كتبت بواسطة baraasaafi

حبيبتي م.فاتن لقد عرفت من خلال تفسيري للحلم التي كتبته ان عودتي بالسمكة في يدي و انا سعيدة هو الجنين الذي في بطني و الحصان هي غربتي و انا وحيدة و اصارع حملي لحالي و فعلا هذا ما رايته لان الحصان هو تفسيره السفر و تعبي معه في تعليمه هي تعبي في غربتي مع الحمل و عودتي في النهاية بالسمكة الموجودة في الماء هي دليل على جنس البيبي فالسمكة هي بنت و انا كشفت بالسونار طلعت بنت و الحمد لله

ما شاء الله جزاك الله ألف خير حبيبتي على ذكر تفسير حلمك
و ربنا يتمم حملك على خير و تجيكي أحلى بنوتة تسعد قلبك و تسر خاطرك

أنا على فكرة كذا مرة أشوف السمك بأحلامي مرة مقلي و مرة مشوي و شي صغير و شي كبير و مرات آكل منه و مرات أساعد بقليه ههههههههههه تقولي سوق سمك بأحلامي و لعله خير يا رب و السونار يقول بنت و الله أعلم يا رب لو جعلت ما في رحمي بنت فاجعلها آية في الجمال و الذكاء و الأخلاق و من البارات الصالحات اللهم آمين

نورتي يا قلبي

كتبت بواسطة ام نزار20

موضوع كتير حلو الله يعطيك العافية فتونة انا بحملي الاول كنت احلم كتير ببنت بحضني وجبت ولد وحملي هذ حلمت كمان ببنت بحضني وحلمت كمان انو انا عروس لغير زوجي و2 اخوات زوجي وحماي حلمو انو جبت بنت وبسونار قالتلي الدكتورة ولد وانا كنت حابة بنت بس الحمد لله المهم الخلقة التامة الله يتمملكم على خير جميعا ويرزق كل منتظرة يارب

حياك الله أم نزار معنا
هذا الحلم بالذات راح يشت عقلي منه ههههههههه
ناس تشوف ولد و فعلا تجيب ولد و ناس تشوف الولد و تجي بنت نفسي أفهم شو السبب و كيف نعرف هل هيجي متل الحلم و لا يخالف؟؟

بالنسبة لي حلمت مرة إني جبت ولد و سميته محمد و كان المميز فيه رموشه طواااااال ما شاء الله و كنت فرحانة جدا و كنت أقول بنفسي أكيد هدا حلم و حكيت لا مستحيل يكون حلم ههههههههههههه
و ثلاث ناسات حلموا إني بأجيب ولد
و حلمت أول حملي إني جبت بنت و عم أرضعها بس كأنه هالبنت مو بنتي بنت أخي و لعله خير

ربنا يباركلك بأولادك و يبعت الحمل الجاي أحلى بنوتة ياااا رب و كل حامل يعطيها شو نفسها

كتبت بواسطة hodaleman

الله يجزيك الخير أم الخلفاء ، أنا بحب تفسير المنامات الصادقة كمان متلك بس ما عندي مهارة فيها كتير . وحلو يكون بيننا وريث سيدنا يوسف الصديق عليه السلام

المشكلة اني حامل واحلامي يا كوابيس عن الثورة ، ومرة شفت الدورة الشهرية أتتني لأني سبق وفقدت حمل وتفكيري كان يدور عن فقد الحمل لكن الحمد لله أموري تمام حاليا ، وكلشي بفكر فيه بعقلي او قلبي او اي مخاوف بتطلع لي بمنامي فحاليا ما شفت رؤيا تفسر

كنت اسمع من ماما وبعض النساء لو شفت نفسك بالمنام مع رجل غريب يعني حتجيبي ولد ، وانا ببنتي شفت متل هيك منامات وجبت بنت ومرت اخي كمان وجابت بنت ، ما بعرف اذا المعلومة فيها شيء من الصحة ، بس أنا تعلمت من حملي ببنتي ان منامات الحامل حديث نفس ، يعني بدها صبي بتشوف عندها صبي ، السونار قال لها بنت بتشوف انها حامل ببنت بمنامها فبتحتار ، أنا مريحة راسي هالمرة ومو مستعجلة صحيح ٩ شهور مدة طويلة بس بالأخير حتعرفي ، و ما في شي أكيد غير رؤية الطفل بعد الولادة

ادعولي الله يرزقني الحمل السليم المعافى

و الله كلامك صحيح يا ريت فينا نعقل و نهدى و نصبر شوي و نرتاح من كثرة التفكير و المنامات و نقتنع بأنه الخيرة فيما اختاره الله
لكن هدا هو ابن آدم خلق عجولا ما فينا صبر و لا نعرف طريقه هههههه
الله يبعتلنا جميعا الخير اينما كان و يبعتلنا الذرية الصالحة اللي تسر قلبنا و خاطرنا و عيوننا يا رب يا كريم و جميع الحوامل و منتظرات الحمل
و ربنا يرزقك بالحمل السليم المعافى على خير يا قلبي

كتبت بواسطة الساقيه

بحملي الاول كنت دايم اشوف زوجي يتزوجك علي....وجبت بنت

بحملي هذا ...انا اتزوج عليه هههههههههه يارب ولد

وحلمت بتؤام اولاد ,,يمكن هذا حديث نفس لان كلما كثر التفكير كثرت الاحلام

عشان هيك ما عاد اهتم باحلامي

ربنا يبعتلك الولد الذكر اللي نفسك فيه يا حبيبتي و يكمل حملك على خير
و تجيبي لزوجك أحلى ولد و يكون سند و عون لكم يا الله يا كريم

رفع
نريد سماع المزيد من تجاربكن و أحلامكن

ياريت حد يقلي تفسير هالحلم اللي حلمتو اليوم شفت سلفتي الكبيره جايبه لي حذاء(صندل ولادي) لابني وطلع صغير قلتلها لا انا عندي واحد ويناسب ابني وفعلا طلت صندل جديد واديتو لابني لونو ازرق وبس ابني مالبسو ضل موجود عالطاوله طبعا انا حامل بالخامس على حد علمكم شو تفسيرو؟؟؟