بصي ياقمر ....
بالنسبة للآسعار .... عملية السحب ب5000 ، الحقن والتحاليل بيبقى على حسب استجابة الجسم بس الرينج المتوسط تقريبا 5000 وتجميد اللأجنة ب300 في السنة ، والارجاع مش فاكرة قوي تقريبا 1500 ، وفيه بقى حاجات تانية على حسب الحالة تجميد سائل منوي 300 ، لو انتي عايزة دكتورة تخدير مش دكتور زيادة 200 جنيه تقريبا ، الاقامة اليوم ب160 جنيه ، يعني انا العملية كلفتني اجمالا 15000 ، ولو عندك أجنة مجمدة بتكلف تقريبا 4000 في المرة التانية ، وان شاء الله تنجح معاكي من أول مرة
بالنسبة للخدمة .... غرف العمليات وغرف الانتظار بعد العملية ماشاء الله سوبر لوكس ولو حتقيمي ليلة مثلا بيبقى معاكي مرافق عادي من غير فلوس ، والتمريض ماشاء الله كويس خالص وبيخدموا جدا ، والنظافة كويسة جدا ، والدكاترة برضه مرييحن نفسيا جدا وان شاء الله ترتاحي هناك
ولو انتي منتقبة أو مش عايزة أطباء رجال يتابعوا معاكي خالص وانتي بتفتحي الملف أول مرة تقوليلهم أنا عايزة طبيبة ، لانهم بيراعوا دة جدا في كل كشوفاتك ومواعيدك
ولو عايزة تعرفي حاجة تاني قوليلي وانا اقولك لو عارفة ان شاء الله
الروابط المفضلة