حبيباتى حبيت اقدم خبرتي من تجربتي بالحمل

وابدا باسم الله الرحمن الرحيم

كان فرحى ب26 -2- 2010

طبعا الحمد لله رب العالمين مر فرحى وكل شي تمام وما واجهت اى صعوبات

وهذا بذات نفسه بيعطينى تفاؤل بالدنيا وبالحياة الزوجية خاصة

المهم

مر الشهر الاول والتانى والتالت والرابع وانا مش سائلة على الحمل ابدا

بعد الشهر الرابع بدات الناس تسأل ..ها مخبية شي .. ها حوشتى ههه

والحمد لله رب العالمين ربنا ما كتبلى الحمل بالشهور الى مضت

المهم

بيوم اجت ماما وحكتلى بدى اخدك على دكتورة شاطرة عنا وماما بنفسها كانت تتابع عندها بحملها

واخدتنى حتى تتطمن علية مش أكتر

روحت على الدكتورة

كنت متزوجة الى 6 شهور وفايتة بالسابع

فحصتنى الدكتورة

وحكتلى ابل وانا بغرفة الفحص ابل ما نطلع عند ماما

سالتنى هاى امك ولا حماتك

خبرتها انها امى

لما طلعت

حكت الدكتورة ان شاء الله مشكلتك بسيطة

وفجاة قالت لي انو رحمى مقلوب وبدك وضعية السجود للجماع

خبرتها ماما يومها ما بينفع بالتمريخ ينعدل حكت الها الدكتور لا ما بينفع

هاى وضعه الطبيعيى هيك خلقته وما بنفع بالتمريخ

المهم اخدتنى ماما وطلعنا وبدأت ماما تفهمنى كنت الصراحة بدى ابكي وانا بالشارع مش زعل على وضعى والله لانى قلت سبحانك يارب ربى اختارني لاكون وحدة من مية مليون وحدة رحمى بخلئته يكون مقلوب والحمد لله

روحت على دار حماى سالتنى مرت عمي .. حماتى .. شو عملتي

حكيت الها القصة كلها والرحم مقلوب وهيك

قررت عمتى سعتها انها تاخدنى على ممرخة لتشوف وضعى وحكتلى لما تجيكي الدورة باخدك

اجت الدورة واخدتنى

اول ما وضعت ايديها الممرخة على بطنى الحمد لله باسم الله

وضعت ايدها على السرة ما فيه نبض ما بعدها بدات تدور على النبض

لقت النبض شوي مزيوح من السرة بدات تمرخ بالزيت المقروء عليه

لين ما وصلت النبض عند السرة ويومها والله ما بنساها صارت الممرخة تحكى بسم الله ما شاء الله بسم الله ما شاء الله تحركت ام العيال معى بسرعة واجت بالسرة بالضبط يا بنتى رحمك مش مقلوب ولا شي لانه لو رحمك مقلوب لكان ما فيه نبض لكن رحمك ملوح وهيني عدلتلك اياه

والحمد لله استمريت على التمريخ تلات ايام

ولكن اجت الدورة والحمد لله بعد التمريخ

ودتنى حماتى على دكتورة تانية عملت لي فحض وحكت لي لا يا امورة رحمك مش مقلوب وتبويضك ممتاز حجم البويضة 21 وما فيه اى مشاكل ولا حتى التهابات

لما سمعت عمتى هدا الحكى

قررت تحكى لزوجى يعمل تحاليل المهم عمل تحاليل وكله تمام

بس .. فيه شغلة انتبه الها عمى .. حماي ..

احنا بيغزة وايام الحرب على غزة انقصف مبنى بحاله فوء زوجي ومجموعة من اصحابه ولكن ربنا كان كاتب اله الحياة هو وتلاتة من اصحابه

والحمد لله

فعمى حكى احتمال كبير تكون خوفه معاه

فاخده عمى على ممرخ لقطع الخوفة وحكاله الشهر هدا ان شاء الله مرتك بتحمل وخاصة كان معاه واحد نفس الشي بيتمرخ من الخوفة

المهم مرت الشهر واجت الدورة والزلمة الى كان يتمرخ مرت حملت

انا قلت خلص ما بدها انا عندى شي

قعدت فترة شهرين وما روحت على دكاترة

فبيوم اجا زوجى وحكالى عن دكتور شاطر متعلم من بيريطانيا

قلت خلص ادا زوجي هيك بده بروح

والله ورحت انا وزوجى فعملى فحص وحكالى كل شي تمام عندك بس بدى تعمليلى فحص الهومونات هدا

عملت الفحص وطلع تمام

فقرر يعطينى منشطات
اخدت المنشطات

واجت الدورة

فالدكتور حكالى لازم تعملى ابرة الزيت

عملت ابرة الزيت وطلع عندى الى ما كنت حسباه

الانابيب عندى مسكرة واللتهابات فيها

فالدكتور الى عمل لى ابرة الزيت حكالى عملت الك انبوب وضايل انبوب مسكر ما قدرت اعمله وبيروح مع العلاج

روحت لدكتورى وحكيت اله واعطانى علاج وحكالى امورك هلا تمام وان شاء الله بتكونى حامل الشهر هدا بس بدى اتأكد من القرحة

فطلع بردو عندى قرحة وعملت عملية الكي

وبردو اجتنى الدورة

بعدها اخدتنى عمتى على دكتور اخر ماهر
زى ما بيحكوا

لما فرجيتله الفحوصات وصور الاشعة لابرة الزيت

استغرب حكالى استغرب انو وحدة متزوجة الها سنة وما حملت ولا نزلت ولا ولدت يكون عندها انسداد بالانابيب وقرحة وما بعرف شو انا اشك بهدا الشي

فانصدمت صدمة العمر وحكالى بدى اعملك عملية منظار للرحم فى مستشفى الاوروبي

انا سمعت هيك ولما طلعت اجى زوجى وحماى اخدونى انا وعمتى من عند الدكتور

وبديت ابكي بالطريق

عمليات تانى وعلاج تانى انا مليت زهقت حالتى النفسية تعبت

فقررت انى ما رد لا على دكتور ولا على غيره واحط حالي بالهبيت وما اطلع على دكاترة تانى وحماتى صارت تحكيلى لازم تروحى تعملي العملية وما بعرف شو وانا رفضت رفض قاطع

بعدهااا ضليت شهرين لا اخد علاج ولا اروح على دكاترة
وقررت اعالج نفسي بنفسي انا بعرف عندى اللتهابات داخلية وانسداد بالأنابيب
فتحت على النت

لئيت وحدة كاتبة خلطة للتبخر من تحت ايام الدورة وبدات عليها
وحكيت لزوجى يجيبلى عسل
وبدات على العسل ومغلى البئدونس مع العسل للالتهابات

والتبخر من تحت البئدونس مع بصلة صغيرة اغليهم من تحت

اقسم بالله مشيت على هدا الشي شهرين بس

الشهر الى قبل الحمل عملتها لما قطعتنى الدورة واقسم بالله اقسم بالله
بعد ما قطعتنى الدورة فجاة نزل على دم غزير واسود اسود

وبعدها قطع

روحت على الدكتور تبعى الى بتابع عنده من الاول حتى اشوف كيف وضعى لانى خفت عمن الدم الاسود الى نزل علي

فحكالى الوضع تمام واعطانى منشطات وحكالى بتيجي يوم كذا كذا

فأنا اخدت العلاج وما روحت اله تانى

يوم الدورة ما اجت قلت يمكن خربطة هرمونات استنيت يوم ويومين وتلاتة واربعة

اول يوم غابت عنى الدورة حسيت بدوخة ولوعان وغثيان حتى يومها طبخت وما كملت طبيخي حتى كان سلفى عندى وتغديت انا وياه وزوجي وما كلمت الأكل
وقومت قلت يمكن برد وما كنت حاطه لو واحد بالمية انه يكون حمل

واتصلت ماما على الساعة عشرة بالليل ميشان نطلع الصبح على السوء مشيان نجهز لفرح اخويا بشهر سبعة

فقلت انا الدورة فيتانى وزوجي خاف فقلت اله شو رأيك نروح نحلل ومنه بعرف دمى اديه ميشان الدوخة

روحت وما فيه عندى لو واحد بالمية بردو انى اكون حامل

وفجأة نادانى الدكتور وحكى مبروك بداية حمل ودمك تسعة ونص او عشرة مش زاكرة لانى ركزت على الحمل ههههههه

يومها طلعت من عند الدكنور ودموعى بعيوني ومش مصدقة

وبس وهاى خبرتى من تجربتي

انك ما تردى ولا على دكتور لو كنتى مش مرتاحة نفسيا عنده

وانك ما تاخدى علاجات ازا ما كانت مفيدة وبتحسى انها على الفاضي

طولت عليكم سامحوني

الله يتم فرحتك على خير ويحفظ جنينك من كل سوء

اظااااهر ان دعوتى استجيبت الف مليوووووووووووون مبرووووووك (((انما امره اذا اراد شيئا ان يقول له كن فيكون ))))

حبيبتي الف مبروك وربنا يتمم حملك على خير

الف مبروك والله يتمم على خير

ماشاء الله
الله يتمم لك حملك على خير وان شاء الله البنات يستفيدو من تجربتك

أهلا أهلا ببنت بلادي

بسم الله ماشءالله ولاحول ولاقوة الابالله
الف الف الف مبروووووووووووووووووووووووووووووووووووووك
وربي يثبت حملك ع خير وتشوفي ابنك بين احضانك ياقادر ياكريم يارب يارب يارب

الف الف مبرووووووووك والله يتمم حملك على خير ديري بالك على حالك

الله يسعدكم يارب الله يسلم دياتكم يا رب

د نانسي شكرا الك الله يبارك فيكي وينولك الى بيبالك الله يسعدك يارب والله قد ما ادعيلك ما راح اوفي حئك الله يحفظك يارب


شكرا للكل دون اسثناء وبتمنى من البنات يستفيدوا


بنت بلدى هلا مايا طمنيني عنك

وربنا يارب يتمم لكل وحدة حامل على خير وتولد وتقوم بالسلامة يارب

وتشوف اولادها بين احضانها

فجر
الف شكر الك حبيبتي على تواجدك وشفت ردك بموضوعى الاول بردو سامحونا طولنا عليكم ههه
رورو فلسطين حبيبتى تعبتك معى هههه شفت ردك هان وبموضوعي التانى
شكرا الك حبيبتي والله يسعدك يارب

سحر الغلا الف شكر وامتنان الك الله يسعدك يارب

ام سعد الله يسعدك عزيزتي والله يعطيكى الى بتتمنيه يارب

خلق الحياة بارك الله فيكي على هالدعوة الحلوة يارب

الف مبروك اختي والله يتمم حملك على خير وتشوفي ابنك بين ايديكي يا رب