السلام عليكم اخواتي العزيزات أود ان أستفسر عن موضوع من ذوات الخبرة انا منذ الشهر الرابع وحتى هذه اللحظة آخر الشهر السابع اعاني من حركة جنيني الزائدة في بطني فهو ما شاءلله لا يهدا لا بلليل ولا بلنهار وترفيس من جميع الأماكن ودائماً بلذات بهلشهر أشعر بلضغط من تحت مع العلم ان ابني الأول كانت حركته أقل وكانت وضعيتو مقعدي يعني مانزل للحوض وولادتي كانت قيصري هل في احتمال للولادة الطبيعية؟وهل الحركة الزائدة وبصراحة مؤلمةفي بعض الأحيان
(وبتربطني يعني مابقدر اقوم بواجباتي مع عائلتي بشكل منيح )دليل على ان هذا الطفل بدو يطلع مشاغب وحركة كتير ومارح ينيمني بلليل؟هيك سمعت من بعض النساء.أفيدوني لو سمحتو

ماشالله الله يقومك بالسلامة وتفرحي فيه هو طبعا ماشالله شكلو شقي وزعرون بس بسمع الشقي بيطلع ذكي كمان
ما عندي فكرة والله عن القيصرية بس الله يقومك بالسلامة
حبيت ادعيلك بس

ههههههههههههههه
ذكرتيني بحالي لما كنت حامل بولدي محمود
قبل حملي بيه كنت فقدت جنيني بعمر 6 أشهر مات فجأة ببطني قدر الله و ما شاء فعل و الحمد لله ربنا عوضني بمحمود
الخلاصة بدي أحكيلك كان عندي و عند زوجي هوس من شغلة اسمها " الجنين تحرك؟؟" زوجي كان يسألني نفس السؤال و الله بدون مبالغة يمكن فوق 10 مرات كل شوي يتصل فيني من الشغل و كل شوي نفس السؤال
لأنه بصراحة كان عنا خوف مش طبيعي نفقده متل الطفل اللي قبله
و سبحان الله ربنا كان عالم بالحال كان محمود ما يبطل حركة لا ليل و لا نهار ما شاء الله و كله ركلات و خبط و أنا عاملة قيصرية كانت حركته مؤلمة بشكل فوق و تحت و ما أذكر يوم واحد بطل فيه حركة
لأنه يوم ما أحس بالحركة على طوووووول ع الدكتورة و كشف و تصوير ههههههههه
و من أواخر الشهر السادس حدث معي شيء غريب فجأة حسيت بضغط هائل من تحت و كأنه بده ينزل الجنين و كانت بطني كبيرة ما شاء الله
و لحتى موعد ولادتي نفس الضغط كأنه سكاكين من تحت
طبعا ريحت حالي كتير و ما كنت أطلع خارج البيت إلا نادرا
لكن الحركة القوية لدرجة كانت واضحة جدا على بطني و استمرت لموعد الولادة و كانت ولادتي قيصرية
كنت متوقعة يكون جدا شقي و غلباوي لكن ما شاء الله تبارك الله ما شفت أهدى منه طفل بحياتي لغاية عمر السنة بعدين بلشت الشقاوة على أصولها هههههههه

الخلاصة ما تقلقي من الحركة بالعكس هي رحمة من ربنا لحتى ما تضلك توسوسي تحرك ما تحرك
و بالنسبة للضغط من تحت ريحي حالك و ما تمشي كتير و لا تقفي كتير

السلام عليكم
حبيبتي لاتخافي
متل ماكت لك اختي فاتن شي طبيعي
والله بابني حمزه كان يلعب كرة قدم في بطني وكنت احيانا ابكي من دفاشة حركته
والحمدلله .
لكن غلبني لانه عمامه وابوه علموه على الحمل يعني بده واحد يكون واقف فيه طول اليوم ولمن حطه على الارض
يبكي ويصرخ بده حمل ... لكن تغلبت على هالمشكله والحمدلله
وهو بطبيعته هادي وخجول ومطيع ومتل القمر
لاتخافي ياقلبي ولاتسمعي لحواديت الناس كثير
اتهني بحملك وافرحي فيه
والله يتمملك على خير ويسعد ايامك

كتبت بواسطة ام حمزه وساره

السلام عليكم
حبيبتي لاتخافي
متل ماكت لك اختي فاتن شي طبيعي
والله بابني حمزه كان يلعب كرة قدم في بطني وكنت احيانا ابكي من دفاشة حركته
والحمدلله .
لكن غلبني لانه عمامه وابوه علموه على الحمل يعني بده واحد يكون واقف فيه طول اليوم ولمن حطه على الارض
يبكي ويصرخ بده حمل ... لكن تغلبت على هالمشكله والحمدلله
وهو بطبيعته هادي وخجول ومطيع ومتل القمر
لاتخافي ياقلبي ولاتسمعي لحواديت الناس كثير
اتهني بحملك وافرحي فيه
والله يتمملك على خير ويسعد ايامك

ربنا يخليهولك يا ام حمزة
احكيلنا نسيتيه ازاى حكاية الشيل
انا ابنى مجننى بالشيل والهز


والاخت اللى بتسال عادى الحركة مش تقلقى ربنا يقومك بالسلامة

ابني كان يتحرك كتير ببطني ويضل يرفس وطلع مشاغب وشقي جداااااااااااا
بس كنت اطمن لما يتحرك انو بخير والحمد لله
لاتخافي بالعكس لازم تفرحي انو بتحرك كتير وضلي احكي معو لما يتحرك وحسسي على بطنك لانه بنبسط لما تعملي هيك والله يقومك بالسلامه يارب

حبيبتي لا تخافي اختي ربي يقومك بألف سلامة و تفرحي بالبيبي

انا كمان حصل معي نفس الشيء و ولادتي كانت طبيعية و الحمد لله و البيبي تمام

لاشقاوة و لا حاجة ربي يتربى في عزك ابقي طمنيني عليكي

علشان نعمل لكي سبوع في المنتدى و لا في الاحلام

يالا يا شطورة ربنا معاكي

مشكورات أخواتي العزيزات على ردودكم الرائعة ريحتولي بالي كتير

حبيبتي لاتخافي
شي طبيعي
الله يتمم حملك على خير

حبيبتى لاتخافى هو البيبى بيطمنك انه هو بخير