السلام عليكن
كيفكن يا حوامل التوأم
أناكتير استفدت من هالتجمع
و الله تعالى يجزيها الخير كل مين فادتني بمعلومه و بخبرتها
الله يتمملكن على خير و سلامه
كيفك بسكوته
يللا فوتي على التجمع الجديد
لتكوني ولدتي ؟؟؟؟؟
الله تعالى يتمملك على خير أنت و كل الحوامل
أجيت لأحكيلكن عن ولادتي اللي كانت من 3 أسابيع
اتأخرت فيها بس شو أعمل أصلا عم أحكيها و بايدي ولد و التاني عم ينئنئ
بعد ما دخلت بالشهر التاسع بخمس أيام رحت للدكتوره
و حددتلي الولاده يوم الاثنين الساعه 8 صباحا قيصريه طبعا لأنو الاجنه مقعديين ولأنو عندي جرح قيصريه سابق
يوم الأحد اتحممت و جهزت حالي و أغراضي و ما حسنت يومها نام غير ساعتين
الصبح بعتت ولادي على المدرسه و توضيت و رحت للمشفى و كانت ماما الغاليه سابئتني و لأيت الدكتوره عم تستناني
رحت للغرفه تبعي و لبست روب المشفى
و نزلتني الممرضى لغرفة العمليات و أبل ما فوت قبلت يد ماما و فتت
و أول ما فتت آلتلي الدكتوره : و ليش جايبه موبايلك معك
أمت ألتلها لأنو التخدير قطني بدي صور الولاد لما يطلعو
خخخخخخخخخخخخخخخخخخخخخخخخخخ
مفكره أنو حيتركولي أيديي من دون تربيط
خخخخخخخخخخخخخخخخخ
آمت الكتورره و دكتورة التخدير انصدمو بالحياة
آل ليش بدك تخدير قطني !!!!!!!!!!!!!!!!!!ألتلن هيك اتفئنا و الدكتوره وئت زرتها بالعياده آلتلي أنو القطني أسلم من التخدير العام
و تنحت ألا بدي تخدير قطني
و بدت دكتورة التخدير و ما كان يظبط معها و تشوف السائل اللي بيأكدلها صحة مكان الابره و دخلت الابره ثلاث مرات لحتى ظبطت معها
و بديت حس التنميل برجليي
و بدت الدكتوره بالعمليه وبعد شوي سمعت صوت أول ولد و حطو طاوله بجنب راسي و حطتو الدكتوره عليها و ما سدئت شو عم شوف و بعد شوي صغيره حطت التانيو لو تشوفو المنظر سبحان الخالق العظيم و ما بتسدئو أديش بكييييييييييييييييت من هالشوفه
وخافت عليي الدكتوره و كانت بدها اتنيمني بس أنا ما أبلت
و كانت لحظات حلوه ما ابتنتسى
و أجا طبيب الأطفال و فحصهن
و أخدوهن للفحص و الحمام
و بعد ما انتهت العمليه أخيرا
و طلعوني للغرفه و شفت زوجي و ماما و أخواتي و هنوني بالسلامه
بعدها صابتني رجفه أويه كتير
و ما كانت تروح بعد شي ربع ساعه عطوني مهدئ و بعد بشوي خفت الرجفه و راحت الحمد لله تعالى
و هي قصة ولادتي
و سميت الأول عبد الرحمن و التاني محمد ابرهيم
جعلهما الله تبارك و تعالى من الصالحين ومن أئمة المتقين
الله يرزق كل متزوجه الذريه الصالحه و لا يحرمها لحدا
و أهم شي بعد الولاده شرب السوائل من عصير و زهورات و حليب و الاهتمام بالغذاء بشان تأدري ترضعي و من المهم أنو الوحده ما تيأس و حتى لو صار مع الوحده التهاب بالصدر تصبر و تطول بالها و بيمشي الحال
و كل ما رضع الولد كل ما راح الوجع أسرع
و لازم الوحده تعرف أنو الأسبوعين اللي بعد الولاده كتير صعبين و متعبين بس كل شي بثوابه
و هيي أيام بتمضى مع الصبر
ولا تنسي الأجر الكبير اللي الله تعالى بيكتبو للأم
و بالنهايه
بالنسبة للولاده القيصريه أنا بنصحكن بالتخدير القطني مع أنو أصعب و متعب أثناء العمليه
بس يللي بتحس أعصابها قويه لا تتردد بالتخدير القطني لأنو كتير حلو أنو الأم تشوف منظر البيبي أول ما بيولد
بس الحساسه و اللي ألبها رقيق و ما بتتحمل ,التخدير العام أحسنلها
والله الموفق
الله تعالى يتمم على خير لكل حامل و يلهمها الصواب و أهم شي الدعاء و الإلتجاء لله تبارك و تعالى
و التوكل عليه بكل الأمور
تجمع حوامل التوأم تفضلوا أفيدونا واستفيدوا
عضو نشيط
كتبت بواسطة sumaa
أعضاء قرؤوا هذا الموضوع: 0
رد مع الاستدلال
الروابط المفضلة