حبيباتي قدر الله وما شاء فعل
انا الشهر يلي فات متل ما اغلبيتكم عارفين كنت حامل واجهضت ولله الحمد
ما اخدت موانع حمل بعد الطهارة وكملت عادي
استنيت الدورة تيجي ما اجت وصارت تيجيني اعراض الحمل
متل وجع الظهر كتير وتغيرات بالحلمة ووجع بالصدر
قلت اكيد حامل فتركتها بايد ربي الحبيب
اجا وقت الدورة ما نزلت انتظرتها ما نزلت
صار ينزل علي دم بوجع رحت للطوارئ قالولي حامل
بعد ما نزل اللون البني شوية قلت هاد اكيد مجرد علامة انه معاد الدورة
خصوصا بعدما رجعت الافرازات البيضا
صارت معاشرة بعدها بيوم
بنفس اليوم صار ينزل دم تاني على نقط
صرت اخد الدوفاستون مرتين باليوم ما عمل شي
اول امبارح نزلت مني قطعة سودة قلت مو مهم كان لساته فيه امل جواتي
ان الحمل يكون لساته عايش
امبارح رجعت نزلت مني قطعة مو حمرا ومو سودا على وسط بس فيها نقطتين لونهم ابيض من جوة
اليوم الصبح صار الدم كتير
رحت على الطوارئ ووريتهم الايكو تبع اول امبارح ولما عملو تبع اليوم الايكو المهبلي شكل الكيس مو دائري متل ما كان
فقالتلي استني لينزل مع الدم ورفضت تكتبلي اي دوا منظفات قالتلي ارجعي بعد اسبوع لنشوف ادا نزل او رح تحتاجي تنظيف
انا بالاسبوع الخامس ولتاني مرة يحصلي اجهاض بنفس المدة وماني عارفة شو اعمل
ورفضت تكتبلي حبوب منع حمل قالتلي ما ينفعولك هلق
ومولازم تحملي الا بعد شهرين وضروري تعطي فرصة للرحم يرتاح لانه اجهاضين ورا بعض
بدي اعرف ليش ما قدرو يحددو سبب الاجهاضين قالتلي ما نقدر نقول شي لانك سبق وولدتي ولد يعني مو مشكلة بالرحم ولازم نستنى للمرة الجاية لنشوف
وهلق مرعوبة لما احمل تاني مين فيكم اجهضت اكتر من مرة وانجبت عادي بعدين
وكيف رح اتجنب الحمل شهرين وهي ما بدها ياني اخد الحبوب شو اعمل اخواتي وهل الباقي يلي بالرحم رح ينزل مع الدم بعد اسبوع ولا رح اضطر للتنظيف طمنوني لانه قلبي بيتقطع مو اعتراض على قضاء ربي بس لاني خايفة من المجهول
كاتبين لي بالتقرير انه حجم الرحم زايد شوية شو معناته اخواتي طمنوني رحمي فيه شي ولا شو والله الوسواس راكبني
وعنق الرحم مقفول
عدم وجود تورم في الملحقات الجلدية الثنائية
غير متجانسة بطانة الرحم
المبايض العادية
هاد يلي انكتب في التقرير تبع اجهاضي اخواتي طمنوني وقولولي الحقيقة بمعنى يلي بتعرف شي حتى لو مو منيح تقلي ولا تخاف على مشاعري بس عشان اعرف راسي من رجلي
\
الروابط المفضلة