاج الحمد لله
المهم رحت للدكتورة تانى يوم البيريود
عطتنى كلوميد لمدة 5 ايام
و فيتامين ه مضاد للاكسدة
واخدتهم وقالتلى اروح لها اليوم 13
اللى هو اليوم الاربعاء
ورحت عملت سونار لقت حجم البويضة 14 بس و المفروض اقل حاجه 18
وقالت علميا ان صعب يحصل اخصاب وهى حجمها صغير كدة
وكده يبقى تبويض ضعيف
ولقت بويضة واحدة رغم انى اخدت كلوميد والمفروض انه منشط
مع ملاحظه ان حالتى النفسية الشهر ده كانت وحشة جدااااااااااااا
ونفسيتى كانت ومازلت تعبانه
حد ممكن يقولى اعمل ايه
وكده هيبقى الحمل بالنسبالى صعب؟
مع العلم انى حملت طبيعى بعد الشهر التالت من الزواج
وعملت اجهاض في بداية التالت عشان مكنش في نبض
اعمل ايه ارجوكم اللى ليها تجربة او عندها علم بحاجه تقولى
انا كده الشهر ده هكمل سنة على زواجى ونفسي في بيبي يملى علينا حياتنا و يفرحنى انا و زوجى
الروابط المفضلة