انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 23

تجربتي مع الرضاعه الطبيعيه لتوأم ( اهداء للقناصه الورديه ود.فيض)ঔღঔ تجربة متميزة ঔღঔ

(الحمل والولادة و الرضاعة - منتديات لكِ النسائية - الأرشيف)
...
  1. #1
    dr_emy's صورة
    dr_emy غير متواجد محررة في مجلة الامل
    تاريخ التسجيل
    Aug 2009
    الموقع
    ksa
    الردود
    1,541
    الجنس
    امرأة
    التكريم
    (أوسمة)

    المواضيع المتميزة تجربتي مع الرضاعه الطبيعيه لتوأم ( اهداء للقناصه الورديه ود.فيض)ঔღঔ تجربة متميزة ঔღঔ


    اخواتي العزيزات بعد ما قريت موضعي الاختين د.فيض النور والقناصه الورديه اتشجعت اكتب تجربتي انا كمان
    انا الحمد لله ولدت توام بنتين ما شاء الله في اخر شهر فبراير في نهاية الشهر الثامن وكان وزنهم قليل جدا
    بس الحمد لله من اول يوم بدات معاهم الرضاعه الطبيعي ولكن الدكتور نصحني اني اعطيهم صناعي علشان يكبروا بسرعه وجسمهم يكون دهون علشان ميحصلهمش هبوط في نسبة السكر لانهم كما ذكرت وزنهم قليييل جدا
    وكنت من قبل الولاده اقرا مواضيع لدكتوره شروق ما شاء الله عليها ربنا يكرمها والحمد لله اتعلمت منها كيفية المسك الصحيحه وكيف اساعد طفلي ان يرضع وكذلك ازاي اعرف انه بيبلع او لا المهم كنت احاول اتعلم كيف ارضع لاني بكريه ولوحدي في الغربه

    المهم بدات الرضاعه والدكتور قاللي لازم يرضعوا كل ساعتين
    وكان الموضوع مرهق جدا جدا لانهم صغيرين ومش عارفين يمصوا كويس والرضعه بتاخد وقت طويييل جدا مابالكم بالاتنين وخصوصا لما يبكوا مع بعض فكنت على ما اخلص الرضاعه الاقي الساعتين فاتوا وابتديت من جديد فبقيت بارضع 24 ساعه من ال24 ساعه
    ومنهم واحده مش عارفه تلقم الصدر كويس وانا مرهقه وتعبانه من الولاده القيصريه
    ومفيش نوم والحلمة مجروحه وتؤلمني جدا اثناء الرضاعه
    جبت شفاط وكنت اعصر الحليب نهارا واحس البنات مش شبعانين بردو
    و اعطي الصناعي بالليل عشان اعرف انام واسيب واحده منهم مع امي اثناء نومي وواحده بس تكون معايا وفضلت على الوضع ده شهر
    وبعد الشهر ماما سافرت وسابتني
    وبدات اواجه الموقف وحدي واصبحوا بيناموا معايا الاتنين وانا الفتره الاولى كنت معذبة الضمير جدا وحاسه لبني قليل
    وامي دايما تقوللي مش بيشبعوا انتي مش بتاكلي كويس انتي مهمله
    وفعلا كنت افقد وزني بصوره رهيبه نزلت حوالي 15 كيلو في اول اسبوعين
    وطبعا الصديقات والجيران لازم كل واحد يقول رايه
    مش هتقدري ترضعي الاتنين طبيعي لازم تدخلي الصناعي
    وتختلف الاراء انتي رضعيهم من صدرك شهر ولا 2 وافطميهم من الطبيعي وكملي صناعي
    وحد تاني يفتي ويقولك رضعي واحده طبيعي والتانيه صناعي طبعا كلام مش معقول ليه احرم واحده منهم من حقها

    واللي تكلمني تقوللي انتي لسه بترضعهيم طبيعي كانهم خلاص بقوا سنتين وانا مفروض افطمهم مع انهم مكانوش كملوا الشهرين
    المهم كل الكلام المحبط اللي في الدنيا مفيش اي تشجيع ولا احساس بالتحسن حتى امي كانت بتحسسني انهم مش شبعانين ومش بيرضعوا مني كويس (رغم اقتناعها بالرضاعه الطبيعيه) فاضطر اعطيهم الصناعي خوفا من اني اسيبهم جعانين
    وحتى اطباء الاطفال نصحوني اعطي رضعه طبيعي ورضعه صناعي

    كل ده خلاني افقد الثقة في نفسي تقريبا رغم حماسي الشديد قبل الولاده للرضاعه الطبيعيه

    لحد ما كنت مره باتكلم مع واحده صاحبتي طبيبه بالصدفه وباقولها اللبن قليل
    المهم قالتلي اوعي تقولي كده لان اللبن مرتبط بالنفسيه لما تحسيه قليل هيبقى قليل ولما تحسيه مكفيهم هيكفيهم ان شاء الله

    وفعلا الكلام اقنعني وابتديت مفكرش اللبن هيكفي ولا لا
    وبدات ازيد من اكلي والسوائل والحلويات لاني كنت باحس بحاجه للسكريات ومهتمتش بالناس اللي بتنصح بقلة الاكل او تجنب الحلويات علشان وزنك ميزيدش
    ودي اول خطوه اني سبتني من كلام الناس وركزت على الاكل والشرب اللي بيجيب لبن الحلاوة الطحينيه والحلبه واخدت هيربانا مرتين في اليوم والتزمت بالتلات وجبات في اليوم

    ودايما الخيار الاول هو الطبيعي ولو حسيتهم جعانين اكمل بالصناعي لان الرضاعه بتجيب رضاعه
    وبدات اعالج الحلمات من التشققات باستخدام كريم اسمه ميبو والبانثينول لحد ماراحت التشققات الحمد لله بقيت ادهن الحلمات يوميا بزيت الزيتون كوقايه
    واضع بعد كل رضعه قطرتين من الحليب على الحلمه واتركه يجف عليه والحمد لله الامور اتحسنت والحمد لله بدا وزنهم يزيد شويه فبدات احس بالامان
    وبعدها بدات اوقف الرضعات الصناعي بالليل وبقيت ارضع بالليل طبيعي وعند الطلب مبقيتش مرتبطه بالمواعيد زي الاول
    وبقيت ادي رضعة اعشاب اثناء الليل عند اول طلب للرضاعه بعد رضعة قبل النوم علشان اطول الفتره اللي بانامها وعلشان اظبط نومهم ويعرفوا ان بالليل مفيش رضاعه حليب لان ده وقت النوم بس ده محصلش غير لما كملوا الشهرين طبعا في الاول لازم يرضعوا كويس ووقت ما يحبوا
    و بقيت اثبت لكل واحده منهم ناحيه طول اليوم واليوم التاني ابدل وهكذا حتى احافظ على كمية اللبن في الناحيتين متساويه وميكونش في ناحيه اقل من التانيه لاني كما ذكرت عندي واحده منهم مش بتعرف ترضع كويس زي اختها وبكده اكون ضمنت اني عدلت بينهم في تقسيم اللبن الطبيعي بينهم لان دي كانت من النقط اللي قالقاني جدا جدا
    والحمد لله مازلت مستمره على هذا النظام وقدرت اخفض عدد الرضعات الصناعيه في اليوم الى رضعه واحده يوميا باخليها غالبا قبل النوم علشان يناموا نوم عميق او لما اكون خارج البيت وصعب اني اجد مكان ارضعهم فيه
    وده خلال شهر تقريبا زي الاخت القناصه الورديه
    بطلت اخد الهيربانا (كبسولات الرضاعه)

    وهما دلوقتي مكملوش التلات شهور
    والله الموفق ادعولي اقدر اكمل رضاعتهم لحد ما يكملوا السنتين

    هاجملكم تجربتي في نقط علشان ممكن يكون كلامي مش مرتب قوي
    1-الثقه في الله انه هيعينك ترضعي طبيعي وان الرزق مكفول لكل العباد مابالك بهذا الرضيع الذي لا حول له ولا قوة
    2-عدم الاهتمام بكلام الناس المحبط والتاكد ان كل تجربه تختلف عن الاخرى
    3-ثقفي نفسك من قبل الولاده عن الرضاعه وتعلمي كيف ترضعين وكيف تساعدي طفلك على الرضاعه (مواضيع د. شروق مفيده جدا جدا)
    4- الوقايه من تشقق الحلمات (انا استخدمت زيت الزيتون وقطرتين حليب بعد كل رضعه )
    5-استخدام الشفاط كل 3 ساعات عندما تكون الحلمه مجروحه او ملتهبه
    6-الاكل المتوازن والالتزام ب3 وجبات يوميا وشرب السوائل كثيرا و خصوصا مدرات الحليب زي الحلبه والينسون
    7-الرضاعه الليليه
    8-عدم الالتزام بمواعيد عموما وخصوصا اثناء الليل (ودي اكتر حاجه فرقت معايا)
    9-تشفيط اللبن كل ما يتجمع (اذا كان الطفل نائم او مش عايز يرضع )
    10-النوم العميق ولو تلات او اربع ساعات في اليوم (هو صعب طبعا بس ممكن انا باستخدم رضعة الاعشاب علشان ماصحاش ارضعهم والنوم يطير من عيني)
    11- خلي خيارك الاول دائما الطبيعي لان الرضاعه بتجيب رضاعه ولا تلجأي للرضعه الصناعي طول ما عندك حليب يعني الصناعي لو احتجتيه قوي خليه رضعه مكمله ومتبتديش بيه
    آخر مرة عدل بواسطة ام مرمر و ليلو : 18-05-2011 في 06:31 AM السبب: اضافة شعار التميز

  2. #2
    عزف المحبة's صورة
    عزف المحبة غير متواجد النجم الفضي
    تاريخ التسجيل
    Apr 2010
    الموقع
    بين نبضـــــــــــــــــــــ*من أحب*ـــــــــــــــــّّ
    الردود
    1,312
    الجنس
    أنثى
    الف مبرومك يا دريمي ربي يحفظهم لك يااااارب

  3. #3
    dr_emy's صورة
    dr_emy غير متواجد محررة في مجلة الامل
    تاريخ التسجيل
    Aug 2009
    الموقع
    ksa
    الردود
    1,541
    الجنس
    امرأة
    التكريم
    (أوسمة)
    تعقيب كتبت بواسطة عزف المحبة عرض الرد
    الف مبرومك يا دريمي ربي يحفظهم لك يااااارب
    الله يبارك فيكي يا قمر وحمد لله على سلامتك انتي كمان
    ربنا يبارك لك في بنوتك
    احنا كنا مع بعض في الحمل تقريبا بس انا ولدت بدري مدخلتش التاسع الحمد لله

  4. #4
    ام مرمر و ليلو's صورة
    ام مرمر و ليلو غير متواجد كبار الشخصيات
    تاريخ التسجيل
    Oct 2007
    الموقع
    بعيدة عن حضن اهلي الدافي الله يحميهم ويخليهم لي
    الردود
    20,392
    الجنس
    امرأة
    التدوينات
    1
    التكريم
    • (القاب)
      • متميزة ركن الأمومة والطفولة
      • بحر العطاء في ركن الكروشية
      • باحثة متميزة
      • أبرار
      • محررة بمجلة انا ورحلة الامومة
      • سيدة مبدعة
      • متألقة صيف 1432هـ
      • زهرة ربيعية
      • نبض وعطاء الشتاء
      • درة صيفنا إبداع 1431هـ
      • أميرة المقبلات
      • لؤلؤة شتوية نادرة
      • متألقة ركن الحاسوب
      • فراشة ركن التصاميم
      • همسة متميزة
    (أوسمة)
    بارك الله فيك اخيتي
    تجربة ام ناجحة بالفعل
    الله يوفقك وتقدري تكملي المشوار وترضعيهم طبيعي
    لانه مافي احسن منه
    الله يرضى عنك
    ويحفظلك اطفالك يارب

    يَا نَارُ كُونِي بَرْداً وَسَلاماً عَلَى عراقي الحبيب
    انستجرامي ام مرمر و ليلو
    كنوز من الحسنات
    اللهم اغفر للمؤمنين والمؤمنات الأحياء منهم والأموات
    سبحان الله وبحمده سبحان الله العظيم
    قراءة ما تيسر من القرآن, قول الحمد لله
    لا حول ولا قوة الابالله
    لا إله إلا الله وحده لا شريك له 10 مرة
    اللهم صلى على محمد وعلى آل محمد كما صليت على إبراهيم وعلى آل
    إبراهيم ..
    ستبقى محبتكم بالقلب ما حييت

  5. #5
    dr_emy's صورة
    dr_emy غير متواجد محررة في مجلة الامل
    تاريخ التسجيل
    Aug 2009
    الموقع
    ksa
    الردود
    1,541
    الجنس
    امرأة
    التكريم
    (أوسمة)
    تعقيب كتبت بواسطة ام مرمر و ليلو عرض الرد
    بارك الله فيك اخيتي
    تجربة ام ناجحة بالفعل
    الله يوفقك وتقدري تكملي المشوار وترضعيهم طبيعي
    لانه مافي احسن منه
    الله يرضى عنك
    ويحفظلك اطفالك يارب
    امين يارب
    وشكرا على شعار التجربه المتميزه
    بجد ادخلتي السعاده على قلبي
    ده اول تشجيع وكلام يفتح النفس اسمعه من يوم ما ولدت في موضوع الرضاعه
    اشكرك على كلامك الرائع

  6. #6
    قرب's صورة
    قرب غير متواجد النجم الفضي
    تاريخ التسجيل
    Nov 2008
    الردود
    1,811
    الجنس
    أنثى
    ماشاء الله يادـأيمي ...
    تجربة رااائعة ...
    الله يحفظك وبناتك ويتمم عليك وترضعيهم سنتين وأنتي وهم بأتم الصحة والعافية ...
    الله يسعدك ياقلبي ...

  7. #7
    DR_LOLA's صورة
    DR_LOLA غير متواجد النجم الفضي
    تاريخ التسجيل
    Apr 2007
    الموقع
    cairo
    الردود
    4,218
    الجنس
    أنثى
    جزاكى الله خيرا
    فعلا تجربه متميزه وان شاء الله تكون تشجيع لناس كتيير عندهم توائم وبييسوا من الرضاعه الطبيعيه بدرى جدااا
    اهم حاجه الرضاعه الطبيعيه مفيده جدااااااااااااااا للطفل وللام وهو كل مايحتاجه الطفل فى هذه المرحله كما انها تقوى العلاقه بين الطفل وامه سبحان الله
    جزاكى الله خيرا ربنا يبارك فى بناتك ويرزقك برهم ان شاء الله

  8. #8
    rasha tarek's صورة
    rasha tarek غير متواجد النجم البرونزي
    تاريخ التسجيل
    Nov 2006
    الموقع
    في قلب زوجي
    الردود
    963
    الجنس
    امرأة
    د ايمي
    ما شاء الله الله أكبر ربنا يقويكي يا رب وتكملي المشوار
    انتي عارفة اني من دلوقتي وانا لسة حامل الناس بتخوفني من الرضاعة الطبيعي واني مش هقدر ومش هبقي ملاحقة والكلام المحبط ده
    بس انا كنت مقتنعة من زمان بالرضاعة الطبيعي وحاسة انها بتفرق جامد جدا في البيبي وان شاء الله ربنا هيعنا ويقوينا جميعا يا رب
    وربنا يحفظهم من كل شر ويكبرو بصحة وعافية ان شاء الله


  9. #9
    فجر 2010's صورة
    فجر 2010 غير متواجد النجم الفضي
    تاريخ التسجيل
    Jan 2010
    الموقع
    فى واحة الصابرين
    الردود
    2,172
    الجنس
    امرأة
    ماشاء الله
    الله يقويكى عليهم وتقدرى ترضعيهم طبيعى الى العامان
    الله يحفظهم ويجعلهم من الصالحات
    اقنعتنى بالرضاعة الطبيعية
    لانى كنت خايفة منها مع انة بيبي واحد

  10. #10
    فجر 2010's صورة
    فجر 2010 غير متواجد النجم الفضي
    تاريخ التسجيل
    Jan 2010
    الموقع
    فى واحة الصابرين
    الردود
    2,172
    الجنس
    امرأة

مواضيع مشابهه

  1. الردود: 31
    اخر موضوع: 05-05-2010, 08:11 PM
  2. تجربتي مع الولاده ومافيها من افادهঔღঔ تجربة متميزة ঔღঔ
    بواسطة ^شوووق للجنان^ في الحمل والولادة و الرضاعة
    الردود: 23
    اخر موضوع: 06-03-2010, 06:35 PM
  3. الردود: 32
    اخر موضوع: 22-02-2010, 01:25 PM
  4. الردود: 4
    اخر موضوع: 31-08-2009, 12:48 AM
  5. الردود: 3
    اخر موضوع: 19-08-2009, 09:55 PM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ | جمالكِ | طفلكِ | تحميل صور | تكرات | المجموعة البريدية | لكِ أطباق لاتقاوم

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96