السلام عليكم ورحمه الله وبركاته

اخباركم طيبين

انا متزوجه من 11 شهر ودورتي غير منظمه تنتظم شهر وااشهر تتأخر علي اسبوعين همن تجيني الا الشهر اللي راح تاخرت علي شهرين وماكان حمل والحمد لله
المهم هالشهر المفروض تجيني في 7/10/1432 وكان معي الام قبل موعدها لكن في تاريخ10/10 اكرمكم الله نزل معي خيوط بنيه اللون شفتها بالليل وعادي لبست الأولويز على اساس انها دورة اول يوم مانزل شيء بس اذا مسحت يطلع خيوط بنيه واحط المنديل على نفس الفتحه عشان اتاكد ما يطلع شيء افراز اصفر كنه حق الطهاره اليوم الثاني اصبحت في الاولويز شخطه بسيطه بني ويوم مسحت ماطلع شيء وللحين مانزل شيء
مع العلم اني ماكله كلوميد هالشهر

تهقون حمل ولا من اثر الكلوميد لاني قبل 6 شهور كليت كلوميد و في يوم من ايام هداك الشهر ركضت بسرعه ونزل معي دم وردي وحللت ولا طلع حمل ونزلت علي بعد شهر

وزوجي يقول مانيب محلل هالحين الا عقب اسبوعين السؤال المهم هنا هل اصلي ولا لا؟؟؟

صلي ياعسل ان شاءالرحمن تكون علامات حمل الله يكتبلك الي في الخيران شاءالله واعملي تحليل منزلي الله يسهلك الي في الخيران شاءالرحمن

ياجعلي ما اذوق حزنس اللهم امين الله يكتب لي الحمل وكل اللي يبونه
الله يفرجلس دنيا واخره

حبيبتي انشالله حامل يااارب
صلي واتوكلي على الله وطمنينا عنك..

ان شاء الله تكونين حامل

اللهم امين برحمه رب العالمين عساني يارب وكل من يتمناه
الله يجزاكم خير
مانيب مرتاحه الين احلل حامت تسبدي من كثر ما احلل كل شهر ويطلع لي خط
برحمه رب العالمين هالشهر يصير خطين

ان شاء الله باذن الرحمان يكون حمل ويقر عينك به
في بنتي حصل معي كده


بالنسبة للصلاه ايوة صلي عادي ويا رب تبشرينا بحملك
انتي بس ارتاحي كثير لانه افرازات في اول الحمل تدل على انك مجهدة حالك فلازم ترتاحي

ربي يتبت حملك لو حمل ويقر عينك به

ان شاء الله حامل وتبشرينا

مشكورين الله يفرج لكم يارب
ام ياسر المشكله عندي واحد يضيق صدره اذا ريحت ماادري وش فيه زوجي بس اوامر اوامر واطلع الدرج وانزل الدرج في اليوم يمكن 10 مرات ولما افهمه اقوله انه احتمال حمل لازم اريح الين اتاكد همن بعدها بكيفك يقوللي عادي ما ضر الاولين يصلحون كل شيء وهم حوامل
الحمد لله يارب جعله حمل يارب ترزقني وكل مسلمه يارب

السلام عليكم
اليوم سويت تحليل بول الفجر وطلع لي خطين لكن خط وسط مهوب قوي زي الخط الاول
ورحت لمستشفى وسوت لي سونار مالقت شيء قالت يمكن انه صغير بنحللك بول قلت ابي دم قالت اليوم ما نحلل دم لانه مستشفى في قرية مكان عملي
حللتني وقالت لي فيه حمل لكن ضعيف لازم راحه
هل طبيعي الامر ان بدايه الحمل يكون ضعيف لانه ضاق صدري تكفون طمنوني