|
للبحث في شبكة لكِ النسائية:
|
زهرة لا تنسى
النجم الفضي
كتبت بواسطة سارة83
الله يسعد مساك بالطيب و الرياحين يا سارة
و الله كأني سمعت وصفة حماتك بشي مكان قبل بس والله وصفة صعبة وقعة الحامل مو هينة الله يستر علينا
ع العموم بكرة راح أمسح البيت و أشوف لو تزحلقت يبقى ولد و خلي كلام السونار يولي
ع العموم ربنا يبعتلك اللي نفسك فيه و جميع الحوامل يا رب و ديري بالك من الوقعات
نورتي يا عسل
النجم البرونزي
هههه لا يافتونة والله كانت صدفة المرتين ... ديري بالك على حالك
اوعي توقعي هههه ..
النجم الفضي
الشرف إلي يا قلبي
أنا اللي تشرفت بمعرفتك
اه شايفة بالله لهيك حرام عليهم عشموني بالولد و كبروا أملي و كنت أحكي 95% ولد و 5% بنت
بالنهاية طلعت بنوتة و اللي من الله حياه الله
زهرة لا تنسى
هههههههه يقطع شرك يا فتونة بدك توقعي عشان تشوفي ولدولا بنت
شوفي يا ستي العجايز شو بحكو
ازا الحامل وقعت على ركبها بكون بدها تجيب ولد وهاي مجربة على فكرة هههههه
واللي بتوقع على خلفيتها بتجيب بنوتة
هلأ شوفي شو صار فيي
كنت حامل ببنتي فروحة يمكن 5 شهور بشطف بالمطبخ ومطبخي سيراميك بلاطه بزحلق غير شكل
بتعرفي كيف اجيت ههههههههه كل اجر ببلد يعني كاني بلعب باليه هههههههههه
الله لا يوريكي حسيت صار عندي تمزق وفعلا ضليت فترة منيحة اشعر بوجع غير شكل
موضوع بقر ما هو مهم لكل حامل بقدر ما أضحكتني الردود يا رب يعطي كل وحدة الي في بالها
م فاتن انتي زيي لما كنت حامل ببنتي السونار يقول احتمال بنت و أنا اقول لا أحلامي و كل الشكوك تقول انها بنت ههه وبالآخر طلعت أحلى مريم الحمد الله
واحلامي كانت نصها يدل على بنت و نصها على ولد لكن شكل الأحلام لي كانت تدل على ولد سببها تفكيري الزائد بجنس المولود
لكن أقولك باختصار
في ابني كنت دائماً احلم أني على الدورة مش تسقيط
في بنتي كنت احلم نزل علي دم وخائفة من التسقيط
في ابني كنت احلم أني ارضع بنت من جهة الشمال و انها راظفضة ترضع
و في بنتي حلمت أني ارضع بنت من الجهتين و ترضع ما شاء الله و مرات كنت احلم أني ولدت ولد
قبل جملي ببنتي حلمت مرتين زوجي تزوج علي. سبحان الله فسرتها في كتاب الأحلام انها حمل
الان حلمت ان زوجي تزوج علي قبل فترة و استغربت الحلم لأني مش ناوية احمل و لا حتى بدي احمل لكن سبحان الله طلعت حامل
اللهم بارك لي في ابنائي واجعلهم من الصالحين
النجم الفضي
موضوع رائع جدا وانا بحب قصص الاحلام وكنت اتابعها وانا حامل على شا اشوف حتصدق تفاسير احلامي مع اللي راح الله يعطيني اياه
المهم راح احكيلكم شو حلمت بحملي هاد
احلمت انو صحين من نومي لقيت في جرو صغير ببيتي وكنت خايفه يعض اولادي وكان شرس فحملتو وحطيته على باب البيت ورحت بدي اسكر الباب الا انا لاحظت انو لابس بلوزه ابني بقول ليش هاد لابس بلوزه براء ابني استغربت لكن سكرت الباب
وحلمت كمان انو في فار بغرفه اولادي وباب اجا يطلعووما لقيه وقال جابلي عصفوره بدل الفار وانا ما ارضيت فيها وحطيتها على البلكونه
اما اخر حلمه احلمت اني جبت بنت وكانت بيضا وززي القمر وعجبني فيها بياضها
المهم الان هاي احلامي ولما اولدت جبت ولد وكنت انا مفسره الاحلام انو اللي بطني ولد والحد لله ربنا اعطاني احلى اسامه بالدنيا
العجيب بالموضوع ان اسامه طلع ابيض نفس ببياض البنت اللي حلمت فيها سبحان الله وكمان بالحلم حلمت انو رحت جبتها لحالي من المشفى وفعلا لما اولدت ابوه كان مسافر ورحت لحالي ع المشفى
بتمنى ما اكون طولت عليكو
آخر مرة عدل بواسطة رحيق الاقصى : 23-09-2011 في 04:14 PM
النجم الفضي
هههههههههههه لالا عم أمزح يا سارة ربنا لا يجيب وقعات
والله وقعة الحامل مو هينة الله يجيرنا منها
بالذات أنا من اول حملي و بسبب السفر لغزة حاسة بثقل أسفل بطني على جنبي اليسار كأن شي بده ينفجر مني لا سمح اللهو صورت كذا مرة و كنت أحكي للدكتورة عن وجعي هدا بس كل مرة يفسروه لي بشكل مختلف
بالنهاية عملت تصوير عند أخصائي و حكالي المشيمة نازلة ساعتها أيقنت إنه هو هدا سبب الثقل و الوجع بس الحمد لله ما في دم بينزل ربنا يستر من الجاي و يكملي حملي على خير و كل الحوامل يا رب
الخلاصة الشغلة مو ناقصة وقعات هههههههههههه
النجم الفضي
لا يا ستي الله يجيرنا من الوقعات أنا و كل الحوامل يا رب
أنا كام مرة أجي بدي أقلب على وجهي بس ربنا اللي بيستر
و حملي هالمرة والله مو ناقصه وقعات و أحلامي ربنا يستر منها ما بدي أستفيض فيها بلا ما يوقع المحذور لا سمح الله
لأن مفروض الحلم السيء ما تخبريه لأحد لأنه من الشيطان و يوم ما تشوفي حلم سيء مفروض تتفلي 3 مرات جهة اليسار و تتعوذي من الشيطان الرجيم و تحولي جهة نومك للجنب التاني
و الحلم الطيب ما تخبريه إلا اللي يحبك و يريدلك الخير
الحمد لله ربنا سترك من الوقعة و كمل حملك على خير عسى ما تشوفي غيرها يا رب
و هالمرة خلي كلام العجايز يولي و بلا وقعات لا سمح الله ربنا يجيرنا منها هههههههههههههه
ولد و لا بنت مش هيهرب منا بالنهاية هنعرف جنسه و لا شو رايك خخخخخ
النجم الفضي
ههههههههههههه الله يسامحك يا أم مريم فقدت الأمل في إنه يكون ولد لكن الأمل بالله ما زال موجود الحمد لله
أنا كنت حاطة كل أملي على حلم الدورة بس بيني وبينك بأتذكر إني كنت زعلانة علشان فكرت إني سقطت الحمل يعني احتمال بنوتة متل ما حكيتي
يا ستي المهم ربنا يجيبها بخير و سلامة و يفرح قلبي بشوفتها من أول ما يقع نظري عليها و تكون سليمة معافاة كاملة الخلقة يا رب يا كريم و يكمل حملها لنهايته على خير يا رب
والله إني قلقانة من حكاية نزول المشيمة عندي لعله خير يا رب بس أنا حلمت بالرضاعة و تفسيرها للحامل إنها تضمن سلامتها و سلامة المولود بإذن الله و الله أعلم
بالنسبة للأحلام سبحان الله أنا متلك بابني كانت أحلامي قاطعة إنه ولد ما كان في شك باحتمال بنت كلهاااا دالة على ولد
بس بحملي هدا شي ولد و شي يدل على بنت مش واضحة و ربنا يقدملنا ما فيه الخير
بالنسبة لحلم الرضاعة سبحان الله سمعت إنه إذا كانت الرضاعة من الجهة الشمال معناه بنت و جهة اليمين معناه ولد والله وحده أعلم لهيك رفضت البنت جهة الشمال لأنها بالحقيقة ولد و الله أعلم
أما بالنسبة لحلمك بزوجك يتزوج عليكي تصدقي إني شفته قبل كذا بس عمري ما ربطت بينه و بين الحمل لأني ما كنت أنتبه لموضوع الأحلام بس أكيد راح أنتبه لها الحين
و أنا حلمت نفس حلمك بحملي هدا و ردة فعلي إني كنت زعلانة من زواجه بس ما كان بإيدي شي أعمله و اضحكي علي بسأل زوجي بالحلم حلوة؟؟ أقصد الحرمة اللي تزوجها حكالي اه حلوة هههههههههههه والله قهر
و سبحان الله حلمك تحقق ربنا يكملك حملك على خير و تشوفي أحلى بيبي بين إيديكي يا رب يا كريم
آخر مرة عدل بواسطة م. فاتن : 23-09-2011 في 11:13 PM
أعضاء قرؤوا هذا الموضوع: 0
رد مع الاستدلال
الروابط المفضلة