السلام عليكم و رحمة الله و بركاته
حبيباتى الكريمات .
زى ما موجود فى العنوان انا حاليا تقريبا فى نص التاسع و المفروض انى نازلة لاهلى مصى كمان يومان بالظبط ان شاء الله بس مش عارفه بقى لى تقريبا يوم و نص باحس انه فى الم فى ضهر من تحت و بجد الم الى حد ما شديد و على فترات بعيييدة بس ما فيش اى الم فى بطنى مع انى لسه كاشفه بالسونار من يومين و الدكتورة قالت لى عادى انزلى مافش مشكلة
بس بعدها بدا يظهر لى الم ضهرى فهل رايكم انى اروح اطمن تانى و لا ده عادى
مع العلم ان ده تالت حمل ليا بس ما حصليش كده قبل كده و بصراحه صعبان عليا زوجى مجهد جدا فى شغله و فى الاخر اروح و الاقى كل شىء عادى و ما فيش حاجة
انتوا ايه رايكم؟؟؟؟؟؟؟؟

حبيبتى انا رأيى انك تروحى تانى تطمنى على نفسك قبل السفر ....وربنا يقومك بالسلامه انتى والنونو ان شاء الله

ربنا يكرمك حبيبتى و ياارب يستجيب منك اصل انا بجد مرعوووووووووووبة من الولادة مع انها تالت مرة بس اعمل ايه الحمد لله على كل حاال

كتبت بواسطة alfarhaa

ربنا يكرمك حبيبتى و ياارب يستجيب منك اصل انا بجد مرعوووووووووووبة من الولادة مع انها تالت مرة بس اعمل ايه الحمد لله على كل حاال

ههههههه انا عارفه والله اناكمان دى تالت مرة ليا وربنا يكرمنا ونقوم بالسلامه وترجعى بألف سلامه ان شاء الله

احسن لك تروحي للطبيبه علشان نفسيتك ترتاح لانك راح تجلسين قلقانه
والله يسهلك ولادتك ويسر لك امورك

ربنا سكرمك يا نعومة
أنا زوجى أعطانى بنادول و الحمد لله اتحسنت عليه و ربنا ييسر اذا رجع الالم تانى هروح للدكتورة ان شاء الله لان المشكلة ان سفرى بكرة ان شاء الله دعواتكم أخواتى الحبيبات

صباح الخير
الف سلامة عليكي
حبيبتي ما تخافي ولا تقلقي هدا طبيعي في الشهر التاسع
وكمان ما تنسي انك بتجهزي للسفر يعني تجهيز شنط و شيل و حط و كمان اكيد ترتيب للشقة قبل السفر
يعني شغل 24 ساعة
في الحالة الطبيعية بدون حمل الظهر راح يوجع وع كل الشغل هذا فكيف انتي و انتي حامل
ما تقلقي بس حاولي ترتاحي و تنامي ع ظهرك و اذا لسة في شغل اشتغلي ربع ساعة و ارتاحي بعدها ع ظهرك عشان ما تضغطيش اكتر عليه و يزيد الالم زيادة في الاطمئنان ممكن تشوفي دكتورة و اكيد حتقلك ما فيش حاجة و كله طبيعي
في السفر خدي معاكي مخدة صغيرة عشات تحطيها ورا ظهرك و حاولي تتحركي في الطيارة مرة او اتنين عشان رجليكي ما تتعب و تتنفخ من كتر الجلوس (عن تجربة)الجلوس فترة بيجمع السوائل في الرجلين للحوامل لو تعبتي بعد ما توصلي بالسلامة نامي و ارفعي رجليكي ع مخدة عالية شوية بترتاحي ان شاء الله مش حيحصل اي مشاكل ولا تعب و توكلي على الله و ادعيلي
ربنا يوصلك بالسلامة و تولدي اسهل ولاده يا رب
ام محمد

اعانك الله

اللهيعينك حبيبتي والله انا اقول لا تتسرعي قبل السفر روحي اعملي سونار وفحوصات وتاكدة ان الرحم تمام والبيبي وتوكلي على الله وسافري باسرع وكت ممكن الله يحميج غاليتي