• ام ابى مأخدتش بالى انك بتهرسى الباذنجان الا لما لولا قالت اللى كنت انا اقصدها بنقطع الباذنجنا مكعبات و بيتحمر و يتحط فوقه طبقة الزبادى والعيش المحمص
• طريقتك اقرب لسلطة البابا غنوج
• عموما هو الباذنجان فى كل حالات لا يقاوم
• بس حد جرب يقلى الباذنجان فى الفرن قبل كدا زى البطاطس يعنى؟؟؟ عشان يبقى خفيف؟

بكره ارد عليكم ان شاء الله

ايناس
كل سنة وانت طيبة يا جمييييييييييل
نسيت اقلك امبارح اول ما فقت الصبح وانا لسه على السرير افتكرت شفتى بقه

نوودى
ان مرة عملت السلطةدى بمكعبات الباذنجان يا نوودى وكانت جميلة نجرب طريقة ام حبيبة اكيد جلووة

السلام عليكم يا احلى امهات
صبا الحمد لله على سلامتكم و ان شاء الله ربنا يجمعك بزوجك على خير يارب وانا والدى طبيب كتبلى حبوب حديد وفيتامين ب 12 و فيتامينات تانيه باخدها وان شاء الله الامور تتحسن لانى عايزه اعمل ريجيم كمان بس نفسى الاقى حد يشجعنى كلكم هنا رشيقات ماشاء الله
هدى انا كمان بقيت حساسه جدا من معاملة اهلى من وقت ما جبت الولاد بالذات و الفتره الاخيره عشان شقاوتهم زادت لو ماما قالت اى كلمه بتأثر جدا ومحبش حد يضايق من شقاوتهم وبقيت اروح عند اهلى زيارات سريعه بس و فين وفين لما ابات عشان بحس انهم بيبهدلو الدنيا وانا ببقى حساسه لاى كلمه او احساس بالضيق او التعب....مش عارفه انا كدا صح ولا انا اللى مزوداها

وحشتونى يا حلوييين,النت كان فاصل اليومين الى فاتو فمش بعرف ادخل الا من الموبايل والموبايل عندى بيدخل على الفيس لكن المنتدى هنا بيبقى التحميل بطئ مووت,هقرا الى فات وراجعلكم

قبل ما انشغل تانى عاوزا اقولكم ربنا يكرمكم على الوصفات الى بتكتبوها هنا تحفه,عملت البطاطس الويدجز طلعت تحفه بس حسيت انى زودت الزيت فيها حبتين وشربت زيت كتير هقلله المره الى جايه ان شاء الله,والكريم كراميل هجربه بكره ان شاء الله وهقولك على النتايج يا ام ابى,وفعلا لما بنكتب الوجبات كلنا بنستفيد وبنفتكر حاجات كنا ناسينها حتى لو الولاد ماكلوش المهم نكتب الاكل الى كنا عاملينه لهم عشان الكل يستفيد
وانا فاكره كده هكتب الافطار: بيض مقلى بالجبنه
الغدا: قلقاس باللحمه والرز
العشا: كنت عامله بيتزا فى البيت علي اكل منها الحمدلله لكن كرمه تمردت عليها مع انها كانت طالعه حلوه اوى المرادى ومظبوطه وأكلت زبادى بالموز

بين الوجبات عصير برتقال,عنب,بسكويت بالعجوه
حاولت اكلهم بطيخ على رضى شويه لكن كرمه بتتفه مش عارفه ليه مش عاجبهاوهوا فى حد مبيحبش البطيخ!! ده انا ممكن اعيش عليه فى الصيف

مساء الفل
العيال النهاردة عملتلهم شوفان باللبن والموز ومش رضوا ياكلوه كنت ماصدقت انهم حبوه اتغدوا بس ومش فطروا ولا اتعشوا كنزى بس الصبح اكلت معلقتين فول والعشا اكلت بطاطس محمرة وبس بس اكلوا بيض وعملتلهم كشرى اصفر وشوربة عدس عبدالله بس اللى اكل منها كوكى لا

السلام عليكم

حبيت ادخل ابشركم احمد كلها ساعه باذن الله وراح ينورنا وراح ياخدنا وارجع بيتى
ادعولنا يا امهات
خايفه ان البنات تتهز شويه لانهم تعودوا على اهلى كثير
تفتكروا راح يميزوا


المهم سلامى ليكم جميعا
ممكن اتاخر شويه فى الدخول لان البيت يضرب يقبل وغبار
وفى ناس راح تيجى تزورنى
المهم دعواتكم نوثل بيتنا على خير يارب

اخباركم ايه يامامات ياحلوات
احنا الجمدلله بخير واللهم لك الحمد فيه تقدم كبير في موضوع الحمام انا اول يوم امبارح لبستهم هدومهم كلها طبعا ماشاء الله لجين مابقلقش منها قوي هي اللي بتقولي لما تكون عايزة تعمل اما أبي فانا اللي بغرض عليه كل شوية مع لجين وطبعا بيفضل يقلي لأ مفيش بس بفضل وراه لغاية مايعمل حجرب النهاردة ماعرضش عليه واشوفه يعمل ايه بس مبسووووووووطة جدااااااااا الحمدلله من التقدم ده لاني كنت خايفة قوي ......زلك الحمد ياربي كما ينبغي لجلال وجهك وعظيم سلطانك....

امهات ايه رأيكم باباهم كان عايزنا نروح نقضي يوم الخميس على البحر في الخبر لان العيال زهقو فقلت آخد معايا البوتي بتاعتهم ونقضي اليوم....تفتكرو ده ممكن يأثر عليهم في التعليم عشان هم برضه لسة ماتمكنوش مية في المية؟؟؟؟

لي عودة عشان ارد عليكم ان شاء الله.....

هدى مبروك مرواحك للبيت,وعادى انا فى وقت قعدت عند ماما شهر كان فيه ظروف كده ولما باباهم جه ياخدنا فضلو كام ساعه كده مستغربينه وبعد كده افتكروه فمتقلقيش وربنا معاكى

ام حبيبه مبرو ك التقدم فى تعليم الحمام,انا رايي تروحو تتفسحو فرصه الولاد وانتى تغيرو ومعلش حتى لو حصلت لخبطه يومين هيرجعو تانى

اوشى وحشانى جداااااا,بقالنا فتره مرغناش عامله ايه؟؟

هند الف سلامه عليكي يارب تكونى احسن دلوقتى وديه اعراض انيميا فعلا حاولى تلتلزمى بقى بالفيتامينات والحديد

صبا حمدلله على سلامتكم والرياض منوره وشكرا جدا على فكرة البطاطس طلعت حلوه واكلناها كلنا تحفه بجد بس المره الى جايه هقلل الويت لانها كانت تقيله حبتين

عليا وحشانى اخبار الكلام ايه في تحسن ؟

ام ماجد منوره واخيرا رجعتى ,عامله ايه صحيحفى دورات التجميل الى كنتى بتاخديها؟؟

ايناس اخيارك ايه؟واخبار عمر وجنى والفطام ايه؟ظربنا معاكى

سومه انا مستخدمتش مشدات ولا حاجه بعد الولاده,بس صراحه متضايقه لان عضلات بطنى شكلها وحش وسايبه وعندى كرش اهبل كانى حامل فى الشهر التالت مع ان جسمى كله رجع زى الاول لكن بطنى لا شكلها سئ