السلام عليكم و رحمة الله و بركاته ..

بنات انا ولدت امس الساعه 11 الصبح شرفت ساره عالدنيا ...

كان عندي موعد الاربعاء الساعه 5 مع الدكتوره ... و لمن رحت حكتلي ان الرحم مفتوح 2 سم و احتمال اولد بهاليومين ..انا طبعا فرحت و اتصلت بزوجي اللي كان عند اهله بالعين .. و قلتله يحضر حاله هاليومين عشان يرجع .. و انا كنت قاعده عند اهلي لانهم قريبين من المستشفى اللي بدي اولد فيها .. و عالساعه 6 ( بعد الموعد مباشره ) بدأ يجيني وجع متل مغص الدوره .. وضل يروح و ييجي .. و امي بتقلي : و الله انتي شكلك بتطلقي .. قلتلها بس الوجع خفيف ..و عالساعه 11 رحت انام .. بس المغص بدأ يقوى و يقوى .. و عالساعه 12 قمت من السرير لاني خلاص مش قادره انام من كتر الوجع و بعتت مسج لزوجي و مسج لمديرة الشغل ... بس طبعا كانوا الاتنين نايمين .. و بعدها عبيت البانيو مي دافي عشان يخف الوجع .. و خف الوجع .. بس اول مطلعت من البانيو رجع المغص و استفرغت كل اللي فبطني .. و رحت عشان احاول انام .. و كل البيت نايم الا اخواتي الصغار .. بس طبعا ما قدرت انام و حسبتها .. لقيت الوجع بيجي كل 5 دقائق .. و الساعه 2 بالليل .. رحت لعند امي ولقيتها نايمه .. قلتلها اني بدي اروح المستشفى .. بس شفتها نعسانه و اشفقت عليها .. قلتلها اني راح اروح لحالي و بس عشان افحص .. و اذا في شي راح اتصل فيكي .. و المستشفى بعيده عن بيت اهلي 5 دقايق مشي بس .. و رحت عالمستشفى عند القابلات و قلت للممرضه انا ما بعرف اذا عندي طلق ولا لأ .. بس في وجع بيجي كل 5 دقايق و انا تعبانه .. الممرضه اجت تفحصني و قالتلي انه نفس الشي 2 سم .. بس و هي بتفحص نزلت مية الرأس .. ما بعرف هي نزلت لوحدها و لا الممرضه نزلتها ..و قالتلي انها بدها تدخلني المستشفى عشان الولاده ..و لقيت اخواتي الصغار ( هم مش صغار بس بين 18- و 20 سنه ) لقيتهم فوق راسي بالمستشفى .. قلت لاختي تتصل بماما عشان تيجي .. و اتصلت انا بزوجي عشان يرجع ابوظبي .. اتصلت اختي اللي راحت تسجل الدخول و قالت ان لازم ادفع 5000 درهم كاش قبل الدخول .. و خلليتها تسحب من البنك .. بعدها طلعت على غرفة الولاده .. و الوجع بيروح و بيجي و بيقوى .. و كل شوي بستفرغ .. مع ان بطني فاضي .. و قلت لماما اني اتصلت بزوجي .. و ماما قالتلي ليش تصحيه الساعه 2 الفجر .. المسافه طويله و اكيد زوجك نعسان .. و اتصلت فيه عشان تحكيله ما يجي .. بس كان هو اصلا بنص الطريق .. و بدأ الوجع كل 3-5 دقايق .. و طلق الله لا يوريكم .. حسيت حالي راح اموت .. اخبط براسي بئيدي و امسك ايد امي و اخواتي .. و امي يحرام واقفه جنبي و مرعوبه مش عارفه شو تعملي .. قلتلها تسأل على سعر ابرة الظهر عشان بدي اخدها .. و قعدت ادعي ما تكون اكتر من الف درهم .. ماما بعتت اختي تسأل عالسعر .. و الوجع زااااااااااااااااااااااد و صار رهيب .. ماما صارت تقللي : شو ما كان سعرها يكون .. خديها و خلصي حالك ..و قلت لماما تحكي للمرضه اني بدي الابره .. و اصرخ على ماما و اقوللها بدي الابره بدي الابره ( متل مدمنين المخدرات ) و ماما راحت تجري للممرضه عشان تحكيلها .. و طلع لازم ادفع الالفين قبل كل شي .. و كانت ماما بدها تروح البيت تجيب الفلوس لانه يمكن بنكي ما ينفع اسحب منه اكتر من 5000 باليوم .. قلتلها عندي بطاقه تانيه .. و اجى دكتور التخدير من بيته بعد نص ساعه ..و اعطاني الابره .. و قللي ما تتحركي ابدا ابدا .. لان الاثار الجانبيه للحركه خطيره .. و بنص العمليه اجتني طلقه .. قلتله في طلقه جايه شو اعمل ؟؟ قللي لو قرصك تعبان متتحركيش .. حاولت امسك نفسي و اتخيل اني خلاص راح انشل لانش اكيد حتحرك من الوجع .. بس ربي بعتلي طلقه خفيفه اتحملتها و ما اتحركت ... الحمدلله .. بعد شوي تقريبا 5 دقايق .. كل متيجي طلقه بتكون اخف من اللي قبلها و في الاخر صارت تيجي الطلقه ما احس فيها ابدا ابدا .. و كان الرحم فاتح 3 سم بس .. و قللي ان الابره راح تطول موعد الولاده .. و فعلا بقيت من الساعه 5 و نص الفجر ( وقت الابره ) للساعه 9 الصبح من غير طلق .. الى ان اجت الدكتوره و قالت يعطوني طلق صناعي بس شوي عشان هي عندها عمليه و يمكن تتاخر و كان الرحم فاتح 8 سم .. و لمن خلصت العمليه الساعه 10 الصبح بدأو يعطوني الطلق الصناعي بس برضوا ما حسيت بشي .. و الساعه 11 الا ربع صار الرحم 10سم و قالتلي الممرضه ان ادفع و احلول اطلع البيبي بس تيجي الطلقه .. و ضلليت ادفع لحد محسيت براس البيبي راح يطلع .. و بقي بس دفعه بسيطه و تطلع .. و الممرضه قالتلي ما ادفع و اخد نفس عميق بس احس بضغط الطلقه .. شكلها بدها تستنى الدكتوره .. و انا بحكيلها اني حاسه بالبيبي بين رجلي .. و خايفه تختنق او ينضغط عليها .. و هي تقللي استني الدكتوره .. و انا عصبت لاني حاسه حالي فعصتها و خفت تموت .. و زوجي واقف فوق راسي مش عارف شو يعمل .. و قلت للممرضه ما بدي استنى الدكتوره يللا نبدأ ... و ما رضيت .. و انا حاسه بالطلقه جايه ( من غير الم ) و مقهوره لاني خايفه اولدها يصير شي و يحملوني المسؤليه .. و الحمدلله اجت الدكتوره بعد شوي .. و بمجرد مدفعت شوي نزلت البيبي الساعه 11 و 10دقايق .. و كانت زرقاء زرقاء زرقاء .. و بعد ثواني صارت تبكي .. انا اول مسمعت صوتها بكيت و كانت اختي كمان جنبي و بكت .. و اختي سألت الممرضه هل طبيعي لونها ؟ حكتلها لأ .. بس ما تخبري اختك عشان ما تخاف ... المجرمين كانوا راح يموتوا بنتي لو استنوا 5 دقايق زياده و هي بتستنى بدكتورتها .. و الله لو كان صار للبنت شي كان ذبحتهم وحده وحده .. بس الله ستر .. وبعدها رحت عالغرفه عشان ارتاح و كنت مرتاحه و مبسوطه ان خلص هالكابوس على خير .. و لا كأني والده من عشر دقايق .. و كل هذا بفضل الابره ..

و هلأ انا في بيت اهلي .. و كل اهلي مبسوطين فيها و انا راح اطير من الفرحه .. الحمدلله

الف الف الف مبرووووووووووووووووووك حبيبتي
يتربى بعزكم يارب ..

الف الف مبارك عليك ساره يا انجلينا و الف الحمد لله على سلامتك و سلامة البنوتة جعلها الله من الصالحات البارات و من الحافظات لكتابه العزيز

ماشاء الله الف الف الف مبرووووووووووووووووووووووووووك

تتربى بعزكم ياااااااااااااااااااااااااااااااااارب

الــــــــــــــ الف الف ـــــــــــــــــــف مبروك
الله يخليلك اياها يارب وعقبالي يارب

ألف مبرووووووووووك بس أبي أنبهك حبيبتي
لا تقولي هذا بفضل الإبرة بل قولي بفضل الله ثم الإبرة

طبعا بفضل الله في الاول .. بس انا قصدي ان الابره وفرت علي وجع كتير ..

الله يبارك فيكم يا بنات .. عقبالكم و عقبال العايزين ..

مبارك أختي
حمد الله على السلامة
ربنا يبارك فيها ويجعلها من الصالحات ويرزقكم برها

الحمد لله على سلامتك وسلامة البيبي والف مبروك حبيبتي .

ألف مبروووووووك والحمدلله ع سلامتك أنت وسارة والله يقر بها عيونكم يارب.....